Hechos 14:6 - Chayahuita (Shahui)

⁶ natantahuatonaꞌ, taꞌapi. Niconia parti paꞌpi. Inaquë catoꞌ panca ninanoroꞌsa yaꞌhuërin. Aꞌnaso Nistra, aꞌnantaꞌ Tirpi itopi.

Hechos 14:6 ပူးပေါင်းရင်းမြစ်များ

Mateo 10:23

Aparisitohuachinënquëmaꞌ, aꞌna ninanoquë paantacoꞌ. Inaquëntaꞌ aꞌchiantacoꞌ. Naꞌa ninanoroꞌsaꞌ Cotia parti yaꞌhuërin. Co yaꞌipi ninanoroꞌsaquë paꞌshatërasënquëmahuëꞌ, cantaꞌ oꞌmantararahuë. Yosë quëran quëmapico niꞌto, aꞌna tahuëri oꞌmantarahuë Yosë huaꞌanëntërinsoꞌ acocaꞌhuaso marëꞌ.

Hechos 14:11

Piyapiꞌsari niꞌsahuatonaꞌ, Niconia nananquë ninontopi: —Yosëroꞌsaꞌ isëquë oꞌmatonaꞌ, piyapi taraimapi, topi.

Hechos 14:8

Nistraquë apia yaꞌhuërin. Co nanitërinhuëꞌ iratacasoꞌ. Nasitërin quëran huarëꞌ co onporontaꞌ huanirinhuëꞌ.

Hechos 15:36

Nani huaꞌquimiachin yaꞌhuëhuachinara, Paonori itërin: —Huëquëꞌ paꞌa iyasha. Iꞌhua naꞌa ninanoquë Sinioro nanamën shaꞌhuirëꞌ. Paatëꞌ Quisoso imapisopita niantaꞌa. ¿Onpoapitaꞌmapaꞌ? itërin.

Hechos 20:4

Naꞌa piyapiꞌsari caꞌtanpi. Sopatiro (Pirro huiꞌnin, Piriaquë yaꞌhuërinsoꞌ), Aristarco, Siconto, (Tisaronicaquë yaꞌhuëpisoꞌ), Acayo (Tirpiquë yaꞌhuërinsoꞌ), Timotio, Tiquico, Tropimo (Asia parti yaꞌhuëpisoꞌ) inapita Paono caꞌtanpi.

Hechos 9:24

Yatëpapisoꞌ natanaton, Saono co huachi aꞌninquëchin paacasoꞌ nohuantërinhuëꞌ. Nani tahuëri ninanoꞌ yaꞌcoanaquë cotioroꞌsari ninarapi tëpacaiso marëꞌ. Tashirë chachin ninarápi.

2 Timoteo 3:11

Aparisitopirinacohuëꞌ, ahuantërahuë. Yaꞌipi niꞌnan niꞌton, nitotëran. Antioquiaquë, Iconioquë, Nistraquë, inaquëpita chiníquën parisitaporahuëꞌ, Sinioro catahuarinco niꞌton, chaꞌërahuë.