Hechos 13:8 - Chayahuita (Shahui)

⁸ Pënotonso nipirinhuëꞌ co nohuantërinhuëꞌ. Inasoꞌ Crico nananquë Irimasë itopi. “Ama natëquësohuëꞌ,” toconin.

Hechos 13:8 ပူးပေါင်းရင်းမြစ်များ

1 Reyes 22:24

Naporoꞌ Sitiquiasëri, Miquiasë panpirayarin. Napotahuaton: —“Sinioro ispiritonëni Sitiquiasë anitotacaso tananpitërin. ¡Ina tananpitaton, ca yaꞌhuërë anitotërinco huachi,” topatan, ninonpintaran! itërin.

Juan 1:41

Shiarahuaton, iin quënanconin. —Iya Simon, Cristo nani quënanai, Yosëri aꞌpaimarinsoꞌ, itërin.

Hechos 13:12

Huaꞌani niꞌsahuaton, “Yosëri mini napotërin,” taꞌton, natërin. Sinioro nanamën natanahuaton, paꞌyanin. “Inasoꞌ chiníquën nanan,” tënin.

Hechos 18:12

Ina quëran Cariono Acaya parti huaꞌanëntohuachina, cotioroꞌsari Paono noꞌhuitonaꞌ, niyontonpi. Ina masahuatonaꞌ, huaꞌanoꞌsataquë quëpapi anaꞌintacaiso marëꞌ.

Hechos 19:38

Timitirio, mamanshi ninaꞌpiroꞌsaꞌ, inapitari yashaꞌhuirapihuachinaꞌ, coisëquë paꞌinaꞌ. Huaꞌanoꞌsantaꞌ yaꞌhuërapi. Inaquë quëparahuatonaꞌ, shaꞌhuirapiinaꞌ.

Hechos 6:7

Ina quëran caꞌtanoꞌsaꞌ nani tahuëri pënëntapi. Yosë nanamën aꞌchinapi. Aquë aquëtëꞌ nahuinin. Quirosarinquë naꞌcon naꞌcon piyapiꞌsaꞌ imasapi. Naꞌa corto huaꞌanoꞌsantaꞌ Quisoso nanamën natëpi.

Hechos 8:9

Inaquë aꞌna quëmapi Simon itopisoꞌ yaꞌhuërin. Coꞌhuara Pinipi huëꞌshatërasohuëꞌ, naꞌcon pënotërin. Nani huaꞌquiꞌ piyapiꞌsaꞌ nonpintërin. “Casoꞌ chiníquën nanantërahuë,” tëninso marëꞌ paꞌyatopi.

Hechos 9:36

Copëquë aꞌna sanapi Tapita itopisoꞌ yaꞌhuërin. Crico nananquë Torëcasa itopi. Inantaꞌ Quisoso imarin. Noya sanapi niꞌton, saꞌahuaroꞌsaꞌ nosoroaton, nani tahuëri catahuarin. Pahuantohuachinara, maꞌsha topinan nicanarin.

2 Timoteo 3:8

Iráca catoꞌ pënotonoꞌsari Moisësë chinitopi. Canisë, Canprisë inapita itopisoꞌ. Moisësë noꞌhuitonaꞌ, copirno nonpintopi ama natëcaso marëhuëꞌ. Inapochachin ipora nisha aꞌchinaꞌpiroꞌsaꞌ co noyahuëꞌ yonquiatonaꞌ, co Yosë nohuantopihuëꞌ. Noꞌtëquën noninsoꞌ co yanatanpihuëꞌ. Nisha nanan imatonaꞌ, co Yosë imasapihuëꞌ.