Hechos 12:23 - Chayahuita (Shahui)

²³ Topinan piyapi niponahuëꞌ natanahuaton huaꞌan nipaꞌyatërin. Yosëíchin chinotacaso nipirinhuëꞌ naporinso marëꞌ, aꞌnaroáchin Sinioro anquëninëni acaniorin. Chiníquën canioton, shonari pëꞌyarin. Parisitërarin quëran chiminin.

Hechos 12:23 ပူးပေါင်းရင်းမြစ်များ

2 Reyes 19:35

Naporo tashi chachin Sinioro anquëninëni paꞌsahuaton, Asiria sontaroꞌsa tëpaconin. Pasa posa shonca aꞌnatërápo huaranca tëpachanin. Tahuërihuachina nanpipisopitaso niꞌpirinahuëꞌ, chiminpisopita naꞌcon naꞌcon quëhuënantapi niꞌpi.

Salmos 115:1

Quëmasáchin noya noyanquën niꞌton, paꞌyachinën. Nosoromiatatoncoi catahuarancoi. Napoaton co quiyasoꞌ paꞌyatiinacoiso yaꞌhuërinhuëꞌ.

Éxodo 10:3

Yosëri napotërinso chachin Moisësë, Aaron, inapita copirno nicapona paꞌpi. Quënanconahuatonaꞌ, itaponaꞌ: “Naporin Yosë: ‘¿Onporo huarëta tëꞌhuatatonco natëponco? Piyapinëhuëpita chinotinacoso marëꞌ aꞌpaquë paꞌinaꞌ.

Éxodo 12:12

Naporo tashi chachin yaꞌipi Iquipito roꞌtë paꞌtato, iquipitoroꞌsa paninanëna tëpaarahuë. Pëꞌtahuaroꞌsanta quëmapi nininso yaꞌnan huaꞌhuatopisopita, tëpaarahuë. Caso Sinioroco niꞌto, naporahuëso chachin nisarin. Iquipitoroꞌsa inapotohuato, mamanshinëna atapanarahuë.

Éxodo 12:23

Inapotohuatëhuaꞌ, Yosë noya niꞌsarinpoaꞌ. Paninanënpoapita co tëpaponhuëꞌ. Iquipitoroꞌsa pëinënaquëso nipirinhuëꞌ, tëpaton anquëniri paninanëna tëparaꞌpiapon.

Éxodo 12:29

Yono tashi nisapasoꞌ, yaꞌipi Iquipitoquë paninanoꞌsa quëmapi nipisoꞌ, Siniorori tëparin. Copirno huiꞌnin paninantërinsontaꞌ, chiminin. Inari paꞌpin huaꞌanëntacaso nani catahuarapirinhuëꞌ, chiminin. Tashinan pëiquë apinaꞌpiroꞌsa paninantopisopitantaꞌ, chiminpi. Pëꞌtahuanëna quëmapi yaꞌnan huaꞌhuatopiso quëran huarëꞌ chiminpi.

Éxodo 9:17

Napotopiranquënhuëꞌ, co piyapinëhuëpita yaaꞌparanhuëꞌ. Co aꞌpahuatanhuëꞌ,

Hechos 12:22

Natanahuatonaꞌ, paꞌyatapi: “Ma noyanquëncha quëmaso paya. Co piyapi pochin nontërancoihuëꞌ. Yosë chachin pochin nontarancoi,” itopi chiníquën nontatonaꞌ.

Hechos 5:19

Yono tashiꞌ Sinioro anquëninën huëꞌsahuaton, yaꞌcoana iꞌsoatiirin. Caꞌtanoꞌsaꞌ aipiran quëparahuaton, shaꞌhuitërin:

2 Tesalonicenses 2:4

Inasoꞌ Yosë inimicotërin. “Ama Yosë chinotocosohuëꞌ. Ama mantaꞌ moshacosohuëꞌ. Casáchin natëco. Yosë yaꞌhuërëtarahuë,” tosarin. Yosë chinotopiso pëiquë chachin huënsëapon piyapiꞌsari chinotacaiso marëꞌ. Paꞌpi co noyahuëꞌ nisarin. Chiníquën nanantaton, yaꞌipi piyapiꞌsaꞌ yacamaiapon.