Hechos 13:17 - Chayahuita (Shahui)

¹⁷ Iráca quëran huarëꞌ israiroꞌsanpoaꞌ Yosë chinotërëhuaꞌ. Iráca chachin shimashonënpoapita acorin piyapinënpita nicacaiso marëꞌ. Iquipitoquë yaꞌhuëaponaꞌ, Yosë nohuanton, naꞌapi. Ina quëran Yosëri chachin chiníquën nanantaton, catahuarin inatohua quëran chaꞌëcaiso marëꞌ.

Hechos 13:17 ပူးပေါင်းရင်းမြစ်များ

Éxodo 14:8

Sinioro nohuanton copirno co natantochináchinhuëꞌ cancantaton, israiroꞌsa imasarin. Chiníquën nanantatona pipipisoꞌ nani nicaponahuëꞌ, imasarin.

Isaías 44:1

Israiroꞌsanquëma noya natancoꞌ. Sinioro naporinso shaꞌhuichinquëmaꞌ: “Canpitaso Cacopo shinpitanquëmaꞌ. Inasoꞌ, piyapinëhuë nicacaso marëꞌ cari huayonahuë. Carima ninanquëmaꞌ. Coꞌhuara nasichátërasënquëmahuëꞌ, acoranquëmaꞌ. Ama paꞌyancosohuëꞌ. Carima catahuaranquëmaꞌ.

Amós 2:10

Canpitaso Iquipito quëran ocoirahuatënquëmaꞌ, catapini shonca piꞌipi inotëro parti ichiiratëranquëmaꞌ. Ina piquëran, inahua noꞌpanëna huaꞌanëntamaso marëꞌ quëtëranquëmaꞌ.

Miqueas 6:4

Shimashonëmapita iráca Iquipitoquë chiníquën asacatatona aparisitápirinahuëꞌ, cari ocoiato nichaꞌërahuë. Naporahuaton catahuainëmaso marëꞌ Moisësë, Aaron, Maria, inapita acorahuë.

Deuteronomio 10:22

Canchisë shonca yaꞌpíchin iráca shimashonënpoapita Iquipitoquë yaꞌhuëcaiso marëꞌ paꞌmapi. Iporaso nipirinhuëꞌ, Yosë catahuarinpoa niꞌton, inápaquë tayora yaꞌhuërinso pochin, naꞌarëhuaꞌ,” itërin Moisësëri.

Deuteronomio 4:20

Canpitasoꞌ, Sinioro Iquipito quëran ocoirahuatënquëma huaꞌanëntërinquëmaꞌ. Huaꞌnamia asoquicaso marëꞌ ornoquë aꞌpërahuatëꞌ, asoquirëꞌ. Inapochachin canpitanta Iquipitoquë parisitápiramahuëꞌ, ocoirinquëmaꞌ. Napoaton ina piyapinënpita ninama huachi.

Deuteronomio 7:19

Sinioro chiníquën nanantaton Iquipito quëran nichaꞌërinquëmasoꞌ, yonquicoꞌ. Nani ina anitotërinpoa nisha nisha maꞌsha ninin quëran, chini chiníquën nanantërinsoꞌ. Iquipitoroꞌsa napotërinso chachin, tëꞌhuatëramasopita nacionoꞌsanta minsëapon.

Deuteronomio 9:5

Tëhuënchachin co canpita noya ninamaso marëꞌ, inapita noꞌpanëna masaramahuëꞌ. Inapita co noyahuëꞌ nipiso marëꞌ, aꞌpararin. Naporahuaton, shimashonëmapita: Apraan, Isaco, Cacopo, inapita shaꞌhuitërinsoꞌ yonquiaton inapotarin.

1 Pedro 2:9

Imarëhuasopitaso nipirinhuëꞌ nohuantërinpoaꞌ. Huayoninpoaꞌ ina nohuitacaso marëꞌ. Inasáchin huaꞌanëntërinpoaꞌ. Nani acorinpoaꞌ corto huaꞌanoꞌsa pochin nicatëhuaꞌ, ina marëꞌ sacatacasoꞌ. Noyápiachin cancan quëtërinpoaꞌ. Yosë piyapinënpoaꞌ ninëhuaꞌ. Iráca tashi pochin cancantopirëhuahuëꞌ, Yosë nichaꞌërinpoaꞌ tahuëri pochin cancantacaso marëꞌ. Acorinpoaꞌ Yosë noya nosororinpoasoꞌ shaꞌhuicaso marëꞌ.

1 Samuel 4:8

Inasoꞌ Yosë, chini chiníquën nanantërin. Inari iquipitoroꞌsa inotëro parti ataꞌhuantërin. Nisha nisha maꞌsha onpotaton tiquirin. ¿Inta iporasoꞌ ina quëran nichaꞌëinpoa? ¡Maꞌhuantacha canpoasoꞌ nisarëhua paya!