Hechos 12:10 - Chayahuita (Shahui)

¹⁰ Sontaro yaꞌnatontarinsoꞌ naꞌhuëtirin. Ina quëran aꞌnantaꞌ naꞌcotiantarin. Pëianshinanquë huarëꞌ canquirin. Inaquë panca yaꞌcoana huaꞌna quëran nininsoꞌ yaꞌhuëpirinhuëꞌ, inaora niꞌsoatërin. Pipirahuaton, aꞌna cachiquë paꞌnin. Inaquë aꞌnaroáchin anquëniri patërin.

Hechos 12:10 ပူးပေါင်းရင်းမြစ်များ

Génesis 42:17

Cara tahuëri Cosiri iinpita tashinan pëiquëtërin. Inapotopirinhuëꞌ, nontaantarin: —Canta Yosë tëꞌhuatërahuë. Iso pochin nipatamaꞌ, co tëpaaranquëmahuëꞌ.

Juan 20:19

Naporoꞌ tahuëri Tomio tahuëri. Tashihuachina, pëiquë yaꞌhuarai. Cotioroꞌsaꞌ tëꞌhuatatoi, yaꞌcoana noyá oncotopiraihuëꞌ, Quisoso aꞌnanaya huancánachin yaꞌnotatoncoi: —Tashita iyaroꞌsaꞌ. Sano cancantocoꞌ, itërincoi.

Juan 20:26

Posa tahuëri quëran niyontoantahuatoira, Tomasëntaꞌ inaquë nisarin. Naquëranchin yaꞌcoana noya oncotaantapiraihuëꞌ. Quisoso aꞌnaroáchin huancánachin yaꞌnoantarahuaton: —Tashita iyaroꞌsaꞌ. Sano cancantocoꞌ, itërincoi.

Hechos 12:4

Mapachinara, tashinan pëiquë apoꞌmotërin. Shonca saota sontaroꞌsaꞌ acorin aꞌpaicaiso marëꞌ. Catapini, catapini yaꞌpiri niꞌsapi. Niyaꞌhuërëtatonaꞌ, tashirë chachin aꞌpairapi. “Pascoa naꞌhuëhuachin, piyapiꞌsaꞌ niꞌtërantapaiquë Pitro anaꞌintarahuë,” tënin huaꞌan yonquiaton.

Hechos 16:26

Aꞌnanaya panca ocohua paꞌnin. Tashinan pëiꞌ achinicaso marë acotopiquë huarëꞌ, nacon nacontarin. Naporoꞌ Yosë nohuanton, yaꞌcoanaroꞌsaꞌ niiꞌsoatëraꞌpiapi. Yaꞌipi apiroꞌsaꞌ catinanënaꞌ niiꞌquiritopi.

Hechos 5:19

Yono tashiꞌ Sinioro anquëninën huëꞌsahuaton, yaꞌcoana iꞌsoatiirin. Caꞌtanoꞌsaꞌ aipiran quëparahuaton, shaꞌhuitërin:

Apocalipsis 3:7

Ina quëran itaantarinco: —Ansiano Piratiripiaquë yaꞌhuërinsontaꞌ ninshitëquëꞌ nonchin imapisopita natainaꞌ. “Ca Quisosoco quirica aꞌpataranquëmaꞌ, niꞌcoꞌ. Casoꞌ noya noyaco. Casáchin noꞌtëquën aꞌchinahuë. Iráca Yosëri Tapi shaꞌhuitërin. ‘Aꞌna tahuëri quëma shiparinquën yaꞌipi piyapinëhuëpita huaꞌanëntarin,’ itërin. Iráca ninorincoso chachin nani oꞌmarahuë Yosë huëntonënquë ayaꞌconaꞌhuanquëmaso marëꞌ. Niahuiquë yaꞌcoana iꞌsoarahuatëꞌ, ayaꞌconëꞌ. Inapochachin carinquëmaꞌ ayaꞌconpatënquëmaꞌ, co insontaꞌ nanitërinhuëꞌ ocoiinquëmasoꞌ. Oncotohuatëra, co aꞌnapita nanitopihuëꞌ yaꞌconacaisoꞌ.