Hechos 10:5 - Chayahuita (Shahui)

⁵ Napoaton Copëquë piyapiꞌsaꞌ aꞌpaquëꞌ Simon Pitro macontaꞌinaꞌ.

Hechos 10:5 ပူးပေါင်းရင်းမြစ်များ

Marcos 3:16

Shonca catoꞌ caꞌtanoꞌsanënpita acorin. Aꞌnasoꞌ Simon. Nisha nininën acotërin. Pitro itërin.

Juan 1:42

Itahuaton, Quisosoquë quëparin. Quisosori notëërahuaton, itërin: —Carinquën nohuitëranquën. Quëmasoꞌ Simonquën. Coansha huiꞌninquën. Nasha nininën acotaranquën. Pitro ichinquën, itërin. Inaora nananquë Sipasë itopi. (Naꞌpi pochin tapon naporin.)

Hechos 10:18

Canquirahuatonaꞌ, natanpi: “¿Simon Pitro isëquë yaꞌhuarin ti?” topi.

Hechos 10:32

Napoaton Copëquë piyapiꞌsaꞌ aꞌpaquëꞌ Simon Pitro macontaꞌinaꞌ. Inasoꞌ, Simon itopisoꞌ shaꞌhuëtëꞌ tapanaꞌpi pëinënquë yacapatarin. Marë yonsanquë yaꞌhuërin,” itërinco.

Hechos 15:7

Huaꞌquiꞌ ninontohuachinara, Pitro huanirahuaton, itërin: —Cantaꞌ iyaroꞌsaꞌ piꞌpian shaꞌhuichinquëmaꞌ. Nani iráca Yosë acorinco nisha piyapiꞌsaꞌ shaꞌhuitaꞌhuaso marëꞌ. Ina nohuanton, Quisoso nanamën shaꞌhuitërahuë. Inapitantaꞌ natanahuatonaꞌ, natëpi. Natëtonaꞌ, imasapi. Ina nitotëramaꞌ canpitantaꞌ.

Hechos 16:9

Inaquë Yosë nohuanton, tashiꞌ Paono huaꞌnarëso pochin quënanin. Masitonia piyapi huaniarin, quënanin. “Huëquëꞌ isëquë. Nosoroatoncoi, catahuacoi,” itërin.

Hechos 9:36

Copëquë aꞌna sanapi Tapita itopisoꞌ yaꞌhuërin. Crico nananquë Torëcasa itopi. Inantaꞌ Quisoso imarin. Noya sanapi niꞌton, saꞌahuaroꞌsaꞌ nosoroaton, nani tahuëri catahuarin. Pahuantohuachinara, maꞌsha topinan nicanarin.

Hechos 9:38

Pitrosoꞌ Nitaquë yaꞌhuarin, natantopi. Co aquëyahuëꞌ niꞌton, catoꞌ quëmapi aꞌpapi. Canconahuatonaꞌ, “Manóton huëquëꞌ,” itopi.

Hechos 9:42

Yaꞌipi ninanoquë nahuinin. Naꞌa piyapiꞌsaꞌ Quisoso natëpi.

Hechos 9:43

Inaquë huaꞌquiꞌ Pitro yacapatërin. Simon itopisoꞌ pëinënquë yacapatërin. Simonsoꞌ, shaꞌhuëtëꞌ tapanaꞌpi.