Hechos 11:14 - Chayahuita (Shahui)

¹⁴ Inasoꞌ nanan shaꞌhuitarinquën chaꞌëcamaso marëꞌ. Ina natëhuatan, Yosë anoyacancantarinquën. Quëmopinënpitantaꞌ anoyacancantarin,’ tënin anquëni,” itërinco.

Hechos 11:14 ပူးပေါင်းရင်းမြစ်များ

Génesis 17:7

Quëmarëꞌco ipora nani anoyatërahuë. Shiparinpitarëꞌconta aꞌna tahuëri anoyatarahuë. Yosënënco niꞌto, catahuaráponquën. Shiparinpitanta inapotápo.

Génesis 18:19

Nani ina huayonahuë huiꞌninpita, shinpita, inapita noya pënënacaso marëꞌ. Aꞌchintërahuësopita natëtonaꞌ, noya nicacaiso marëꞌ pënënarin. Inapohuachin, shaꞌhuitërahuëso chachin quëtarahuë huachi,” tënin yonquiaton.

Salmos 103:17

Napoaponahuëꞌ, Sinioro noya nicatëhua natëhuatëhuasoꞌ, nosoromiatarinpoaꞌ. Noꞌtëquënáchin yonquiaton, shinpoapitanta catahuarápon.

Proverbios 20:7

Aꞌnaquën noyasáchin nicatonaꞌ, co manta yaihuatopihuëꞌ. Napopisopita huiꞌninpitaso paꞌpina chiminpirinahuëꞌ, noya yaꞌhuatona capa cancantaponaꞌ.

Marcos 16:16

Insosona noya nanan natëhuachinaꞌ, chaꞌësapi. Aporihuanahuatonaꞌ, imapachinaco, chaꞌësapi huachi. Co nanamëhuë natëhuachinahuëꞌ, Yosëri anaꞌintarin.

Lucas 19:10

Naꞌa piyapiꞌsaꞌ co Yosë natëtonahuëꞌ, chihuëpi pochin nipi. Inapita yonicaꞌhuaso marëꞌ oꞌmarahuë. Cancanënaꞌ anoyacancantaꞌhuaso marëꞌ oꞌmarahuë, tënin Quisoso.

Juan 12:50

Yosë aꞌchininsoꞌ imapatamaꞌ, ina nohuitatomaꞌ nanpimiatarama huachi, tënahuë. Shaꞌhuitohuachincora, inachachin carinquëmantaꞌ shaꞌhuitaranquëmaꞌ,” itërin.

Juan 20:31

Iso quiricaquë ninshitërahuësopitasoꞌ, Quisoso natëcamaso marëꞌ ninshitërahuë: “Inasoꞌ tëhuënchachin Cristo, Yosë huiꞌnin. Inari aꞌpaimarinsoꞌ,” taꞌtomaꞌ, ina imaco huachi. Imapatamaꞌ, Yosë nohuitatomaꞌ nanpimiataramaꞌ.

Juan 4:53

“Naporo chachin Quisoso nontërinco. ‘Huiꞌnan noyatarin,’ itërinco,” taꞌton, Quisoso natërin. Yaꞌipi pëinënquë yaꞌhuëpisopitantaꞌ natëpi.

Juan 6:63

Ispirito Santoráchin ananpimiatarinquëmaꞌ. Piyapiꞌsaꞌ inahuara co nanitapihuëꞌ. Yosë yonquirinso chachin shaꞌhuitëranquëmaꞌ. Ina natëhuatamaꞌ, Yosë nohuitatomaꞌ nanpimiataramaꞌ.

Juan 6:68

—Co Sinioro aꞌpoarainquënhuëꞌ. Co aꞌna yaꞌhuërinhuëꞌ imacaꞌhuaisoꞌ. Quëma nóya aꞌchintarancoi Yosë nohuitatoi nanpimiataꞌhuaiso marëꞌ.

Hechos 10:2

Inaso nisha piyapi niponahuëꞌ, Yosë chinotërin. Yaꞌipi pëinënquë yaꞌhuëpisopitantaꞌ Yosë chinotopi. Cotioroꞌsaꞌ maꞌsha pahuantohuachinara, nosoroaton, topinan quëtërin. Nani tahuëri Yosë nontërin.

Hechos 10:22

—Capitan Cornirio aꞌparincoi. Inasoꞌ nóya quëmapi. Nisha piyapi niponahuëꞌ, Yosë chinotërin. Yaꞌipi cotioroꞌsari noya niꞌpi. Iꞌhuara yaꞌhuasoꞌ, aꞌnanaya anquëniri yaꞌnotimarahuaton, shaꞌhuitimarin. “Piyapiꞌsaꞌ aꞌpaquëꞌ Pitro macontaꞌinaꞌ. Ina aꞌchintarinquën, noya natanquëꞌ,” itërin niꞌton, aꞌparincoi huëꞌnai, itërin.

Hechos 10:43

Iráca quëran huarëꞌ pënëntonaꞌpiroꞌsaꞌ Quisoso ninotonaꞌ, shaꞌhuitërinënpoaꞌ ina natëcaso marëꞌ. Cancanënpoa quëran huarëꞌ ina natëcasoꞌ yaꞌhuërin. Oshanënpoa marëꞌ chiminin niꞌton, imapatëhuaꞌ, yaꞌipi oshanënpoaꞌ inquitarinpoaꞌ. “Ca oshanëhuë marëꞌ mini Quisocristo chiminin,” topatëhuaꞌ, inquitarinpoaꞌ, itërin Pitrori.

Hechos 10:6

Inasoꞌ, shaꞌhuëtëꞌ tapanaꞌpi Simon itopisoꞌ pëinënquë yacapatarin. Marë yonsanquë yaꞌhuërin, itërin.

Hechos 11:13

Yaꞌconpatoira, Cornirio itërincoi: “Pëinëhuëquë Yosë nontasoco, anquëni yaꞌnotirinco, niꞌnahuë. ‘Copëquë piyapiꞌsaꞌ aꞌpaquëꞌ Simon Pitro macontaꞌinaꞌ.

Hechos 16:15

Quisocristo imarin niꞌton, aporintërin. Pëinënquë yaꞌhuëpisopitarë chachin aporihuanpi. —Cantaꞌ Sinioro imarahuë niꞌton, huëcoꞌ pëinëhuëquë yacapacoi, itërincoi. Naꞌcon shaꞌhuitohuachincoira, inaquë huachi yacaparai.

Hechos 18:8

Cotio niyontonpiso pëiꞌ huaꞌaontaꞌ natanahuaton, natërin, Crispo itopisoꞌ. Ina pëinënquë yaꞌhuëpisopitantaꞌ Quisoso imasapi. Naꞌa yaꞌhuëhuanoꞌsaꞌ Quisoso nanamën natanahuatonaꞌ, natëpi. Natëhuachinara, aporihuanpi.

Hechos 2:39

Yosë nohuanton, Ispirito Santo aꞌpatimarinpoaꞌ. Canpitantaꞌ yaꞌcoancantarinquëmaꞌ. Huiꞌnamapitantaꞌ yaꞌcoancantarin. Aꞌnaquëontaꞌ aquë yaꞌhuëpirinahuëꞌ, Yosë nohuanton, imasapi. Imapachinaꞌ, Ispirito Santori yaꞌcoancantarin inahuantaꞌ, itërin.

1 Corintios 1:16

Iꞌyan, Istipanasëntaꞌ, saꞌin, huiꞌninpita, inapitarë chachin aporintërahuë. Inaíchin aporintërahuësoꞌ, topirahuëꞌ. Co huachi aꞌna yonquirahuëꞌ.