Hechos 10:7 - Chayahuita (Shahui)

⁷ Anquëni paꞌpachina, catoꞌ piyapinën amatërin. Aꞌna sontarontaꞌ amatërin, nani tahuëri camairinsoꞌ. Inantaꞌ Yosë chinotërin.

Hechos 10:7 ပူးပေါင်းရင်းမြစ်များ

Génesis 24:52

Napopiso natanahuaton, Apraan piyapinënso isonin. Isonahuaton, noꞌpaquë huarëꞌ monshomarin: “Yosparinquën Sinioro,” itërin.

Mateo 2:13

Tayora nitotonaꞌpiroꞌsaꞌ paꞌpachinara, Yosë anquëninëni huëꞌënquë Cosi yaꞌnotahuaton itapon: —Copirno nani chinotërin huaꞌhuasha tëpacaso marëꞌ. Apira sontaroꞌsaꞌ aꞌpararin ina yonicaiso marëꞌ. Napoaton aꞌnaroáchin ichitaꞌaquëꞌ. Aꞌshinë chachin Iquipitoꞌpaꞌ quëpaquëꞌ. Inaquë yacapatëquëꞌ. Noya huënantacasoꞌ nipachin, shaꞌhuitantaranquën, itërin anquëniri.

Lucas 2:25

Quirosarinquë chachin aꞌna quëmapi yaꞌhuërin, Simion itopisoꞌ. Nóya quëmapi inasoꞌ. Nani tahuëri Yosë chinotërin. “Aꞌna tahuëri Yosë nichaꞌësarinpoaꞌ,” taꞌton, Cristo aꞌpaimacasoꞌ ninarárin. Ispirito Santori noyá yaꞌcoancantërin.

Lucas 3:14

Sontaroꞌsantaꞌ huëꞌpi. —¿Maꞌtaꞌ quiyantaꞌ onpoꞌii? itiipi. —Ama piyapi ahuëatomaꞌ, coriqui matocosohuëꞌ. Ama canacaso marëꞌ nonpinapicosohuëꞌ. Nani pahuërëhuachinquëmaꞌ, ama naꞌcon naꞌcon nohuantocosohuëꞌ, itërin.

Hechos 10:6

Inasoꞌ, shaꞌhuëtëꞌ tapanaꞌpi Simon itopisoꞌ pëinënquë yacapatarin. Marë yonsanquë yaꞌhuërin, itërin.

Hechos 10:8

Anquëniri nontërinsoꞌ shaꞌhuitahuaton, Copëquë aꞌparin.

1 Timoteo 6:2

“Patronënantaꞌ Quisocristo imapachin, ama ina marëꞌ chiroinasohuëꞌ. Iyaparin pochin nicatonaꞌ, noya noya sacachinaꞌ. Imarinsoꞌ catahuarapi niꞌton, nóya sacachinaꞌ. Inantaꞌ Yosëri nosororin niꞌton, noya catahuainaꞌ,” itëquëꞌ. Yaꞌipi carinquën pënënanquënsoꞌ, aꞌchinquëꞌ. Onpopiontaꞌ pënënquëꞌ natëinaꞌ.

Filemón 1:16

Quëma marëꞌ sacatopirinhuëꞌ, ama huachi piyapinën pochin niꞌquësohuëꞌ. Piyapinën niponahuëꞌ, iporasoꞌ noya noya niꞌquëꞌ. Quisocristo imarin niꞌton, iyanpo pochachin nosoroquëꞌ. Carisoꞌ naꞌcon nosororahuë. Quëmasoꞌ aquëtë huarëꞌ naꞌcon naꞌcon nosoroquëꞌ, tënahuë.

Jueces 7:10

Napoaponahuëꞌ, ahuëtamaso tëꞌhuatohuatan, yaꞌhuëapiꞌpaꞌ paꞌmaquëꞌ. Piyapinën Pora itëransoarëꞌquën paꞌmaquëꞌ.