Hechos 11:12 - Chayahuita (Shahui)

¹² Ispirito Santo shaꞌhuitërinco: “Inapita imaquëꞌ. Ama nisha nisha yonquiatonhuëꞌ, noya paquëꞌ,” itërinco. Napoaton paꞌnahuë. Isopita iyaroꞌsaꞌ caꞌtaninaco, saotayaꞌpi chachin caꞌtaninaco. Pëinënquë canconahuatoi, yaꞌconai.

Hechos 11:12 ပူးပေါင်းရင်းမြစ်များ

Mateo 1:20

Huëꞌësoꞌ, Yosë anquëninëni yaꞌnotimarin nontacaso marëꞌ. —Tashita Cosi. Carinquën nohuitëranquën. Quëmasoꞌ Tapicoꞌ shinquën. Piꞌpian shaꞌhuitaponquën oꞌmarahuë. Maria noya maquëꞌ. Co quëmapiri sëꞌhuarinhuëꞌ. Ispirito Santo nohuanton, inaora cayorin. Napoaton noya maquëꞌ.

Juan 16:13

Nipirinhuëꞌ, Ispirito Santo oꞌmahuachin, yaꞌipi nanamëhuë aꞌchintarinquëmaꞌ. Noꞌtëquën anitotarinquëmaꞌ. Co inaora yonquirinsoꞌ aꞌchintarinquëmahuëꞌ. Yosë yonquirinso chachin aꞌchintarinquëmaꞌ. Aꞌna tahuëri maꞌsha onpocaisontaꞌ anitotarinquëmaꞌ.

Hechos 1:15

Ina quëran naꞌa Quisoso imapisopita niyontonpi. Pasa cato shonca piyapiꞌsa pochin yaꞌhuëpi. Pitrori huancánachin huanirahuaton, itërin:

Hechos 10:23

Napotohuachina, “Yaꞌcointacoꞌ iyaroꞌsaꞌ,” itërin Pitrori. Napotohuachina, yaꞌcoontapi. Aꞌcahuachinara, huëꞌëpatopi. Tahuëririnquë paantahuachinara, Pitrontaꞌ paꞌnin. Aꞌnapitantaꞌ Quisoso imapisopita Pitro imapi.

Hechos 10:45

Ina nohuanton, nisha nisha nananquë nonsapi. Co nitotaponaraihuëꞌ, Ispirito Santo nohuanton, napoapi. “Ma noyacha Yosëso paya,” tosapi. Natanahuatonaꞌ, cotioroꞌsaꞌ Pitro caꞌtanpisopita paꞌyanpi: “Nisha piyapiꞌsaꞌ niponaraihuëꞌ, Yosë nohuanton, Ispirito Santori yaꞌcoancantërin,” topi.

Hechos 11:13

Yaꞌconpatoira, Cornirio itërincoi: “Pëinëhuëquë Yosë nontasoco, anquëni yaꞌnotirinco, niꞌnahuë. ‘Copëquë piyapiꞌsaꞌ aꞌpaquëꞌ Simon Pitro macontaꞌinaꞌ.

Hechos 13:2

Aꞌna tahuëri co coshatatonaraihuëꞌ, Sinioro chinotopi. Napohuachinara, Ispirito Santori shaꞌhuitërin: “Pirnapi, Saono inapita nohuantërahuë paatonaꞌ, piyapiꞌsaꞌ aꞌchintacaiso marëꞌ. Ina marëꞌ inapita acorahuatomaꞌ, aꞌpacoꞌ paꞌinaꞌ,” itërin.

Hechos 13:4

Ispirito Santo nohuanton, Siriosiaquë paꞌpi marë paꞌtacaiso marëꞌ. Ina quëran panca nanchaquë paꞌsahuatonaꞌ, Chipri parti canconpi. Panca soꞌton inasoꞌ. Inaquë naꞌa ninanoꞌ yaꞌhuërin.

Hechos 15:7

Huaꞌquiꞌ ninontohuachinara, Pitro huanirahuaton, itërin: —Cantaꞌ iyaroꞌsaꞌ piꞌpian shaꞌhuichinquëmaꞌ. Nani iráca Yosë acorinco nisha piyapiꞌsaꞌ shaꞌhuitaꞌhuaso marëꞌ. Ina nohuanton, Quisoso nanamën shaꞌhuitërahuë. Inapitantaꞌ natanahuatonaꞌ, natëpi. Natëtonaꞌ, imasapi. Ina nitotëramaꞌ canpitantaꞌ.

Hechos 15:9

Yaꞌipinpoaꞌ napopianachin niꞌninpoaꞌ. Nisha piyapiꞌsantaꞌ nosororin. “Quisocristoíchin imasarahuë,” topachinara, cancanënaꞌ anoyatërin.

Hechos 28:15

Yaꞌcaritohuatëira, Quisoso imapisopita inaquë yaꞌhuëpisoꞌ natantahuatonaꞌ, huëꞌpi. “Apio niyontonpiso,” itopiquë aꞌnaquën nacapirai. Naporahuaton, Tres Tapinasëquë canconpatëira, aꞌnapitantaꞌ quënancoantarai. Imasapi antaꞌ niꞌton, nacapiaponacoi huëꞌpi. Inapita Paono quënanahuaton, Yosë nontërin: “Yosparinquën,” itërin. Naporahuaton, chiníquën cancantërin.

Hechos 8:29

Naporoꞌ Ispirito Santori Pinipi shaꞌhuitërin: “Manóton yaꞌyoranconahuaton, imaraaquëꞌ,” itërin.

Romanos 3:22

Quisocristo imapatëhuaꞌ, Yosë noya niꞌsarinpoaꞌ. Insosona natëhuachin, anoyacancantarin. Co nisha nisha nontërinpoahuëꞌ.

2 Tesalonicenses 2:2

Aꞌnaquënso nipirinhuëꞌ co noꞌtëquën nitotopihuëꞌ. “Oꞌmantacasoꞌ tahuëri nani nanirin,” itohuachinquëmaꞌ, ama paꞌyancosohuëꞌ. Ama nisha nisha yonquicosohuëꞌ. Aꞌnaquën tapon: “Cari ninorahuë. Oꞌmantacasoꞌ tahuëri nani nanirin,” itohuachinquëmaꞌ, ama natëcosohuëꞌ. Aꞌnantaꞌ tapon: “Nanirin mini. Paono chachin naponinshitërincoi,” itopirinënquëmahuëꞌ, ama ina natëcosohuëꞌ.

Apocalipsis 22:17

Yaꞌipi Quisoso imarëhuasopita: “Oꞌmantaquëꞌ Sinioro,” itërëhuaꞌ. Ispirito Santontaꞌ, inachachin tënin. Natanamasopitantaꞌ, “Oꞌmantaquëꞌ Sinioro,” itocoꞌ. Yamororëso pochin cancantohuatamaꞌ, huëcoꞌ nanpirin iiꞌ quëchinquëmaꞌ. Achinirinpoaso pochin quëtarinquëmaꞌ noya cancantacamaso marëꞌ. Co mantaꞌ paꞌtërinhuëꞌ.