Hechos 13:33 - Chayahuita (Shahui)

³³ Iporasoꞌ nani Quisoso aꞌpatimarinpoaꞌ. Shinpitanpoaꞌ niꞌtëhuaꞌ, yonquirinpoaꞌ. Quisoso ananpitaantarahuaton, catahuarinpoaꞌ canpoantaꞌ. Yosë quiricanënquë iráca ninshitërin. ‘Quëmasoꞌ huiꞌnahuënquën. Ipora chachin acoaranquën huaꞌanëntamaso marëꞌ,’ tënin Tapi. Sarmo catoquë naporin.

Hechos 13:33 ပူးပေါင်းရင်းမြစ်များ

Salmos 2:7

Copirno acorinsonta pënëntaton: “Iporaso Sinioro yonquirinsoꞌ, shaꞌhuichinquëmaꞌ. Inachachin nontatonco: ‘Quëmasoꞌ huiꞌnahuënquën. Ipora acoranquën huaꞌanëntamaso marëꞌ.

Juan 2:22

Quisoso nanpiantahuachina, naporinsoꞌ yonquirai. Cara tahuëriya quëran nanpiantarin niꞌton, “Yosë quiricanën quëran noꞌtëquën ninorin,” tënai. Quisoso noninsontaꞌ natërai.

Hechos 13:30

Inaquë poꞌmopirinahuëꞌ, Yosëri ananpitaantarin.

Hechos 13:34

Yosëri ananpitaantacasoꞌ ninorin. Co nonën chanatarinhuëꞌ. Iráca quiricanën quëran itërin: ‘Tapi noꞌtëquën nontërahuë. Nosoroato, naꞌcon catahuarahuë. Canpitantaꞌ inapochachin catahuaranquëmaꞌ,’ tënin Yosë.

Hechos 13:37

Quisososo nipirinhuëꞌ Yosëri ananpitaantarin. Co nonën chanatërinhuëꞌ. Quisoso nonën chachin ninoton, Tapi iráca ninshitërin.

Hechos 2:24

Yosëri ananpitaantarin. Chimirin quëran nichaꞌërin. Co chimirini minsërinhuëꞌ.

Hechos 2:32

Iporasoꞌ Quisoso chachin Yosëri ananpitaantarin. Quiyari niꞌnai.

Hechos 9:20

Shiarahuaton, cotio niyontonpiso pëiquë paꞌsahuaton, pënëntarin. “Quisososoꞌ Yosë huiꞌnin,” itahuaton, naꞌcon aꞌchinarin.

Hebreos 5:5

Quisocristontaꞌ co inaora nohuanton, corto huaꞌan chini chiníquën nanantërinsoꞌ yaꞌconinhuëꞌ. Yosëri noya nicaton, itapon: “Quëmasoꞌ huiꞌnahuë chachinquën. Ipora chachin acoaranquën piyapiꞌsaꞌ anohuitancoso marëꞌ,” itërin. Quiricanënquë chachin naporin.