Hechos 12:22 - Chayahuita (Shahui)

²² Natanahuatonaꞌ, paꞌyatapi: “Ma noyanquëncha quëmaso paya. Co piyapi pochin nontërancoihuëꞌ. Yosë chachin pochin nontarancoi,” itopi chiníquën nontatonaꞌ.

Hechos 12:22 ပူးပေါင်းရင်းမြစ်များ

Daniel 6:7

Yaꞌipi noꞌpanënpoaquë huaꞌanoꞌsa yaꞌconaisoꞌ, aꞌnara nanan quëma camaitacaso marëꞌ yonquirai. Cara shonca tahuëri marëꞌ quëmasáchin sinioro copirno piyapiroꞌsa maꞌsha nohuantopisoꞌ, natainën. Co aꞌna piyapi natanacaiso yaꞌhuërinhuëꞌ. Co yosënëna tëranta natanacaiso yaꞌhuërinhuëꞌ. Insosona co natëtohuachinhuëꞌ, paꞌpiniroꞌsa yaꞌhuërinquë tëꞌyatacaiso yaꞌhuërin. Ina inachachin nicacaiso marëꞌ quëma sinioro copirno quirica ninshitëraiquë, nininën acorahuaton huiꞌshaquëꞌ. Inapotohuatan, co huachi incari tëranta anishataponhuëꞌ. Mitiaroꞌsaꞌ, pirsiaroꞌsaꞌ, inapita ina pochin camaitohuachinara, co incari tëranta nanitërinhuë tapicasoꞌ, itopi.

Hechos 12:21

—Shaꞌhuitëquëꞌ huëntaꞌinaꞌ nonchi, itërin. Niyontonpachinara, noyápiachin nitaparin. Huaꞌanëntacasoꞌ shiranënquë huënsërahuaton, piyapiꞌsaꞌ nontarin.

Hechos 12:23

Topinan piyapi niponahuëꞌ natanahuaton huaꞌan nipaꞌyatërin. Yosëíchin chinotacaso nipirinhuëꞌ naporinso marëꞌ, aꞌnaroáchin Sinioro anquëninëni acaniorin. Chiníquën canioton, shonari pëꞌyarin. Parisitërarin quëran chiminin.

Judas 1:16

Yosësoꞌ noya nosoropirinpoahuëꞌ, inapitasoꞌ maꞌsha onpohuachinara, ina noꞌhuipi. Co sano cancantopihuëꞌ. Maꞌsona tërantaꞌ yonquihuachinara, nipi. Co noyahuëꞌ cancantatonaꞌ, napopi. “Quiyasoꞌ noya noya nitotërai,” taꞌtonaꞌ, chiníquën nonconpi. Co piyapi nosoroaponaraihuëꞌ, noyasha nontopi. Inahuara canacaiso marëꞌ napotopi.

Apocalipsis 13:4

Panca yaꞌhuan chinotatonaꞌ, acorinsontaꞌ chinotapi. Notohuaroꞌ piyapiꞌsaꞌ ina yonquiatonaꞌ, natëapi: “Ma noyacha inaso paya. Chini chiníquën nanantarin. ¿Incaritaꞌ nanitërin ina minsëcasoꞌ?” tosapi.