Hechos 13:22 - Chayahuita (Shahui)

²² Yosëri ocoirahuaton, Tapi acorin. Quisi huiꞌnin inasoꞌ. Nóya quëmapi niꞌton, Yosëri noya niꞌnin. “Tapisoꞌ ca pochin cancantërin. Noya niꞌnahuë. Noꞌtëquën natëarinco,” tënin Yosë.

Hechos 13:22 ပူးပေါင်းရင်းမြစ်များ

2 Samuel 2:4

Ina piquëran Cota huënton quëmapiꞌsa Ipronquë niyontonpi. Tapinta ina huënton quëmapi niꞌton, copirnonëna nicacaso marëꞌ inaquë acopi. Capisi ninano Carata parti yaꞌhuërin. Inaquë yaꞌhuëpisopitari Saono nosoroatona paꞌpitopisoꞌ, Tapi natantërin. Ina natantaton, inapita shaꞌhuitacaiso marëꞌ comisionoꞌsa aꞌparin. Iso pochin taꞌcaisoꞌ aꞌparin: “Saonosoꞌ copirnonënpoa niꞌton, ina naꞌcon nosoroatoma paꞌpitëramaꞌ. Ina marëꞌ canpitanta Sinioro chachin catahuainquëmaꞌ.

2 Samuel 7:15

Napotaporahuëꞌ, inapitaso co aꞌpomiatarahuëꞌ. Saonosoꞌ tëhuërinso marëꞌ aꞌpomiatërahuë. Aꞌpomiatato, ina yaꞌhuërënamën quëma acoranquën. Inapitasoꞌ, co ina pochin nitarahuëꞌ.

2 Samuel 7:8

Napoaton piyapinëhuë Tapi shaꞌhuitëquëꞌ: ‘Sinioro yaꞌipi nanitaparinso napotërinquën: “Quëmasoꞌ huiꞌnapitapon co máquënquënhuëꞌ ninan. Ohuicaroꞌsa aꞌpairapiranhuëꞌ, carinquën ocoiranquën. Piyapinëhuëpita huaꞌanëntamaso marëꞌ acoranquën.

Salmos 2:6

“Quirosarin ninanosoꞌ, cari huayonahuë. Inaquë huaꞌanëntacaso marëꞌ ¡nani copirno acorahuë!” itërin.

Ezequiel 34:23

Ca nohuanto piyapinëhuë Tapi itërahuësoꞌ, huënantapon. Inaíchin yaꞌipi ohuicanëhuëpita noya aꞌpaiapon.

Oseas 3:5

Ina piquëran israiroꞌsasoꞌ, Yosë chachin tahuërëtaantaponaꞌ. Naporahuaton aꞌnara Tapi copirno shiin, copirnonëna nisarin. Tahuëri yanitiquirahuachin, Sinioro noya nicatonaꞌ, chinotapi. Inapotohuachina inarintaꞌ, noya nicaton catahuaantapon.

Hechos 13:36

Napoaponahuëꞌ, Tapisoꞌ Yosë natëton, piyapiꞌsaꞌ catahuarin. Ina quëran chiminin. Shimashonënpita pirayan paꞌpitopi. Nonën chanatërin.

Hechos 15:8

Yaꞌipi yonquirëhuasopita Yosë nitotërin. “Inapitantaꞌ cancanëna quëran noya natërinaco,” taꞌton, Ispirito Santo ayaꞌcoancantërin. Canpoaꞌ yaꞌcoancantërinpoaso pochachin inapitantaꞌ yaꞌcoancantërin.

Hechos 7:46

Yosëri noya catahuarin niꞌton, Tapi noya huaꞌanëntërin. Inari pancana yapëitopirinhuëꞌ, co Yosë nohuantërinhuëꞌ.

1 Samuel 12:25

Napotopiranquëmahuëꞌ, canpitasoꞌ co noyahuëꞌ nicacamasoráchin cancantohuatamaꞌ, inimicoroꞌsa minsëarinquëmaꞌ. Sinioro nohuanton minsërahuatënënquëma yaꞌhuërama quëran ocoiarinquëmaꞌ. Copirnonëmarë chachin asacatiimaso marëꞌ yaꞌhuëpiꞌpaꞌ quëpaponënquëmaꞌ, itërin.

1 Samuel 15:23

Pënotonquë aniꞌtohuatëra oshahuanëso pochachin, Yosë camaitërinsonta co natëhuatërahuëꞌ, oshahuanëꞌ. Mamanshi moshahuatëra oshahuanëso pochachin co Yosë natëchináchinhuëꞌ cancantohuatërantaꞌ, oshahuanëꞌ. Quëmasoꞌ Sinioro camairinquënsoꞌ, nocanan. Ina pochachin inantaꞌ, quëma copirno nisápasoꞌ nocaninquën,” itërin.

1 Samuel 15:26

Napotopirinhuëꞌ, Samoiroriso itaantarin: —Co quëmaroꞌco panantapohuëꞌ. Sinioro camairinquënso nocananso marëꞌ, iporasoꞌ inantaꞌ, quëma Israiro copirno nisápamasoꞌ nocaninquën, itërin.

1 Samuel 15:28

Naporoꞌ Samoirori itapon: —Aꞌmorahuëso osharanso pochin, Sinioronta ipora tahuëri huaꞌanëntëranso oshatatë pochin nitërinquën. Inapotatënquën, aꞌnara Israiro quëmapi ahuaꞌanëntarin. Quëmá quëran noya noya quëmapi inapotarin.

1 Samuel 16:1

Aꞌna tahuëri Siniorori Samoiro itapon: —¡Noya huachi! ¡Ama aquëtë Saono yonquiaton sëtáquësohuëꞌ! Co huachi nohuantërahuëꞌ inari israiroꞌsa huaꞌanëntápasoꞌ. Ohuaca pomonquë ca marëꞌ toma nininsoꞌ taꞌpanconquëꞌ. Inaporahuaton Quisi itopisoꞌ pëinënquë paquëꞌ. Inasoꞌ, Pirinquë yaꞌhuërin. Ina huiꞌninpita quëran, aꞌnara copirno nicacaso marëꞌ nani huayonahuë. Quëmari tomaquë opomototahuaton acoaran, itërin.

1 Samuel 16:13

Siniorori napotohuachina, inaso pomonquë toma quëninsoꞌ manin. Ina masahuaton iinpita niꞌtonënquë copirno nicacaso marëꞌ acorin. Inasoꞌ huiꞌnapi Tapi itopi. Naporo quëran huarëꞌ Sinioro ispiritonëni yaꞌcoancantërin. Ina piquëran coshatopi huachi. Nani coshatohuachinara Samoirosoꞌ, yaꞌhuërinꞌpaꞌ panantarin. Inasoꞌ, shaꞌhuitëranquëmaso chachin Namaquë yaꞌhuërin.

1 Samuel 28:16

Napotohuachina, Samoirori itapon: —Sinioro aꞌporahuatënquën inimicotërinquën niꞌquëhuarëꞌ, ¡ama caso natancosohuëꞌ!

1 Samuel 31:6

Ina pochin naporo tahuëri Saono huiꞌninpitarë chachin chiminin. Catahuacaso marëꞌ acorinso sontarontaꞌ, chiminin. Aꞌnapita sontaronënpitanta chiminpi.