Hechos 13:9 - Chayahuita (Shahui)

⁹ Saonosoꞌ Noma nananquë Paono itopi. Ispirito Santori noyá yaꞌcoancantërin niꞌton, pënoton niꞌsárin quëran itapon:

Hechos 13:9 ပူးပေါင်းရင်းမြစ်များ

Miqueas 3:8

Caso nipirinhuëꞌ, noꞌtëquën Sinioro marëꞌ pënëntarahuë niꞌto, achinirinco. Catahuarinco noya nicaꞌhuasoꞌ. Chiníquën cancantato, israiroꞌsa pënënarahuë: “Canpitaso co Yosë natëtomarahuëꞌ, naꞌcon oshahuanamaꞌ,” itárahuë.

Mateo 10:20

Co canpitaora yonquinëma quëran nonsaramahuëꞌ. Ispirito Santo ayonquiarinquëmaꞌ noya nonacamaso marëꞌ.

Marcos 3:5

Co aꞌpanitohuachinarahuëꞌ, aꞌnaya aꞌnaya niꞌsarin. Co natantochináchinhuëꞌ cancantopi niꞌton, noꞌhuirë pochin cancantaton, co noyahuëꞌ niꞌnin. “Co nosoropihuëꞌ,” taꞌton, paꞌpi sëtërin. —Imiran iyasha ihuëquëꞌ, itërin. Ihuëhuachina, aꞌnaroáchin noyatërin.

Marcos 8:25

Naquëranchin sëꞌhuarayantahuachina, noya niꞌtërin. Nani noyatërin niꞌton, yaꞌipi aꞌninquëchin quënanin huachi.

Lucas 20:17

Napohuachinara, nirayarahuaton, itantarin: —Napopiramahuëꞌ, ¿maꞌtaꞌ tapon nipachin pënëntonaꞌpi iráca ninorinsoꞌ? Ninshitaton, tapon: “Naꞌpi quëran yapëihuachina, aꞌna naꞌpi yaꞌhuëpirinhuëꞌ, pëinaꞌpiroꞌsaꞌ co nohuantopihuëꞌ. ‘Napoonin,’ taꞌtonaꞌ, tëꞌyatopirinahuëꞌ, huaꞌanëni maantarahuaton, ‘Iso naꞌpi mini naꞌcon naꞌcon nohuantërahuë pëicaꞌhuaso marëꞌ,’ taꞌton, noya acoantarin.

Hechos 2:4

Napohuachina, Ispirito Santori yaꞌipiya yaꞌcoancantërin. Ina quëran inari catahuarin nisha nisha nananquë nonacaiso marëꞌ. Co nitotaponaraihuëꞌ, aꞌnaroáchin nonpi huachi.

Hechos 4:31

Nani Yosë nontohuachinara, ina nohuanton, pëiꞌ nacon nacontarin. Ispirito Santori yaꞌipiya noyá yaꞌcoancantërin. Chiníquën cancantatonaꞌ, Yosë nanamën shaꞌhuirapi.

Hechos 4:8

Ispirito Santori noyá yaꞌcoancantërin niꞌton, Pitrori itapon: —Natanco huaꞌanoꞌsanquëmaꞌ ninamasoꞌ.

Hechos 7:55

Istipanso nipirinhuëꞌ Ispirito Santori noyá yaꞌcoancantërin niꞌton, inápaquë nëꞌpëtërin. Yosë yaꞌhuërinso chachin niꞌnin. Huënaráchin huënaráchin yaꞌnorin. Quisoso Yosë inchinanën quëran huaniárin, niꞌnin.