Hechos 15:14 - Chayahuita (Shahui)

¹⁴ Iya Simon nani shaꞌhuitërinpoaꞌ. Yosë nohuanton, inaꞌton nisha piyapiꞌsaꞌ aꞌchintërin. Aꞌchintohuachina, aꞌnaquën imasapi, Yosëri huëntonënquë ayaꞌconin. Inapitantaꞌ piyapinënpita pochachin niꞌsarin.

Hechos 15:14 ပူးပေါင်းရင်းမြစ်များ

Isaías 43:21

Piyapinëhuëpitasoꞌ, chinotiinacoso marëꞌ cari acorahuë.

Lucas 1:68

“¡Ma noyacha Tata Yosësoꞌ huaꞌanëntërinpoa paya! Piyapinënpitanpoaꞌ yonquiatonpoaꞌ, nichaꞌësarinpoaꞌ.

Lucas 1:78

Yosë nosoroatonpoaꞌ, inápa quëran aꞌpintimarinpoaꞌ. Piꞌi aꞌpintërinpoaso pochin noꞌtëquën anitotërinpoaꞌ.

Lucas 2:25

Quirosarinquë chachin aꞌna quëmapi yaꞌhuërin, Simion itopisoꞌ. Nóya quëmapi inasoꞌ. Nani tahuëri Yosë chinotërin. “Aꞌna tahuëri Yosë nichaꞌësarinpoaꞌ,” taꞌton, Cristo aꞌpaimacasoꞌ ninarárin. Ispirito Santori noyá yaꞌcoancantërin.

Romanos 1:5

Ina nosoroatonco, acorinco nisha nisha piyapiꞌsaꞌ aꞌchintaꞌhuaso marëꞌ. Inapitantaꞌ nanamën natëcaiso marëꞌ pënënarahuë. Natëhuachinaꞌ, “Quisocristosoꞌ noya noya,” tosapi.

Romanos 11:36

Yaꞌipi maꞌsha Yosëri ninin. Ina nohuanton, co taꞌhuantarëhuahuëꞌ. Yosëíchin paꞌyatacaso marëꞌ yaꞌhuërëhuaꞌ. Inaora nohuanton, anoyacancantërinpoaꞌ. Ma noyacha Yosëso paya, itahuaꞌ. ¡Inasáchin chinotahuaꞌ! Amen.

2 Pedro 1:1

Ca Simon Pitroco ninshitaranquëmaꞌ, niꞌcoꞌ. ¿Noya yaꞌhuaramaꞌ? Noya cantaꞌ yaꞌhuarahuë. Quisocristoíchin huaꞌanëntërinco niꞌton, inasáchin natërahuë. Ina acorinco nanamën aꞌchinaꞌhuaso marëꞌ. Yosë nohuanton, canpitantaꞌ Quisocristo natëramaꞌ. Quiya pochin imaramaꞌ niꞌton, canpitantaꞌ nichaꞌësarinquëmaꞌ. Ma noyacha Quisocristo anoyacancantërinpoa paya, tënëhuaꞌ. Inasoꞌ Yosë niꞌton, chinotërëhuaꞌ. Oshanënpoaꞌ inquitatonpoaꞌ, nóya niꞌninpoaꞌ. Napopianachin nosororinpoaꞌ niꞌton, catahuarinquëmaꞌ canpitantaꞌ cancanëma quëran huarëꞌ natëcamasoꞌ.