Hechos 15:11 - Chayahuita (Shahui)

¹¹ Sinioro Quisoso natëhuatëhuaꞌ, inaora nohuanton, nichaꞌësarinpoaꞌ. Nosoroatonpoaꞌ, oshanënpoa marëꞌ chiminin niꞌton, anoyacancantërinpoaꞌ. Inapochachin nisha piyapiꞌsantaꞌ anoyacancantërin, tënin Pitro.

Hechos 15:11 ပူးပေါင်းရင်းမြစ်များ

Romanos 3:24

Nipirinhuëꞌ, inaora nohuanton, Yosë nosororinpoaꞌ. Nosoroatonpoaꞌ, Quisocristo aꞌpaimarin nichaꞌëinpoaso marëꞌ. Ina imapatëhuaꞌ, Yosë noya niꞌsarinpoaꞌ.

Romanos 5:15

Inasoꞌ yaꞌipinpoaꞌ nosororinpoaꞌ. Atanso nipirinhuëꞌ co ina pochin nininhuëꞌ. Co natërinso marëhuëꞌ oshanën yaꞌhuëtërin. Inapochachin yaꞌipi piyapiꞌsaꞌ oshahuanatonaꞌ, chiminpi. Ina quëran anaꞌintacasoꞌ yaꞌhuërin. Yosëso nipirinhuëꞌ inaora nohuanton, naꞌcon nosororinpoaꞌ. Nosoroatonpoaꞌ, huiꞌnin aꞌpaimarin naꞌaquënpoaꞌ anoyacancantinpoaso marëꞌ.

Romanos 6:23

Piyapi asacatohuatëra, pahuërërëꞌ. Inapochachin co noyahuëꞌ nipatëhuaꞌ, chiminpatëhuaꞌ parisitomiatarihuaꞌ. Yosëso nipirinhuëꞌ, inaora nohuanton nosororinpoaꞌ. Quisocristo imapatëhuaꞌ, ina nohuitatëhuaꞌ, nanpimiatarihua. Inasoꞌ huaꞌanënpoaꞌ. Inasáchin natërëhuaꞌ.

1 Corintios 16:23

Inaora nohuanton, Sinioro Quisoso catahuainquëmaꞌ.

2 Corintios 13:14

Inaora nohuanton, Sinioro Quisocristo catahuainquëmaꞌ. Tata Yosë nosoroꞌinquëmaꞌ. Ispirito Santo chachin nani tahuëri noya ayonquiinquëmaꞌ. Nani huachi. Paono

2 Corintios 8:9

Sinioro Quisocristo nosoroatonpoaꞌ, catahuarinpoasoꞌ nani nitotëramaꞌ. Iráca noya noya inápaquë yaꞌhuëpirinhuëꞌ, isoroꞌpaquë oꞌmarin nichaꞌëinquëmaso marëꞌ. Co mantaꞌ isëquë yaꞌhuëtërinhuëꞌ. Parisitërin quëran nichaꞌërinquemaꞌ noya noya cancantacaso marëꞌ. Parisitaton, naꞌcon catahuarinquëmaꞌ.

Gálatas 1:6

Yosë ayonquirinquëmaꞌ imacamaso marëꞌ. Quisocristo inaora nohuanton nosoroatënquëmaꞌ, catahuarinquëmaꞌ niꞌton, imaramaꞌ. Imapiramahuëꞌ, aꞌnaroáchin ina naniantatomaꞌ, nisha nanan yaimaramaꞌ. Ina yonquiato, paꞌyanahuë.

Gálatas 2:16

Napopirëhuahuëꞌ, Moisësë pënëntërinsoꞌ natëhuatëhuaꞌ, co ina marëꞌ Yosë noya niꞌsarinpoahuëꞌ. Quisocristoíchin imapatëhuaꞌ, noya niꞌsarinpoaꞌ. Napoaton canpoantaꞌ Quisocristo natërëhuaꞌ oshanënpoaꞌ inquitinpoaso marëꞌ. Co inso tërantaꞌ pënëntërinsoꞌ natërinso marëꞌ Yosëꞌpaꞌ paꞌsarinhuëꞌ. Quisocristoráchin nichaꞌërinpoaꞌ.

Tito 2:11

Inaora nohuanton, Yosë nosororinpoaꞌ. Niꞌton, huiꞌnin chachin aꞌpaimarin nanamën anitotinpoaso marëꞌ. Inasoꞌ yaꞌipi piyapinpoaꞌ nichaꞌëinpoasoꞌ nohuantërin.

Apocalipsis 5:9

Chinotatonaꞌ, inahuara yonquinëna quëran nasha cantanën cantarapi. “Noya noyanquën, Sinioro, niꞌton, nanan yaꞌhuëtërinquën quirica niꞌcamasoꞌ. Toꞌni iꞌshotohuatan, nani maꞌsha anitotarancoi. Iráca tëparinënquën. Chiminaton, piyapiꞌsaꞌ sopai quëran ocoiran Yosë imacaiso marëꞌ. Napoaton quëmasáchin nanitëran yaꞌipiya huaꞌanëntacasoꞌ. Nisha nisha parti yaꞌhuëpirinahuëꞌ, imarinënquën, Sinioro. Nisha nisha nananquë nonpisopita imarinënquën. Nisha nisha copirnori huaꞌanëntërinsopita niponaraihuëꞌ, natërinënquën.