Hechos 13:52 - Chayahuita (Shahui)

⁵² Patopirinahuëꞌ, nani aꞌchintopi niꞌton, Quisoso imapisopitasoꞌ noya cancantopi. Ispirito Santori noyá yaꞌcoancantërin.

Hechos 13:52 ပူးပေါင်းရင်းမြစ်များ

Mateo 5:12

Iracantaꞌ Yosë piyapinënpita pënëntohuachinara, aꞌnaquëni inapochachin noꞌhuipi. Napoaton aꞌnapita noꞌhuihuachinënquëmaꞌ, noya cancantocoꞌ. Parisitëramaso marëꞌ Yosëꞌpaꞌ naꞌcon acanaarinquëmaꞌ. Ina yonquiatomaꞌ, capa cancantocoꞌ,” itërin Quisosori.

Hechos 11:29

Napohuachina, imapisopita yonquipi Cotia parti yaꞌhuëpisopita catahuacaiso marëꞌ. Imapisopita parisitapi niꞌton, coriqui yaaꞌpapi. Coriquihuanoꞌsasoꞌ naꞌcon quëtopi. Co coriquihuanoꞌsahuëꞌ nipisopitasoꞌ, piꞌpian quëtopi.

Hechos 2:4

Napohuachina, Ispirito Santori yaꞌipiya yaꞌcoancantërin. Ina quëran inari catahuarin nisha nisha nananquë nonacaiso marëꞌ. Co nitotaponaraihuëꞌ, aꞌnaroáchin nonpi huachi.

Hechos 2:46

Nani tahuëri Yosë chinotopiso pëiquë niyontonpi. Quisoso chimininsoꞌ yonquiatonaꞌ, aꞌna pëiquë aꞌna pëiquë coshatapatapi. Co apiratonaraihuëꞌ, noya cancantapi. Nóya cancantatonaꞌ, coshatapatapi.

Hechos 4:31

Nani Yosë nontohuachinara, ina nohuanton, pëiꞌ nacon nacontarin. Ispirito Santori yaꞌipiya noyá yaꞌcoancantërin. Chiníquën cancantatonaꞌ, Yosë nanamën shaꞌhuirapi.

Hechos 5:41

Aꞌpahuachinara, pipipi. “Yosë noya niꞌnincoi niꞌtoi, Quisoso marëꞌ parisitërai,” taꞌtonaꞌ, capa cancantopi. Co mantaꞌ sëtopihuëꞌ.

Romanos 14:17

Yosë noya huaꞌanëntërinpoaꞌ. Ina imapatëhuaꞌ, noya nisarëhuaꞌ. Asanocancanarinpoaꞌ niꞌton, co ninoꞌhuicasoꞌ yaꞌhuërinhuëꞌ. Yosësoꞌ, caꞌnëhuasoꞌ, oꞌorëhuasoꞌ, inapita co onpopinchin yonquirinhuëꞌ. Ispirito Santo catahuarinpoaꞌ noya cancantahuasoꞌ. Catahuahuachinpoaꞌ, capa cancantarihuaꞌ.

Romanos 15:13

Yosëíchin tëhuënchachin catahuarinpoaꞌ chiníquën cancantacasoꞌ. Canpitantaꞌ catahuainquëmaꞌ nóya cancantacamaso marëꞌ. Asanocancainquëmaꞌ. Inasáchin yonquihuatamaꞌ, catahuarinquëmaꞌ. Ispirito Santo yaꞌipi nanitaparin. Catahuahuachinquëmaꞌ, chini chiníquën cancantatomaꞌ, noya ninaramaꞌ.

Romanos 5:3

Iporasoꞌ parisitarihuarahuëꞌ, noya cancantarihuaꞌ. “Parisitohuatëhuaꞌ, Yosë catahuarinpoaꞌ imamiatacaso marëꞌ,” taꞌtëhuaꞌ, co sëtarihuahuëꞌ. Chiníquën cancantatëhuaꞌ, noya ahuantarihuaꞌ.

2 Corintios 8:2

Maꞌsha onpotohuachinara, chiníquën parisitaponaraihuëꞌ, noya cancantopi. Naporahuaton, piꞌpisha yaꞌhuëtopirinahuëꞌ, aꞌnapita imapisopita pahuantohuachinara, naꞌcon coriqui quëtopi.

Gálatas 5:22

Nipirinhuëꞌ, Ispirito Santo natëhuatëhuaꞌ, catahuarinpoaꞌ ninosorocasoꞌ. Catahuahuachinpoaꞌ, Yosë nohuitatëhuaꞌ, capa cancantarihuaꞌ. “Yosë noya niꞌsarinco,” taꞌtëhuaꞌ, sano cancantarihuaꞌ niꞌton, noya ninicatëhuaꞌ yaꞌhuarihuaꞌ. Piyapiꞌsaꞌ noꞌhuipirinpoahuëntaꞌ, co yanoꞌhuirihuahuëꞌ. Maꞌsha onpohuatëhuantaꞌ, ahuantarihuaꞌ. Nosoroatëhuaꞌ, nóya nontarihuaꞌ. Ispirito Santo catahuahuachinpoaꞌ, noya nicarihuaꞌ. Noꞌtëquën nontarihuaꞌ; co piꞌpisha tërantaꞌ nonpintarihuahuëꞌ.

1 Tesalonicenses 1:6

Ina marëꞌ aparisitopirinacoihuëꞌ, noya cancantërai. Canpitantaꞌ Yosë nanamën noya natanamaꞌ. Imaramaso marëꞌ aparisitopirinënquëmahuëꞌ, Ispirito Santo catahuarinquëmaꞌ niꞌton, nóya cancantëramaꞌ. Quiya pochin cancantatomaꞌ, chiníquën cancantëramaꞌ. Nonanpatamacoi, Quisocristo chachin nonanaramaꞌ.

Santiago 1:2

Nisha nisha maꞌsha onpoapomarahuëꞌ iyaroꞌsaꞌ, ama sëtocosohuëꞌ. Noya cancantocoꞌ.

1 Pedro 4:13

Quisocristo parisitërinso pochin parisitohuatamaꞌ, noya cancantocoꞌ. Ina quëran chiníquën nanantaton oꞌmantahuachin, noya noya cancantaramaꞌ.