Hechos 14:17 - Chayahuita (Shahui)

¹⁷ Nipirinhuëꞌ, nosoroatonpoaꞌ, nani maꞌsha acotërinpoaꞌ ina nohuitacaso marëꞌ. Ina nohuanton, oꞌnanin. Ina nohuanton, maꞌsha papotërin. Ina nohuanton, cosharoꞌ yaꞌhuëtërinpoaꞌ caꞌpatëhuaꞌ noya cancantacaso marëꞌ. Inapoaton, noya yonquirinpoasoꞌ anitotërinpoaꞌ, itopi.

Hechos 14:17 ပူးပေါင်းရင်းမြစ်များ

1 Reyes 18:1

Cara piꞌipi Israiro noꞌpaquë co manta oꞌnaninhuëꞌ. Ina piquëran Siniorori Iniasë nontaton itapon: “Paaton Acapo nontaantaquëꞌ. Ca nohuanton oꞌnanapon huachi,” itërin.

Nehemías 9:25

Naꞌa pairahuan ninanoroꞌsa yaꞌhuëpirinhuëꞌ. Noꞌpanënanta noya noya nipirinhuëꞌ. Pëiroꞌsaquënta notohuaroꞌ maꞌsha amëntatopi. Iꞌsha tapainanoꞌsaꞌ, oparoroꞌsaꞌ, oripororoꞌsaꞌ, nisha nisha cashinoꞌsaꞌ, inapita yaꞌhuëpirinhuëꞌ, yaꞌipi mapi. Inapoatona noya coshatopi, oꞌopi, napopi. Inapoatona amonpitërapi. Nosororan niꞌton, capa cancantopi.

Copo naporinso' 5:10

Ina nohuanton isoroꞌpaquë oꞌnanin. Napohuachina sharoꞌsa nipaꞌquirin.

Salmos 145:9

Inasoꞌ, yaꞌipi marëꞌ paꞌpi noya ninin. Yaꞌipi acorinsopita noya aꞌpairin.

Isaías 40:21

¡Canpitanta nitotërama niꞌsora! ¡Nani natanama shaꞌhuipisopita! ¡Yaꞌnan caniaritërin quëran huarëꞌ shaꞌhuipisopita yaꞌhuërin! ¡Isoroꞌpaꞌ Yosëri acorin quëran huarëꞌ nani nitotëramaꞌ!

Isaías 5:6

Inapotahuato patarahuë. Co incari pacarapiponhuëꞌ. Co incari yaquisëꞌpaponhuëꞌ. Nahuanoꞌsaꞌ, pacatoroꞌ, inapitari imotapon. Chitoronta camaihuato, co inaquë oꞌnanaponhuëꞌ,” tënin nosororahuësoꞌ.

Jeremías 14:22

Inpioroꞌsasoꞌ, nisha nisha mamanshiroꞌsa moshapi. Co inapita nohuanton oꞌnaninhuëꞌ. ¡Co piꞌiroꞌtë tëranta nohuanton oꞌnaninhuëꞌ! Quëma Sinioro Yosënëhuëinquën niꞌton, oꞌnan aꞌpaimaran. Quëma nohuanton yaꞌipi inapita yaꞌhuërin. Napoaton quëmasáchin ninarainquën, itërahuë.

Ezequiel 34:26

Huaꞌanëntaꞌhuaso marëꞌ motopi acorahuësoꞌ tahuirinquë, ohuicanëhuëpita acoarahuë. Cari chachin catahuaarahuë niꞌton, nohuantasoi chachin oꞌnan yaꞌhuëtaponaꞌ.

Joel 2:23

Quirosarinquë yaꞌhuëramasopitantaꞌ, capa cancantocoꞌ. Yaꞌipi Cota huëntonquë yaꞌhuëramasopita, noya cancantocoꞌ. Sinioroso Yosënënpoa niꞌton, ina yonquiatoma noya cancantocoꞌ. Ina nohuanton nohuantasëhua chachin oꞌnaantarin. Iráca, tahuërinënquë chachin oꞌnaninso pochin niaantarin.

Mateo 5:45

Inapotohuatamaꞌ, Yosë pochin cancantaramaꞌ. Inasoꞌ yaꞌipi piyapiꞌsaꞌ nosororin. Ina nohuanton, piꞌi, oꞌnan, inapita yaꞌhuërin noya nanpicaso marëꞌ. Co imarinsopita marëáchin piꞌi aꞌpininhuëꞌ. Noya nipisopita, oshahuanoꞌsantaꞌ, yaꞌipiya aꞌpintërin. Naporahuaton, oꞌnaontaꞌ napopianachin acotërinpoaꞌ maꞌsha apapotacaso marëꞌ.

Lucas 6:35

Canpitaso nipirinhuëꞌ inimiconëmantaꞌ nosorocoꞌ. Inapitantaꞌ catahuacoꞌ. Piyapiꞌsaꞌ pahuantohuachinaꞌ, coriqui aꞌnancoꞌ. ‘Co iꞌhuërëtaponcohuëꞌ nimara,’ tapomarahuëntaꞌ, aꞌnancoꞌ. Ina pochin nipatamaꞌ, Yosëꞌpaꞌ naꞌcon canaaramaꞌ. Yosë pochachin cancantaramaꞌ. Inasoꞌ yaꞌipi piyapiꞌsaꞌ nosoroaton, catahuarin. Oshahuanoꞌsantaꞌ nosororin. Co ‘Yosparinquën,’ itopirinahuëꞌ, catahuarin.

Hechos 14:18

Napotopirinahuëꞌ, co aꞌnaroáchin natëtopihuëꞌ. Parisi quëran pochin natëtonaꞌ, co huachi ohuacaꞌ tëpatona inapita moshapihuëꞌ.

Hechos 17:26

Iráca aꞌna quëmapiraꞌ ninin. Inaya quëranchin yaꞌipi piyapiꞌsaꞌ naꞌapi. Nisha nisha nipisopita naꞌapi yaꞌipiroꞌpaquë yaꞌhuëcaiso marëꞌ. Coꞌhuara yaꞌhuëyatërasëhuahuëꞌ, yonquirinpoaꞌ. Nisha nisha parti yaꞌhuëcaso marëꞌ acorinpoaꞌ. Onporosona nanpicahuasontaꞌ yonquirin. Ina nohuanton, nanpirëhuaꞌ.

1 Timoteo 6:17

Aꞌnaquën naꞌcon coriqui yaꞌhuëtërin. Inapitantaꞌ api pënënquëꞌ: “Ama aꞌnapita nocancosohuëꞌ. Ama coriquinëmáchin paꞌyatocosohuëꞌ. Inasoꞌ co yaꞌhuëmiataponhuëꞌ. Yosë naꞌcon naꞌcon paꞌyatocoꞌ. Inasoꞌ co apiratërinpoahuëꞌ. Nani maꞌsha quëtërinpoaꞌ nóya cancantatëhua, yaꞌhuëcaso marëꞌ.