Hechos 14:21 - Chayahuita (Shahui)

²¹ Inaquë noya nanan shaꞌhuitohuachinaꞌ, naꞌa piyapiꞌsaꞌ Quisoso imasapi. Nani aꞌchintohuachinara, Nistraquë ayamantapi. Ina quëran Iconioquëntaꞌ paantarahuatonaꞌ, Antioquiaquë cancoantapi.

Hechos 14:21 ပူးပေါင်းရင်းမြစ်များ

Mateo 28:19

Napoaton canpita paatomaꞌ, yaꞌipi piyapiꞌsaꞌ aꞌchintocoꞌ. Nisha nisha nananquë nonpisopita aꞌchintocoꞌ imainaco. Insosona natëhuachinaco, iꞌquë aporintocoꞌ. “Tata Yosë, Huiꞌnin, Ispirito Santo inapita nanan quëtërincoi niꞌton, aporintaranquën,” itahuatomaꞌ, aporintocoꞌ.

Hechos 13:14

Paonosoꞌ Pirnapirë chachin paantapi. Piriqui naꞌhuëtahuatonaꞌ, aquë iratopi. Paꞌsápatonaꞌ, aꞌna Antioquiaquë canconpi, Pisitia parti yaꞌhuërinsoꞌ. Chinoto tahuëri nipachina, cotio niyontonpiso pëiquë paꞌpi. Inaquë yaꞌconahuatonaꞌ, huënsëpi.

Hechos 13:51

“Nani shaꞌhuitopiranquëmahuëꞌ, co nohuantaramahuëꞌ niꞌton, canpitaora tëhuënëmaquë ninaꞌintaramaꞌ,” itahuatonaꞌ, Iconioquë paꞌpi.

Hechos 14:1

Paono, Pirnapi, inapita Iconioquë canconpachinara, inachachin niantapi. Inaquëntaꞌ chinoto tahuëri nanihuachina, cotio niyontonpiso pëiquë yaꞌconpi. Nóya aꞌchinpi niꞌton, naꞌa cotioroꞌsari natëpi. Naꞌa nisha piyapiꞌsantaꞌ Quisoso imápi.

Hechos 14:15

—¿Onpoaramataꞌ iyaroꞌsaꞌ? Ama moshacoisohuëꞌ. Tëhuënchachin co quiyasoꞌ moshamacoiso yaꞌhuërinhuëꞌ. Quiyantaꞌ piyapicoi, canpita pochachin ninai. Noya nanan shaꞌhuitaꞌhuanquëmaso marëꞌ huëꞌnai. Quisoso nanamën, iyaroꞌsaꞌ, aꞌchinchinquëmaꞌ, natanco. Mamanshi topinan quëran mosharamaꞌ. Yosëso nipirinhuëꞌ nanpirárin. Ama huachi mamanshi moshacosohuëꞌ. Inapita naniantatomaꞌ, Yosë imaco huachi. Isoroꞌpaꞌ, inápaquë yaꞌhuërinsopita, marëroꞌsaꞌ, yaꞌipi maꞌsharoꞌsaꞌ, inapita inari ninin.

Hechos 14:19

Napoaponahuëꞌ, cotioroꞌsari huëcapairahuatonaꞌ, anishacancantopi. Aꞌnaquën Antioquia quëran huëꞌpi. Aꞌnapitantaꞌ Iconio quëran huëꞌpi. Huëꞌsahuatonaꞌ, Paono, Pirnapi, inapita shaꞌhuirapipi niꞌton, noꞌhuipi. Noꞌhuirahuatonaꞌ, Paono mapi. Masahuatonaꞌ, naꞌpiquë tëꞌyarahuachinara, chiminpirinhuëꞌ. Ohuararahuatonaꞌ, ninano intonquë tëꞌyatonpi. “Nani chiminin,” taꞌtonaꞌ inaquë patopi.

Hechos 14:26

Ina quëran nanchaquë huëꞌsahuatonaꞌ, Antioquiaquë canquipi. Aꞌpapi quëran chachin canquiantapi. Canquirahuatonaꞌ, Quisoso imapisopita ayontonahuatonaꞌ, yaꞌipi shaꞌhuitopi. “Iꞌhua chachin aꞌparamacoi. ‘Aꞌna parti yaꞌhuëpisopita noya nanan shaꞌhuitoncoꞌ. Insëquësona paꞌpatamaꞌ, Yosë noya catahuainquëmaꞌ,’ itohuatamacoira, paꞌnai. Nani shaꞌhuirai. Yosë nóya catahuarincoi. Ina nohuanton, nisha piyapiꞌsantaꞌ Quisoso natëtonaꞌ, Yosë huëntonënquë yaꞌconpi,” itopi.

Hechos 14:6

natantahuatonaꞌ, taꞌapi. Niconia parti paꞌpi. Inaquë catoꞌ panca ninanoroꞌsa yaꞌhuërin. Aꞌnaso Nistra, aꞌnantaꞌ Tirpi itopi.

Hechos 14:7

Inatohuaꞌ paatonaꞌ, noya nanan shaꞌhuiantarapi. Yaꞌcariyantaꞌ aꞌchinapi.

Hechos 14:8

Nistraquë apia yaꞌhuërin. Co nanitërinhuëꞌ iratacasoꞌ. Nasitërin quëran huarëꞌ co onporontaꞌ huanirinhuëꞌ.

Hechos 15:36

Nani huaꞌquimiachin yaꞌhuëhuachinara, Paonori itërin: —Huëquëꞌ paꞌa iyasha. Iꞌhua naꞌa ninanoquë Sinioro nanamën shaꞌhuirëꞌ. Paatëꞌ Quisoso imapisopita niantaꞌa. ¿Onpoapitaꞌmapaꞌ? itërin.

Hechos 16:2

“Timotio nóya quëmapi,” topi yaꞌipi Quisoso imapisopita. Nistraquë yaꞌhuëpisopita, Iconioquë yaꞌhuëpisopitantaꞌ napopi.

Hechos 2:47

“Ma noyacha Yosëso paya,” tosapi. Yaꞌipi piyapiꞌsari noya niꞌpi. Nani tahuëriya aꞌnapitantaꞌ imasapi niꞌton, Yosëri anoyacancantërin. Ina nohuanton, inapitantaꞌ yaꞌconpi.

2 Timoteo 3:11

Aparisitopirinacohuëꞌ, ahuantërahuë. Yaꞌipi niꞌnan niꞌton, nitotëran. Antioquiaquë, Iconioquë, Nistraquë, inaquëpita chiníquën parisitaporahuëꞌ, Sinioro catahuarinco niꞌton, chaꞌërahuë.