Hechos 15:10 - Chayahuita (Shahui)

¹⁰ Iráca Moisësë nisha nisha pënëntopirinhuëꞌ, shimashonënpoaꞌ co nanitopihuëꞌ yaꞌipiya noꞌtëquën natëcaisoꞌ. Canpoantaꞌ co nanitaparëhuahuëꞌ. ¿Maꞌmarëtaꞌ nipachin nisha piyapiꞌsaꞌ imapachinaꞌ, iráca pënëntopisoꞌ aꞌchinacasoꞌ nohuantëramaꞌ? tënahuë. Yosëri noya niꞌpachina, co canpoari nisha shaꞌhuicasoꞌ yaꞌhuërinhuëꞌ. Quisoso imapisopita tananpitahuaꞌ, Yosë anaꞌintohuachinpoaꞌ.

Hechos 15:10 ပူးပေါင်းရင်းမြစ်များ

Éxodo 17:2

Napoaton Moisësë noncarotaantapi: —¡Iꞌsha quëtocoi oꞌoi! itopi. —¿Maꞌmarëta caso noncarotaramaco? Inapohuatamara, canpitaso Yosë chachin tëniantaramaꞌ, itërin.

Isaías 7:12

Napotohuachina Acasosoꞌ tapon: “Inca, co nontarahuëꞌ. Co Sinioro tënicaso yaꞌhuërinhuëꞌ,” tënin.

Mateo 23:4

Niꞌcoꞌ. Panca pëꞌpëto quëpahuatëra, sacaiꞌ iratacasoꞌ. Inapitasoꞌ inapochachin aꞌchintërinënquëmaꞌ. Co Yosë quiricanënáchin aꞌchinpihuëꞌ. Inahuara yonquinëna quëraontaꞌ nisha nisha pënëntopi. Panca pëꞌpëto apëꞌpëtërëso pochin nitërinënquëmaꞌ. Aꞌchintopirinënquëmahuëꞌ, inahuara chachiontaꞌ co natëpihuëꞌ.

Mateo 4:7

—Inca co nohuantërahuëꞌ. Yosë quiricanënquë pënëninpoaꞌ. “Ama Yosë tëniquësohuëꞌ. Ama camaiquësohuëꞌ. Ina nohuantërinsoáchin yonquicasoꞌ yaꞌhuërin,” tënin quiricanënquë, itërin Quisosori.

Hechos 5:9

—¿Onpoatontaꞌ imoya canpita capini ninontatomaꞌ, Ispirito Santo yanonpintopiramahuëꞌ? “Co ina anaꞌintarinpohuëꞌ,” taꞌtomaꞌ, napopiramahuëꞌ. Niꞌquëꞌ. Quëmapiꞌsaꞌ soꞌyan paꞌpitopisopita nani huënantarapi. Quëmaꞌ yaꞌhuërë quëpantarinënquën paꞌpitinënquënso marëꞌ, itërin Pitrori.

Gálatas 4:9

Iporasoꞌ Yosë nohuitëramaꞌ. Inantaꞌ huiꞌninpita pochin nicatënquëmaꞌ, noya nohuitërinquëmaꞌ. Nani nichaꞌëpirinquëmahuëꞌ, ¿maꞌmarëcha naquëranchin iráca pënëntërinsoꞌ, aꞌnapita piyapiꞌsaꞌ natëtopisoꞌ, inapita natëtomaꞌ, tëꞌhuachinachin cancantantaramaꞌ? tënahuë. Inapita natëapomarahuëꞌ, co ina marëꞌ noyápiachin cancantëramahuëꞌ.

Gálatas 5:1

Quisocristo nichaꞌërinpoaꞌ inasáchin yonquiatëhuaꞌ noya cancantacaso marëꞌ. Ina imapatëhuaꞌ, catahuarinpoaꞌ noya nicacasoꞌ. Napoaton ama naquëranchin iráca pënëntërinsoꞌ imahuasohuëꞌ. Quisocristoráchin yonquiaꞌahuaꞌ.

Hebreos 3:9

Tënihuachinacontaꞌ, ahuantërahuë. Catapini shonca piꞌipi nani maꞌsha sacaiꞌ nininso nipirahuëꞌ, co yanatërinacohuëꞌ. ‘Co Yosë catahuarinpoahuëꞌ,’ taꞌtonaꞌ, aꞌnaquën aꞌporinaco.

Hebreos 9:9

Iporahuantaꞌ ina yonquihuatëhuaꞌ, nitotarihuaꞌ. Iráca pënëntërinsoꞌ co natëhuachinahuëꞌ, maꞌsha tëpapi ama Yosëri anaꞌintacaso marëhuëꞌ. Nipirinhuëꞌ, co ina marëꞌ oshanën inquitërinhuëꞌ.