Hechos 14:7 - Chayahuita (Shahui)

⁷ Inatohuaꞌ paatonaꞌ, noya nanan shaꞌhuiantarapi. Yaꞌcariyantaꞌ aꞌchinapi.

Hechos 14:7 ပူးပေါင်းရင်းမြစ်များ

Hechos 11:19

Iꞌhua chachin Istipan tëpahuachinara, Quisoso imapisopita aparisitopi niꞌton, aquë yanquëëpi. Aꞌnaquën Pinisia parti paꞌpi. Aꞌnaquëontaꞌ Chipriquë paꞌpi. Aꞌnapitantaꞌ Antioquiaquëꞌpaꞌ paꞌpi. Nisha nisha parti paatonaꞌ, Quisoso nanamën shaꞌhuipi. Shaꞌhuiponaraihuëꞌ, cotioroꞌsaráchin shaꞌhuitopi.

Hechos 14:15

—¿Onpoaramataꞌ iyaroꞌsaꞌ? Ama moshacoisohuëꞌ. Tëhuënchachin co quiyasoꞌ moshamacoiso yaꞌhuërinhuëꞌ. Quiyantaꞌ piyapicoi, canpita pochachin ninai. Noya nanan shaꞌhuitaꞌhuanquëmaso marëꞌ huëꞌnai. Quisoso nanamën, iyaroꞌsaꞌ, aꞌchinchinquëmaꞌ, natanco. Mamanshi topinan quëran mosharamaꞌ. Yosëso nipirinhuëꞌ nanpirárin. Ama huachi mamanshi moshacosohuëꞌ. Inapita naniantatomaꞌ, Yosë imaco huachi. Isoroꞌpaꞌ, inápaquë yaꞌhuërinsopita, marëroꞌsaꞌ, yaꞌipi maꞌsharoꞌsaꞌ, inapita inari ninin.

Hechos 14:21

Inaquë noya nanan shaꞌhuitohuachinaꞌ, naꞌa piyapiꞌsaꞌ Quisoso imasapi. Nani aꞌchintohuachinara, Nistraquë ayamantapi. Ina quëran Iconioquëntaꞌ paantarahuatonaꞌ, Antioquiaquë cancoantapi.

Hechos 16:10

Ina natanahuaton, “Yosë nohuantërincoi inatohuaꞌ noya nanan shaꞌhuicaꞌhuaisoꞌ,” taꞌtoi, manorai inatohuaꞌ pacaꞌhuaisoꞌ.

Hechos 17:2

Inachintërin nichinapon chachin cara chinoto tahuëri inaquë Paono Yosë quiricanën aꞌchinin.

Hechos 8:4

Aꞌnaquënso nipirinhuëꞌ yanquëërahuatonaꞌ, paꞌsapi. Yosë nanamën shaꞌhuiraꞌpiapi.

1 Tesalonicenses 2:2

Piriposëquë aꞌchinapiraihuëꞌ, noꞌhuitonacoi, chiníquën aparisitërinacoi. Inapotopirinacoihuëꞌ, canpitataquë canconpatëira, co tëꞌhuaraihuëꞌ. “Yosë catahuarincoi,” taꞌtoi, Quisocristo nanamën aꞌchintërainquëmaꞌ. Aꞌnapita noꞌhuipirinacoihuëꞌ, chiníquën cancantatoi, pënënainquëmaꞌ.

2 Timoteo 4:2

Nanamën aꞌchináquëꞌ. Piyapiꞌsaꞌ yanatanpachinaꞌ, aꞌchintëquëꞌ. Sacaiꞌ aꞌchinacaso nipirinhuëꞌ, onpopiontaꞌ aꞌchináquëꞌ. Aꞌnaquënsoꞌ co yaimapachinahuëꞌ, noꞌtëquën shaꞌhuitëquëꞌ natëinaꞌ. Co noyahuëꞌ nipachinaꞌ, pënënquëꞌ. Noya nontëquëꞌ chiníquën cancantatonaꞌ, imainaꞌ. Yaꞌipi piyapiꞌsaꞌ aꞌchintëquëꞌ noya nicacaiso marëꞌ. Nipirinhuëꞌ, ama noꞌhuiquësohuëꞌ. Sanoanan quëran pënënquëꞌ.