Hechos 12:4 - Chayahuita (Shahui)

⁴ Mapachinara, tashinan pëiquë apoꞌmotërin. Shonca saota sontaroꞌsaꞌ acorin aꞌpaicaiso marëꞌ. Catapini, catapini yaꞌpiri niꞌsapi. Niyaꞌhuërëtatonaꞌ, tashirë chachin aꞌpairapi. “Pascoa naꞌhuëhuachin, piyapiꞌsaꞌ niꞌtërantapaiquë Pitro anaꞌintarahuë,” tënin huaꞌan yonquiaton.

Hechos 12:4 ပူးပေါင်းရင်းမြစ်များ

Éxodo 12:1

Moisësë, Aaron, inapita Iquipitoquë chachin niꞌsoiꞌ, Yosëri shaꞌhuitërin israiroꞌsa shaꞌhuitacaiso marëꞌ:

Proverbios 27:1

Aꞌnaquëma co Yosë yonquiapomarahuëꞌ: “Tashiraya maꞌsha nisarahuë,” toconamaꞌ. Napopiramahuëꞌ, canpitaso co nitotëramahuëꞌ tashiraya maꞌsha onpocamasoꞌ.

Mateo 24:9

“Naporoꞌ tahuëriꞌsaꞌ co noya piyapiꞌsahuëꞌ masarinënquëmaꞌ. Imaramacoso marëꞌ aparisitarinënquëmaꞌ. Nisha nisha piyapiꞌsaꞌ noꞌhuiarinënquëmaꞌ. Aꞌnaquëmaꞌ tëpararinënquëmaꞌ.

Marcos 14:1

Catoꞌ tahuëri pahuanarin Pascoa nanicasoꞌ. Naporoꞌ Yosëri iráca nichaꞌërinsoꞌ yonquiatonaꞌ, coshatapi. Pan co huëpocatërinsohuëꞌ caꞌsapi. Pascoa naniriahuachina, cotio huaꞌanoꞌsaꞌ, cotio maistroꞌsaꞌ, inapitari chinotapi onporahuatonsona Quisoso macacaiso marëꞌ. Nonpintatonaꞌ, yatëpapi.

Lucas 21:12

Coꞌhuara maꞌsha onpoyatërasohuëꞌ, co noya piyapiꞌsahuëꞌ masarinënquëmaꞌ. Imaramacoso marëꞌ aparisitarinënquëmaꞌ. Cotio niyontonpiso pëiquë shaꞌhuirapiarinënquëmaꞌ. Tashinan pëiquë poꞌmorarinënquëmaꞌ. Imaramacoso marëꞌ copirno yaꞌhuërinquëntaꞌ quëpararinënquëmaꞌ.

Lucas 22:33

—Sinioro, co casoꞌ aꞌpoaranquënhuëꞌ. Tashinan pëiquë poꞌmohuachinënquën, cantaꞌ yaꞌcoꞌin. Yatëpapirinacohuëntaꞌ, co tëꞌhuatarahuëꞌ, tënin Pitro.

Juan 19:23

Ina quëran sontaroꞌsasoꞌ, nani Quisoso patanantahuatonaꞌ, aipi aꞌmorinsoꞌ nipatomatopi. Catapinitë yasëratonaꞌ, aꞌnaya aꞌnaya mapi. Acopotërinsosoꞌ nipirinhuëꞌ, co pipinamën yaꞌhuëtërinhuëꞌ. Yaꞌipitëꞌ aꞌnanpisoꞌ.

Juan 21:18

Noꞌtëquën, iyasha, itaranquën. Quëmasoꞌ huiꞌnapitapon, quëmaora nohuanton, maꞌsha ninan. Intohuasoꞌ yapaꞌpatana, nitaparahuaton, paꞌnan. Nipirinhuëꞌ, aꞌna tahuëri mashotohuatan, maꞌsha onpotarinënquën. Cato quëran chachin anquiranꞌsoꞌ tonpoarinënquën. Co nohuantopiranhuëꞌ, quëpararinënquën, itërin Pitro.

Hechos 12:3

Tëpapi niꞌton, cotio huaꞌanoꞌsari paꞌyatopi. Ina natantahuaton, Pitrontaꞌ macacaiso marëꞌ camaitërin. Naporoꞌ cotioroꞌsaꞌ niyontonapi pan co ahuëpocatopisohuëꞌ capacaiso marëꞌ.

Hechos 12:5

Pitro tashinan pëiquë yaꞌhuapirinhuëꞌ, Quisoso imapisopita Yosë nontapi. Pitro marëꞌ chiníquën Yosë nontapi.

Hechos 4:28

Quëmaso nipirinhuëꞌ chini chiníquën nanantëran. Co nohuantëranhuëꞌ naporini, co nanitapaitonahuëꞌ. Iráca quëran huarëꞌ yonquiran ina chiminacasoꞌ niꞌton, aparisitopi.

Hechos 4:3

Napoaton cato chachin mapi. Iꞌhuaraya niꞌton, tashinan pëiquë poꞌmopi. “Tashiraya natahuanꞌ,” taꞌtonaꞌ, napotopi. Naporoꞌ tashiꞌ inaquë tahuërianpitopi.

Hechos 5:18

Napoaton caꞌtanoꞌsaꞌ masahuatonaꞌ, tashinan pëiquë poꞌmopirinahuëꞌ.

Hechos 8:3

Saonoso nipirinhuëꞌ Quisoso imapisopita aparisitaton, pëinënaquë huarëꞌ yaꞌconaꞌpiarin. Quëmapiꞌsaꞌ masahuaton, ohuararahuaton, tashinan pëiquë poꞌmorin. Sanapiꞌsantaꞌ inaquë poꞌmorin.