Hechos 12:7 - Chayahuita (Shahui)

⁷ Aꞌnanaya Sinioro anquëninën inaquë yaꞌnotimarin. Huënaráchin aꞌpinin. Pitro pichianahuaton, ochinanin. “Manóton huënsëquëꞌ paꞌa,” itërin. Napotohuachina, tanpain quëran catina inaora niiꞌquiritërin. Cato quëran chachin niiꞌquiritërin.

Hechos 12:7 ပူးပေါင်းရင်းမြစ်များ

2 Samuel 22:29

Quëmasoꞌ aꞌpintatë pochin nitatonco noyasha acancantëranco. Tashinanquë paꞌnëso pochin maꞌsha onpotatonaco yatëparinaco. Quëmaso nipirinhuëꞌ, aꞌpintatë pochin nitëranco. Napotohuatancora, co inimicoroꞌsa maꞌsha onpotarinacohuëꞌ.

1 Reyes 19:5

Napotahuaton ina narasoquë quëhuënin. Quëhuënin quëran huëꞌërin. Napoaponahuëꞌ, Sinioro anquëninëni pichianahuaton ochinanin. Capayatohuachina itapon: “Huënsërahuaton coshatëquëꞌ,” itërin.

1 Reyes 19:7

Napoaponahuëꞌ, Sinioro anquëninëni pichiantarahuaton ochinaantarin. Capayatohuachina itapon: “Huënsëantarahuaton coshataantaquëꞌ. Áquë iratamaso yaꞌhuëtërinquën. Coꞌsoꞌ noya coshatohuatanhuëꞌ, co chinoranquë cancontaranhuëꞌ,” itërin.

Salmos 107:14

Tashinanquë tëꞌyatatë pochin nitopirinahuëꞌ, ina quëran ocoirin. Catinaroꞌsantaꞌ, oshitëraꞌpiaton nichaꞌërin.

Salmos 116:16

Caso Sinioro, piyapinënco. Mamahuëntaꞌ, piyapinën chachin. Nisha nisha maꞌsha onpoato chiminchináchin nipirahuëꞌ, nichaꞌëranco.

Salmos 34:7

Sinioro noya nicatë natëhuatëra, anquëninën tahuirapitatonpoa paꞌpoyararinpoaꞌ.

Isaías 60:1

Cota huëntonquë, Quirosarinquë, inaquëpita yaꞌhuëramasoꞌ, noya natancoꞌ: Sinioro noya noya nininsoꞌ, canpitarë nisarin. Inasoꞌ, huënaráchin huënaráchin aꞌpinarin. Napoaton canpitantaꞌ, aꞌpininso ahuënaratarinquëmaꞌ.

Daniel 3:28

Naporoꞌ copirnosoꞌ: “¡Ma noyacha Yosëso paya! Inasoꞌ, Satraco, Misaco, Api-nico, inapitari chinotërin. Inapita nichaꞌëcaso marëꞌ anquëninën aꞌpaimarin. Inapitasoꞌ Yosëíchin cancantopi niꞌton, co nohuantopihuëꞌ aꞌna yosë isonahuatona moshacaisoꞌ. Napoaton co chimirin tëranta tëꞌhuatatonaraihuëꞌ, ¡ca copirnoco nisapirahuëꞌ, co natërinacohuëꞌ!

Habacuc 3:11

Piꞌi, yoqui, inapitanta co huachi pipiapihuëꞌ. Shinërënënpita, nansanën, inapita huënaratapi niꞌton, napoaponaꞌ.

Habacuc 3:4

Huënaráchin aꞌmosahuatë paꞌnëso pochin níriarin. Oꞌcori huënsha huënshatarinso pochin imirin quëran pipíriarin. Inapoaton chiníquën nanantaponahuëꞌ, co inaporinsohuë pochin yaꞌnorin.

Mateo 2:13

Tayora nitotonaꞌpiroꞌsaꞌ paꞌpachinara, Yosë anquëninëni huëꞌënquë Cosi yaꞌnotahuaton itapon: —Copirno nani chinotërin huaꞌhuasha tëpacaso marëꞌ. Apira sontaroꞌsaꞌ aꞌpararin ina yonicaiso marëꞌ. Napoaton aꞌnaroáchin ichitaꞌaquëꞌ. Aꞌshinë chachin Iquipitoꞌpaꞌ quëpaquëꞌ. Inaquë yacapatëquëꞌ. Noya huënantacasoꞌ nipachin, shaꞌhuitantaranquën, itërin anquëniri.

Lucas 2:9

Inaquë niꞌsoiꞌ, aꞌnanaya Sinioro anquëninëni yaꞌnotimarin. Huënaráchin huënaráchin aꞌpintimarin. Yosë pochin aꞌpinin. Anquëni quënanahuatonaꞌ, quëmapiꞌsaꞌ paꞌyanpi.

Lucas 24:4

“¿Onporincha nicaya?” taꞌtonaꞌ, huaniápirinahuëꞌ, aꞌnanaya catoyaꞌpiri yaꞌnotimarin. Piyapi pochin niponahuëꞌ, aꞌmopisoꞌ huënaráchin huënaráchin yaꞌnopi.

Hechos 10:30

Napotohuachina, Corniriori itërin: —Nani catapini tahuëritarin, ipora pochin Yosë nontasoco, aꞌnanaya aꞌna quëmapi yaꞌnotërinco. Aꞌmorinsoꞌ huënaráchin huënaráchin niꞌnahuë.

Hechos 12:23

Topinan piyapi niponahuëꞌ natanahuaton huaꞌan nipaꞌyatërin. Yosëíchin chinotacaso nipirinhuëꞌ naporinso marëꞌ, aꞌnaroáchin Sinioro anquëninëni acaniorin. Chiníquën canioton, shonari pëꞌyarin. Parisitërarin quëran chiminin.

Hechos 12:6

Tashiraya pochin huaꞌani anaꞌintacasoꞌ nisahuasoꞌ, Pitro huëꞌësárin. Catoꞌ sontaroꞌsari ahuancoanapipi. Catoꞌ catinaquë tonpopi. Ahuënan quëran aꞌna sontarori nitonpotanpatërin. Inchinan quëran aꞌnarintaꞌ nitonpotanpatërin. Inapotahuatonaꞌ, yaꞌipi huëꞌësapi. Yaꞌcoanaquë catoꞌ sontaroꞌsa chachin tashinan pëiꞌ aꞌpairápirinahuëꞌ.

Hechos 12:8

“Aꞌmoanahuaton, sapatëꞌ poꞌmoquëꞌ,” itërin. Itohuachina, inaporin. “Aipi aꞌmoransontaꞌ aꞌmosahuaton, imaquico,” itantarin.

Hechos 16:26

Aꞌnanaya panca ocohua paꞌnin. Tashinan pëiꞌ achinicaso marë acotopiquë huarëꞌ, nacon nacontarin. Naporoꞌ Yosë nohuanton, yaꞌcoanaroꞌsaꞌ niiꞌsoatëraꞌpiapi. Yaꞌipi apiroꞌsaꞌ catinanënaꞌ niiꞌquiritopi.

Hechos 2:24

Yosëri ananpitaantarin. Chimirin quëran nichaꞌërin. Co chimirini minsërinhuëꞌ.

Hechos 5:19

Yono tashiꞌ Sinioro anquëninën huëꞌsahuaton, yaꞌcoana iꞌsoatiirin. Caꞌtanoꞌsaꞌ aipiran quëparahuaton, shaꞌhuitërin:

Hechos 9:3

Ina quëran Tamascoquë paꞌnin. Yaꞌcaritërahuasoꞌ, aꞌnaroáchin inápa quëran huënaráchin huënaráchin aꞌpintërin.

Efesios 5:14

Tahuëri nipachina, yaꞌipi quënanëꞌ. Ninshitatona napopiso chachin ninin. “Co noyahuëꞌ nipatamaꞌ, huëꞌërëso pochin cancantaramaꞌ. Ama ina pochin cancantatomarahuëꞌ, Yosë yonquicoꞌ. Chimipi pochin cancantohuatamaꞌ, Yosë nontocoꞌ nasha cancan quëchinquëmaꞌ. Ina quëran nanpiantarëso pochin cancantaramaꞌ. Quisocristo chachin aꞌpintarinquëmaꞌ noya nicacamaso marëꞌ,” topi.

Hebreos 1:14

Inapitasoꞌ inpriatonënpita pochin niꞌton, Yosëri camairin. Aꞌpaimarin imarëhuasopita catahuainpoaso marëꞌ. Yosë chachin nichaꞌësarinpoaꞌ. Nani ina nitotëramaꞌ.

Apocalipsis 18:1

Ina quëran aꞌna anquënintaꞌ inápa quëran oꞌmararin, niꞌnahuë, chiníquën nanantërinsoꞌ. Huënaráchin niꞌton, isoroꞌpaꞌ aꞌpintërin.