Hechos 13:36 - Chayahuita (Shahui)

³⁶ Napoaponahuëꞌ, Tapisoꞌ Yosë natëton, piyapiꞌsaꞌ catahuarin. Ina quëran chiminin. Shimashonënpita pirayan paꞌpitopi. Nonën chanatërin.

Hechos 13:36 ပူးပေါင်းရင်းမြစ်များ

Génesis 3:19

Paꞌpi chiníquën sacatahuarëꞌ coshataran. Napoin quëran chiminaran huachi. Noꞌpa quëran ninanquën niꞌton, noꞌpa chachin niantamaso yaꞌhuërin, itërin.

2 Samuel 7:12

Aꞌna tahuëri chiminpatan, aꞌnara huiꞌnan copirno nicacaso marëꞌ acoarahuë.

1 Reyes 2:10

Ina piquëran Tapi chiminin. Chiminpachina, Quirosarinquë paꞌpitopi. Inaso ninanoꞌ, shaꞌhuitëranquëmaso chachin: “Tapi ninanonën,” itopi.

Mateo 25:16

Aꞌnatërápo huaranca maꞌpatonaꞌpisoꞌ aꞌnaroáchin natërin. Paaton, naꞌa maꞌsha paꞌanin. Ina quëran inapita paꞌanaton, naꞌcon naꞌcon coriqui canarin. Nani tahuëri inapoaton, oshaquëran aꞌnatërápo huaranca aquëtëꞌ canaantarin.

Juan 11:39

—Naꞌpi chiꞌhuincacoꞌ, itërin Quisosori. —Coꞌ, Sinioro. Nani anarotarin. Nani catapini tahuëritërin, itërin oshini, Marta itopisoꞌ.

Hechos 13:22

Yosëri ocoirahuaton, Tapi acorin. Quisi huiꞌnin inasoꞌ. Nóya quëmapi niꞌton, Yosëri noya niꞌnin. “Tapisoꞌ ca pochin cancantërin. Noya niꞌnahuë. Noꞌtëquën natëarinco,” tënin Yosë.

Hechos 2:29

Niꞌcochi iyaroꞌsaꞌ. Tata masho Tapi nani chiminin. Iráca nani paꞌpitopi. Paꞌpitopisoꞌ ipora huantaꞌ yaꞌhuërarin.

Hechos 7:60

Ina quëran isonahuaton, chiníquën itantarin: “Tëparinacoso marëꞌ, ama Sinioro isopita anaꞌintëquësohuëꞌ,” itërin. Ina tosahuaton, chiminin.

Hechos 8:1

Istipan tëpasoiꞌ, Saonontaꞌ: “Tëpacoꞌ,” tënin. Naporo quëran huarëꞌ cotio huaꞌanoꞌsaꞌ noꞌhuitatonaꞌ, Quisoso imapisopita chiníquën aparisitopi. Quirosarinquë napopi. Aparisitatonaꞌ, ayanquëëpi. Yaꞌipi Cotia parti, Samaria parti, inaquëpita yanquëëpi. Caꞌtanoꞌsaráchin co paꞌpihuëꞌ.

1 Corintios 15:18

Co nanpiantarinhuë naporini, aꞌnaquën imapisopita nani chiminpi niꞌton, parisitopiquë paꞌitonahuëꞌ.

1 Corintios 15:6

Ina quëran naꞌa imapisopita niyontonasoiꞌ, yaꞌnotaantarin. Aꞌnatërápo pasa naꞌcon niꞌpi. Ipora huantaꞌ nanpirapi. Caraíchin nani chiminpi.

1 Tesalonicenses 4:13

Chiminpisopita maꞌsona onpocaisoꞌ aꞌchinchinquëmaꞌ, nitotocoꞌ. Quisoso imarëhuasopita chiminpatëhuaꞌ, nanpiantarihuaꞌ. Co imapisopitasohuëꞌ nipirinhuëꞌ, quëmopinënpita chiminpachinara, sëtopi. “Co onporontaꞌ quënantarihuahuëꞌ,” taꞌtonaꞌ sëtápi. Ama inapita pochin sëtacaso marëhuëꞌ canpitasoꞌ aꞌchinchinquëmaꞌ.