Hechos 13:35 - Chayahuita (Shahui)

³⁵ Napoaton Tapiri ninshitantarin. ‘Quëmasáchin natëranquën niꞌton, co nohuantaranhuëꞌ nonëhuë chanatacasoꞌ,’ itërin, Yosë nontaton. Sarmo quiricaquë chachin naporin.

Hechos 13:35 ပူးပေါင်းရင်းမြစ်များ

Salmos 16:10

Quëmasáchin Sinioro natëranquën niꞌton, co nohuantaranhuëꞌ nonëhuë chanatacasoꞌ. Huaꞌyanëhuëntaꞌ, co chimipiroꞌsa yaꞌhuërinquë tëꞌyataranhuëꞌ.

Salmos 89:48

Co inso tëranta yaꞌhuëráponhuëꞌ. Co insonta chimirin quëran chaꞌësarinhuëꞌ.

Lucas 2:26

Ina nohuanton, Simion nani ninorin. “Siniorori aꞌpaimarinsoꞌ nohuitapo. Coꞌhuara chimiyantërapohuëꞌ, Cristo oꞌmararin, niꞌsarahuë,” tënin yonquiaton.

Juan 3:36

Huiꞌnin natëpisopitasoꞌ, Yosë nohuitatonaꞌ nanpimiatapi. Co natëpisopitasohuëꞌ, co ina pochin nanpimiatapihuëꞌ. Nani Yosëri yonquirin anaꞌintacaso marëꞌ. Aꞌna tahuëri anaꞌintomiatarin, parisitopiquë aꞌpararin huachi.

Juan 8:51

Noꞌtëquën itaranquëmaꞌ. Natëhuatamaco, co chiminaramahuëꞌ, itërin Quisosori.

Hebreos 11:5

Iráca Inoco noya natërin niꞌton, Yosëri inápaquë quëpantarin. Napoaton co chimininhuëꞌ. Piyapiꞌsari yonisápirinahuëꞌ, co quënanpihuëꞌ. Coꞌhuara inápaquë quëpantayátërasohuëꞌ, “Inoco nóya niꞌnahuë,” tënin Yosë quiricanënquë.