Hechos 13:34 - Chayahuita (Shahui)

³⁴ Yosëri ananpitaantacasoꞌ ninorin. Co nonën chanatarinhuëꞌ. Iráca quiricanën quëran itërin: ‘Tapi noꞌtëquën nontërahuë. Nosoroato, naꞌcon catahuarahuë. Canpitantaꞌ inapochachin catahuaranquëmaꞌ,’ tënin Yosë.

Hechos 13:34 ပူးပေါင်းရင်းမြစ်များ

2 Samuel 23:5

Napoaton cá quëran pipipisopitasoꞌ, Yosëri catahuarápon. Nani ina marëꞌ inarëꞌco anoyatomiatërahuë. Inaora chachin nanan yocaton co nonpintarincohuëꞌ. Ina nohuanton yaꞌipi inimicoroꞌsa minsërahuë. Yaꞌipi nohuantërahuësoꞌ natanpatëra, acotërinco. Ina chachin aꞌna tahuërinta nitáponco.

Isaías 55:3

Huëcapairahuatomaco noya natancoꞌ. Natanpatamaco nanpiaramaꞌ. Tapi nosoroato nani shaꞌhuitërahuë. Ina nanicaso marëꞌ canpitaroꞌco anoyatomiatarahuë.

Oseas 3:5

Ina piquëran israiroꞌsasoꞌ, Yosë chachin tahuërëtaantaponaꞌ. Naporahuaton aꞌnara Tapi copirno shiin, copirnonëna nisarin. Tahuëri yanitiquirahuachin, Sinioro noya nicatonaꞌ, chinotapi. Inapotohuachina inarintaꞌ, noya nicaton catahuaantapon.

Amós 9:11

Naquëranchin Sinioro taantarin: “Co huaꞌquiya quëranhuëꞌ israiroꞌsa noya acoantarahuë. Iráca Tapi copirnori huaꞌanëntapon naporinso pochachin acoantarahuë.

Hechos 13:30

Inaquë poꞌmopirinahuëꞌ, Yosëri ananpitaantarin.

Hechos 13:33

Iporasoꞌ nani Quisoso aꞌpatimarinpoaꞌ. Shinpitanpoaꞌ niꞌtëhuaꞌ, yonquirinpoaꞌ. Quisoso ananpitaantarahuaton, catahuarinpoaꞌ canpoantaꞌ. Yosë quiricanënquë iráca ninshitërin. ‘Quëmasoꞌ huiꞌnahuënquën. Ipora chachin acoaranquën huaꞌanëntamaso marëꞌ,’ tënin Tapi. Sarmo catoquë naporin.

Hechos 13:37

Quisososo nipirinhuëꞌ Yosëri ananpitaantarin. Co nonën chanatërinhuëꞌ. Quisoso nonën chachin ninoton, Tapi iráca ninshitërin.

Hechos 2:24

Yosëri ananpitaantarin. Chimirin quëran nichaꞌërin. Co chimirini minsërinhuëꞌ.

Romanos 6:9

Inasoꞌ nanpiantahuachina, co huachi chimianinhuëꞌ. Chimirin nani minsëaton, nanpimiataantarin.