Hechos 11:29 - Chayahuita (Shahui)

²⁹ Napohuachina, imapisopita yonquipi Cotia parti yaꞌhuëpisopita catahuacaiso marëꞌ. Imapisopita parisitapi niꞌton, coriqui yaaꞌpapi. Coriquihuanoꞌsasoꞌ naꞌcon quëtopi. Co coriquihuanoꞌsahuëꞌ nipisopitasoꞌ, piꞌpian quëtopi.

Hechos 11:29 ပူးပေါင်းရင်းမြစ်များ

Mateo 25:17

Cato huaranca quëtërinsontaꞌ noya sacatërin. Inantaꞌ maꞌsha paꞌanahuaton, cato huaranca aquëtëꞌ canantarin.

Juan 2:2

Quisosontaꞌ amatopi. Paꞌnin inantaꞌ niꞌtapon. Caꞌtanoꞌsanënpitacointaꞌ amatërinacoi.

Hechos 1:15

Ina quëran naꞌa Quisoso imapisopita niyontonpi. Pasa cato shonca piyapiꞌsa pochin yaꞌhuëpi. Pitrori huancánachin huanirahuaton, itërin:

Hechos 11:1

Nisha piyapiꞌsantaꞌ Yosë nanamën natëpi niꞌton, Cotia parti aꞌnaroáchin nahuinin. Caꞌtanoꞌsantaꞌ natantopi. Yaꞌipi imapisopita inaquë yaꞌhuëpisoꞌ nitotopi.

Hechos 11:26

“Huëquëꞌ paꞌa Antioquiaquë yaꞌhuëpisopita aꞌchinta,” itohuachina, “Inta nipachin paꞌa,” taꞌton, imarin. Aꞌna piꞌisaꞌ inaquë yaꞌhuëpi. Imapisopita catahuacaiso marëꞌ yacapatopi. Naꞌa piyapiꞌsaꞌ aꞌchintopi. Inaquë chachin Quisoso imapisopita nisha nininën acoantapi. “Cristo imaroꞌsaꞌ,” itopi.

Hechos 13:52

Patopirinahuëꞌ, nani aꞌchintopi niꞌton, Quisoso imapisopitasoꞌ noya cancantopi. Ispirito Santori noyá yaꞌcoancantërin.

Hechos 14:20

Quisoso imapisopitari tancapitahuatonaꞌ, nocoasoiꞌ, aꞌnanaya niꞌtiintarahuaton, huaniantarin. Ninanoquë paantarin. Tahuëririnquë Tirpiquë paꞌnin. Pirnapintaꞌ paꞌnin.

Hechos 14:22

Cara ninanoquë chachin Quisoso imapisopita pënënaꞌpiapi. “Ama iyaroꞌsaꞌ Quisoso aꞌpocosohuëꞌ. Imamiatocoꞌ. Aꞌnapita aparisitarinënpoaꞌ. Parisitacasoꞌ yaꞌhuërin. Parisitatëhuaꞌ, Yosë huaꞌanëntërinquë yaꞌconarëhuaꞌ. Napoaton noya ahuantocoꞌ,” itopi. Pënënpachinara, achinicancanpi.

Hechos 24:17

Iráca Quirosarinquë yaꞌhuëpirahuëꞌ. Naꞌa piꞌipi aꞌna parti paꞌnahuë quëran iꞌhuamiáchin inaquë paantarahuë. Saꞌahuaroꞌsaꞌ nosoroato, coriqui quëtaꞌhuaso marëꞌ paꞌnahuë. Maꞌsha Yosë quëtaꞌhuaso marëntaꞌ paꞌnahuë.

Hechos 4:34

Napohuachina, co aꞌnaya tërantaꞌ maꞌsha pahuantërinhuëꞌ. Aꞌnaya aꞌnaya noꞌpanën, pëinën, maꞌshanën, inapita yaꞌhuëtohuachinara, paꞌanpi.

Hechos 6:1

Naporoꞌ tahuëriꞌsaꞌ Quisoso imapisopita naꞌasapi. Notohuaroꞌ yaꞌhuëpi huachi. Aꞌnaquën cotio nananquë nonpi. Aꞌnaquënso nipirinhuëꞌ cotioroꞌsaꞌ niponaraihuëꞌ, Crico nananquë nonpi. Inapitasoꞌ co noyahuëꞌ cancantatonaꞌ, taponaꞌ: “Nani tahuëriya quëyoronoꞌsaꞌ huëꞌpachinara, aꞌnaya aꞌnaya cosharoꞌ maꞌpatopirinahuëꞌ, co napopianachin quëtopihuëꞌ, apiratërinacoi. Crico quëyoronoꞌsaꞌ pahuantopi,” topi.

Hechos 9:19

Nani coshatahuaton, chiníquën cancantaantarin. Huaꞌquimiachin inaquë Quisoso imapisopitataquë yacapatërin.

Hechos 9:25

Aꞌna tashiso nipirinhuëꞌ, imapisopitari huëcatonaꞌ Saono quëpapi. Ninano pairapipi quëran anohuaramapi. Nantipi pochin nininquë anohuaramahuachinara, paꞌnin huachi.

1 Corintios 13:5

Piyapiꞌsaꞌ nosorohuatëhuaꞌ, co piꞌpisha tërantaꞌ atapanarihuahuëꞌ. Co canpoara nohuantërëhuasoachin yonquiarihuahuëꞌ. Tëhuënchachin nosorohuatëhuaꞌ, noꞌhuipirinënpoahuëntaꞌ co noꞌhuirihuahuëꞌ. Pinopirinënpoahuëntaꞌ, co ina yonquiarihuahuëꞌ, naniantarihuaꞌ.

Gálatas 2:10

“Ama saꞌahuaroꞌsaꞌ naniantocosohuëꞌ. Imapisopita aꞌchintocoꞌ maꞌsha quëtacasoꞌ,” itërinacoi. “Coꞌchi naniantaraihuë paya. Nosororai quiyarintaꞌ,” itërahuë.