Hechos 11:13 - Chayahuita (Shahui)

¹³ Yaꞌconpatoira, Cornirio itërincoi: “Pëinëhuëquë Yosë nontasoco, anquëni yaꞌnotirinco, niꞌnahuë. ‘Copëquë piyapiꞌsaꞌ aꞌpaquëꞌ Simon Pitro macontaꞌinaꞌ.

Hechos 11:13 ပူးပေါင်းရင်းမြစ်များ

Hechos 10:22

—Capitan Cornirio aꞌparincoi. Inasoꞌ nóya quëmapi. Nisha piyapi niponahuëꞌ, Yosë chinotërin. Yaꞌipi cotioroꞌsari noya niꞌpi. Iꞌhuara yaꞌhuasoꞌ, aꞌnanaya anquëniri yaꞌnotimarahuaton, shaꞌhuitimarin. “Piyapiꞌsaꞌ aꞌpaquëꞌ Pitro macontaꞌinaꞌ. Ina aꞌchintarinquën, noya natanquëꞌ,” itërin niꞌton, aꞌparincoi huëꞌnai, itërin.

Hechos 11:12

Ispirito Santo shaꞌhuitërinco: “Inapita imaquëꞌ. Ama nisha nisha yonquiatonhuëꞌ, noya paquëꞌ,” itërinco. Napoaton paꞌnahuë. Isopita iyaroꞌsaꞌ caꞌtaninaco, saotayaꞌpi chachin caꞌtaninaco. Pëinënquë canconahuatoi, yaꞌconai.

Hechos 11:14

Inasoꞌ nanan shaꞌhuitarinquën chaꞌëcamaso marëꞌ. Ina natëhuatan, Yosë anoyacancantarinquën. Quëmopinënpitantaꞌ anoyacancantarin,’ tënin anquëni,” itërinco.

Hechos 12:11

Naporoꞌ Pitro noꞌtëquën yonquirin: “Co huaꞌnarëso pochin niꞌnahuëꞌ. Sinioro chachin anquëninën aꞌpatimarinco nichaꞌëincoso marëꞌ. Irotisë, cotio huaꞌanoꞌsaꞌ, inapita yatëpapirinacohuëꞌ, nichaꞌërinco,” tënin.

Hechos 9:36

Copëquë aꞌna sanapi Tapita itopisoꞌ yaꞌhuërin. Crico nananquë Torëcasa itopi. Inantaꞌ Quisoso imarin. Noya sanapi niꞌton, saꞌahuaroꞌsaꞌ nosoroaton, nani tahuëri catahuarin. Pahuantohuachinara, maꞌsha topinan nicanarin.

Hechos 9:38

Pitrosoꞌ Nitaquë yaꞌhuarin, natantopi. Co aquëyahuëꞌ niꞌton, catoꞌ quëmapi aꞌpapi. Canconahuatonaꞌ, “Manóton huëquëꞌ,” itopi.

Hechos 9:42

Yaꞌipi ninanoquë nahuinin. Naꞌa piyapiꞌsaꞌ Quisoso natëpi.

Hechos 9:43

Inaquë huaꞌquiꞌ Pitro yacapatërin. Simon itopisoꞌ pëinënquë yacapatërin. Simonsoꞌ, shaꞌhuëtëꞌ tapanaꞌpi.

Hebreos 1:14

Inapitasoꞌ inpriatonënpita pochin niꞌton, Yosëri camairin. Aꞌpaimarin imarëhuasopita catahuainpoaso marëꞌ. Yosë chachin nichaꞌësarinpoaꞌ. Nani ina nitotëramaꞌ.