Hechos 12:5 - Chayahuita (Shahui)

⁵ Pitro tashinan pëiquë yaꞌhuapirinhuëꞌ, Quisoso imapisopita Yosë nontapi. Pitro marëꞌ chiníquën Yosë nontapi.

Hechos 12:5 ပူးပေါင်းရင်းမြစ်များ

Mateo 18:19

Catoyanquëma tërantaꞌ napopianachin yonquiatoma Yosë nontohuatamaꞌ, Yosë natanatënquëmaꞌ, catahuarinquëmaꞌ.

Lucas 18:1

“Chiníquën cancantatëꞌ, apira apira Yosë nontacasoꞌ yaꞌhuërin,” taꞌton, pënënto nanan shaꞌhuitantarin ama amitonaꞌ aꞌpocaiso marëhuëꞌ. Aꞌchintaton, itapon:

Hechos 12:12

Ina yonquiaton, Maria pëinënquë paꞌnin. Coansha Marco aꞌshin inasoꞌ. Inaquë naꞌa imapisopita niyontonahuatonaꞌ, Yosë nontapi.

Hechos 12:4

Mapachinara, tashinan pëiquë apoꞌmotërin. Shonca saota sontaroꞌsaꞌ acorin aꞌpaicaiso marëꞌ. Catapini, catapini yaꞌpiri niꞌsapi. Niyaꞌhuërëtatonaꞌ, tashirë chachin aꞌpairapi. “Pascoa naꞌhuëhuachin, piyapiꞌsaꞌ niꞌtërantapaiquë Pitro anaꞌintarahuë,” tënin huaꞌan yonquiaton.

Hechos 12:6

Tashiraya pochin huaꞌani anaꞌintacasoꞌ nisahuasoꞌ, Pitro huëꞌësárin. Catoꞌ sontaroꞌsari ahuancoanapipi. Catoꞌ catinaquë tonpopi. Ahuënan quëran aꞌna sontarori nitonpotanpatërin. Inchinan quëran aꞌnarintaꞌ nitonpotanpatërin. Inapotahuatonaꞌ, yaꞌipi huëꞌësapi. Yaꞌcoanaquë catoꞌ sontaroꞌsa chachin tashinan pëiꞌ aꞌpairápirinahuëꞌ.

1 Corintios 12:26

Maquënpoa tërantaꞌ iquin nipachina, yaꞌipi ninatanëꞌ. Inapochachin maquënpoa tërantaꞌ paꞌyatohuachinënpoaꞌ, yaꞌipi nonënpoaꞌ capa cancantërin.

2 Corintios 1:11

Canpitantaꞌ quiya marëꞌ chiníquën Yosë nontocoꞌ catahuaincoi. Naꞌanquëmaꞌ quiya marëꞌ Yosë nontohuatamaꞌ, Yosë catahuarincoi. Ina quëran canpitantaꞌ noya cancantaramaꞌ. “Ma noyacha Yosëri catahuarin paya,” taꞌtomaꞌ, “Yosparinquën Sinioro,” tosaramaꞌ.

1 Tesalonicenses 5:17

Apira apira Yosë nontocoꞌ. Ama aꞌna tahuëri tërantaꞌ pahuancosohuëꞌ.

Hebreos 13:3

Ama tashinan pëiquë poꞌmopisopita naniantocosohuëꞌ. Catahuacoꞌ. Canpitantaꞌ tashinan pëiquë yaꞌhuëaramaso pochachin yonquicoꞌ. Aꞌnaquëontaꞌ imapiso marëꞌ chiníquën aparisitohuachinaꞌ, noya yonquicoꞌ. Canpitantaꞌ inapita ninatanpiso pochin cancantatomaꞌ, nosorocoꞌ.

Santiago 5:16

Napoaton maꞌsona tërantaꞌ co noyahuëꞌ nipatëhuaꞌ, imarëhuasopita capini nishaꞌhuitahuaꞌ. “Ina marëꞌ casoꞌ oshahuanahuë,” nitahuaꞌ. Itohuaran capini Yosë nontahuaꞌ anoyachinpoaꞌ. Yaꞌipi co noyahuëꞌ yonquirëhuasopita naniantohuatëhuaꞌ, chiníquën ina nontohuatëhuaꞌ, naꞌcon catahuarinpoaꞌ.