Hechos 11:3 - Chayahuita (Shahui)

³ —Nisha piyapiꞌsaꞌ pëinënquë yacapataton, inapitarëꞌquën coshatëran. Co inapitasoꞌ marca niacotopihuëꞌ. ¿Onpoatontaꞌ naporan? itërin.

Hechos 11:3 ပူးပေါင်းရင်းမြစ်များ

Mateo 9:11

Parisioroꞌsasoꞌ ina niꞌsahuatonaꞌ, Quisoso caꞌtanoꞌsanënpita itonpi: —¿Onpoatontaꞌ maistronëmaꞌ oshahuanoꞌsapitarëꞌ coshatarin? Copirno marëꞌ coriqui maꞌpatonaꞌpiroꞌsantaꞌ co noyahuëꞌ nipirinahuëꞌ, inapitarëꞌ coshatarin, itopi.

Lucas 15:2

Ina niꞌsahuatonaꞌ, parisioroꞌsaꞌ, cotio maistroꞌsaꞌ, inapitari noꞌhuipi. —¿Onpoatontaꞌ Quisoso oshahuanoꞌsaꞌ paꞌyatërin? Inapitarëꞌ coshatarin, co napocasohuëꞌ nipirinhuëꞌ, toconpi.

Juan 18:28

Tashíramiachin nisahuasoꞌ, Caihuasë pëinën quëran quëparahuatonaꞌ, Noma huaꞌan pëinënquë quëpapi. Cotioroꞌsaso nipirinhuëꞌ co inaquë yaꞌconpihuëꞌ. “Nisha piyapiꞌsaꞌ pëinënquë yaꞌconpatëhuaꞌ, oshahuanarihuaꞌ. Ina quëran co nanitarihuahuëꞌ Pascoa cosharoꞌ capacasoꞌ,” topi.

Hechos 10:23

Napotohuachina, “Yaꞌcointacoꞌ iyaroꞌsaꞌ,” itërin Pitrori. Napotohuachina, yaꞌcoontapi. Aꞌcahuachinara, huëꞌëpatopi. Tahuëririnquë paantahuachinara, Pitrontaꞌ paꞌnin. Aꞌnapitantaꞌ Quisoso imapisopita Pitro imapi.

Hechos 10:28

Nani ninontohuachinara, Pitrori itërin: —Cotioroꞌsacoi inachintëraisoꞌ, nani iyaroꞌsaꞌ nitotëramaꞌ. Co onporontaꞌ nisha piyapiroꞌsataquë niꞌtapoi paꞌnaihuëꞌ. Co inapitaroꞌcoi niyontonaihuëꞌ. “Co Yosë nohuantërinhuëꞌ,” topiraihuëꞌ. Iporaso nipirinhuëꞌ Yosë nani anitotërinco. Insosona Yosëri noya niꞌpachina, cantaꞌ noya niꞌi. Yaꞌipi piyapi napopianachin noya nicaꞌhuasoꞌ yaꞌhuërin, tënahuë.

Hechos 10:32

Napoaton Copëquë piyapiꞌsaꞌ aꞌpaquëꞌ Simon Pitro macontaꞌinaꞌ. Inasoꞌ, Simon itopisoꞌ shaꞌhuëtëꞌ tapanaꞌpi pëinënquë yacapatarin. Marë yonsanquë yaꞌhuërin,” itërinco.

Hechos 10:48

“Quisocristo imarai huachi,” topachinara, aporintëquëꞌ, itërin Pitrori. Napotohuachina, aporintopi. —Isëquë iyaya yacapatoncoi, huaꞌquimiáchin aꞌchintocoi, itopi. Napotohuachinara, inaquë huaꞌquimiáchin yacapatërin.

1 Corintios 5:11

Aꞌnaquënso nipirinhuëꞌ. “Cantaꞌ imarahuë,” taponahuëꞌ, monshihuanárin. Aꞌnantaꞌ apirarin. Aꞌnaquëontaꞌ ipora huantaꞌ mamanshi moshararin. Aꞌnapitantaꞌ pinotapi, noꞌpirapi, ihuatapi, naporapi. Napoaponaraihuëꞌ: “Quiyantaꞌ imarai,” topi. Ama inapitarëꞌquëmaꞌ nipayacosohuëꞌ. Yosë nonpintapi niꞌton, ama inapitarëꞌquëmaꞌ coshatocosohuëꞌ.

Gálatas 2:12

Inaquë nisha piyapiꞌsaꞌ yaꞌhuëpi. Aꞌnaquën Quisocristo imapi. Inapitasoꞌ co cotio piyapihuëꞌ niꞌton, yaꞌipi cosharoꞌ caꞌpi. Cotioroꞌsantaꞌ inaquë yaꞌhuëpisopita Quisoso imapachinara, co huachi cosharoꞌ aꞌpopihuëꞌ. Napopináchin coshatopi. Pitrontaꞌ inapitarëꞌ coshataton, co maꞌsha aꞌporinhuëꞌ. Ina quëran aꞌnapita cotioroꞌsaꞌ Quirosarin quëran canquipi. Santiaco imarinsopita inahuasoꞌ. “Quiyantaꞌ Quisocristo imarai,” taponaraihuëꞌ, iráca pënëntopisoꞌ yonquiatonaꞌ, maꞌsha aꞌpopi. Inapita huëꞌpachinara, Pitro co huachi nisha piyapiꞌsarëꞌ coshatërinhuëꞌ. Marca paꞌyatopisopita tëꞌhuataton, nisha coshatërin.

2 Juan 1:10

Aꞌna piyapi huëꞌpachin: “Carinquëmaꞌ aꞌchinchinquëmaꞌ,” itohuachinquëmaꞌ, ama aꞌnaroáchin natëcosohuëꞌ. Co Quisocristo nanamën aꞌchintohuachinquëmahuëꞌ: “Inca. Co yanatanainquënhuëꞌ,” itocoꞌ. Ama yaꞌhuëramaquë ayaꞌconcosohuëꞌ. “Yosë catahuainquën,” ama itocosohuëꞌ.