Hechos 13:16 - Chayahuita (Shahui)

¹⁶ Napotohuachina: —Noyapaꞌ, carinquëmantaꞌ pënëinquëmaꞌ, taꞌton Paono huanirin. Huanirahuaton, imirin quëran tasatërin piyapiꞌsari taꞌtatonaꞌ natanacaiso marëꞌ. —Natanco iyaroꞌsaꞌ. Aꞌnaquëmantaꞌ nisha piyapinquëmaꞌ nipomarahuëꞌ, Yosë chinotëramaꞌ. Canpitantaꞌ natanco.

Hechos 13:16 ပူးပေါင်းရင်းမြစ်များ

1 Reyes 8:40

Inapotohuatan, shimashonëna noꞌpaꞌ quëtëranquë yaꞌhuëaponaꞌ. Inaquë yaꞌhuëapona pochin noya nicatënën chinotáponën.

Mateo 11:15

Huëratëhuanpatamaꞌ, noya natanatomaco, yonquicoꞌ.

Lucas 1:22

Ina quëran acohuana quëran pipipirinhuëꞌ, co huachi nanitërinhuëꞌ nonacasoꞌ. Imirin quëran anquitaponahuëꞌ, co nanitërinhuëꞌ piyapiꞌsaꞌ nontacasoꞌ. “Acohuana yaꞌconin quëran, Yosë nohuanton, huaꞌnarëso pochin quënamara,” topi.

Lucas 1:50

Iráca chinotopisopitantaꞌ nosororin. Ipora huantaꞌ ina chinotohuatëhuaꞌ, nosoroarinpoaꞌ.

Lucas 23:40

Aꞌnariso nipirinhuëꞌ pënënin: —Taꞌtëquëꞌ. ¿Co piꞌpisha tërantaꞌ Yosë tëꞌhuatëranhuëꞌ ti? Tëpararinën quëmantaꞌ.

Hechos 10:2

Inaso nisha piyapi niponahuëꞌ, Yosë chinotërin. Yaꞌipi pëinënquë yaꞌhuëpisopitantaꞌ Yosë chinotopi. Cotioroꞌsaꞌ maꞌsha pahuantohuachinara, nosoroaton, topinan quëtërin. Nani tahuëri Yosë nontërin.

Hechos 10:35

Nisha piyapiꞌsanquëmaꞌ nipomarahuëꞌ, cancanëma quëran huarëꞌ ina chinotohuatamaꞌ, nohuantarinquëmaꞌ. Noya cancantohuatamaꞌ, noya niꞌsarinquëmaꞌ.

Hechos 12:17

Inaso nipirinhuëꞌ imirin quëran anquitërin ama noncarocaiso marëhuëꞌ. —Sinioro chachin anquëninën aꞌpatimarinco. Tashinan pëi quëran ocoirinco. Iya Santiaco shaꞌhuitoncoꞌ nitochin. Yaꞌipi imapisopitantaꞌ shaꞌhuitocoꞌ, itërin. Ina quëran aꞌna parti paꞌnin.

Hechos 13:26

“Canpoasoꞌ iyaroꞌsaꞌ, Apraan shinpitanpoaꞌ niꞌtëhuaꞌ, Yosë nanan aꞌpatirinpoaꞌ nichaꞌëinpoaso marëꞌ. Nisha piyapinquëmantaꞌ Yosë chinotohuatamaꞌ, nichaꞌësarinquëmaꞌ canpitantaꞌ. Napoaton yaꞌipinquëmaꞌ shaꞌhuitaranquëmaꞌ.

Hechos 13:46

Paonoso nipirinhuëꞌ chiníquën cancantaton, co tëꞌhuarinhuëꞌ. Pirnapintaꞌ chiníquën cancantërin. —Canpitaꞌton Yosë nanamën shaꞌhuitaꞌhuanquëmasoꞌ yaꞌhuëpirinhuëꞌ, aꞌporamaꞌ niꞌton, canpitaora tëhuënëma quëran co nanpimiataramahuëꞌ. Napoaton nisha piyapiꞌsaꞌ aꞌchintarai.

Hechos 19:33

Ina quëran cotio huaꞌanoꞌsasoꞌ, Aricantro itopiso camaipi piyapiꞌsaꞌ nontacaso marëꞌ. Napoaton huancánachin huanirahuaton, anquirarin piyapiꞌsaꞌ taꞌtacaiso marëꞌ: “Co quiya tëhuëraihuëꞌ,” taꞌcasoꞌ yonquipirinhuëꞌ,

Hechos 2:14

Shonca catoꞌ caꞌtanoꞌsaso nipirinhuëꞌ, co tëꞌhuatonaraihuëꞌ huanipi. Pitrosoꞌ aꞌninquëchin huanirahuaton, chiníquën nontërin yaꞌipi piyapiꞌsaꞌ natanacaiso marëꞌ. “Noya natanco iyaroꞌsaꞌ. Yaꞌipima Quirosarinquë yaꞌhuëramasopitantaꞌ natanco onporaisona noꞌtëquën shaꞌhuichinquëmaꞌ.

Hechos 2:22

Natanco iyaroꞌsaꞌ. Canpitantaꞌ israiroꞌsanquëmaꞌ niꞌton, Yosë nanamën anitotarinquëmaꞌ. Quisoso naporinsoꞌ shaꞌhuichinquëmaꞌ, nitotocoꞌ. Inasoꞌ Nasaritoquë yaꞌhuërin. Nani maꞌsha nanitaparin. Piyapi aꞌnaroáchin anoyatërin. Co ina pochin niꞌchinëhuahuëꞌ. Yosëri catahuarin niꞌton, naporin. Napoaton: ‘Tëhuënchachin Yosë quëran oꞌmarin,’ topi. Canpitantaꞌ nicatomaꞌ, nitotëramaꞌ.

Hechos 21:40

“Inta nipachin, nontëquëꞌ,” itërin. Paono nanpënanquë huanirahuaton, anqui anquitaꞌparin. Piyapiꞌsari niꞌsahuatonaꞌ, copica topi huachi. Napohuachinara, Paonori cotio nananquë itapon:

Hechos 22:22

Piyapiꞌsaꞌ noya natanapirinahuëꞌ. “Nisha piyapiꞌsaꞌ aꞌchintarahuë,” topachina, noꞌhuitaantapi. “Tëpachinacoꞌ. ¡Paꞌpi co noya quëmapihuëꞌ! ¡Chiminchinaꞌin!” itopi.

Hechos 3:12

Inapita niꞌsahuaton, Pitrori itapon: “¿Onpoatontaꞌ iyaroꞌsaꞌ iso quëmapi nicatomaꞌ, paꞌyanamaꞌ? ¿Onpoatontaꞌ quiyantaꞌ niꞌsaramacoi? Co quiyaora nanitaparaihuëꞌ anoyataꞌhuaisoꞌ. Co quiyasoꞌ noya noyacoihuëꞌ. Yosë nohuanton noyataton, iratarin.

Apocalipsis 2:11

Imaramaco niꞌton, Ispirito Santo chachin nontarinquëmaꞌ. Huëratëhuanpatamaꞌ, noya natanatomaꞌ, yonquicoꞌ. Sopai minsëhuatamaꞌ, co parisitopiquë paatomaꞌ, parisitomiataramahuëꞌ. Nani huachi,” itëquëꞌ, ninshitohuatan, itërinco.

Apocalipsis 2:17

Imaramaco niꞌton, Ispirito Santo chachin nontarinquëmaꞌ. Huëratëhuanpatamaꞌ, noya natanatomaꞌ, yonquicoꞌ. Sopai minsëhuatamaꞌ, noya cancantarama huachi. Iráca israiroꞌsaꞌ Yosëri cosharoꞌ aꞌpatimarin, mana itopisoꞌ. Inachachin poꞌorahuësoꞌ carimantaꞌ quëchinquëmaꞌ sano cancantacamaso marëꞌ. Imaramaco niꞌton, nasha nininëmaꞌ aꞌnaya aꞌnayanquëmaꞌ acoꞌinquëmaꞌ. Canpitaora nitotaramaꞌ. Huiri naꞌpiquë ninshitahuato, quëchinquëmaꞌ. Cancanëma quëran noya noya nohuitaramaco huachi. Nani huachi,” itëquëꞌ, ninshitohuatan, itërinco.

Apocalipsis 2:29

Imaramaco niꞌton, Ispirito Santo nontarinquëmaꞌ. Huëratëhuanpatamaꞌ, noya natanatomaꞌ, yonquicoꞌ. Nani huachi,” itëquëꞌ, ninshitohuatan, itërinco.

Apocalipsis 2:7

Imaramaco niꞌton, Ispirito Santo chachin nontarinquëmaꞌ. Huëratëhuanpatamaꞌ, noya natanatomaꞌ, yonquicoꞌ. Sopai minsëhuatamaꞌ, Yosëꞌpaꞌ yaꞌhuëmiataramaꞌ. Inatohuaꞌ nanpirin nara nitërinsoꞌ caꞌpatamaꞌ, noya noya nanpimiataramaꞌ. Nani huachi,” itëquëꞌ, ninshitohuatan, itërinco Quisoso.