Hechos 10:35 - Chayahuita (Shahui)

³⁵ Nisha piyapiꞌsanquëmaꞌ nipomarahuëꞌ, cancanëma quëran huarëꞌ ina chinotohuatamaꞌ, nohuantarinquëmaꞌ. Noya cancantohuatamaꞌ, noya niꞌsarinquëmaꞌ.

Hechos 10:35 ပူးပေါင်းရင်းမြစ်များ

Salmos 19:9

Sinioro tëꞌhuatatëhua natëhuatëhuaꞌ, co nëꞌhuëtërinso pochin nisarëhuahuëꞌ. Inapohuatëhuaꞌ, yaꞌhuëmiatarihuaꞌ. Shaꞌhuirinsopitasoꞌ, noꞌtëquënáchin. Yaꞌipi inapitasoꞌ, noyasáchin.

Proverbios 1:7

Yonquínahuan nicamasoꞌ nohuantohuatamaꞌ, Sinioro noya nicatoma natëcoꞌ. Co yonquínahuanhuëꞌ nipachinara, yonquínahuan yonquipisopita nocanpi. Co aꞌchintacaiso tëranta paꞌyatopihuëꞌ.

Proverbios 3:7

“Caso caora noꞌtëquën yonquirahuë,” ama tëquësohuëꞌ. Sinioro noya nicaton natëquëꞌ. Inapoaton co noyahuëꞌ ninansoꞌ aꞌpoquëꞌ.

Lucas 1:28

Anquëni oꞌmarahuaton, Maria itapon: —Iꞌhuata Maria. Sinioro noya niꞌninquën. Ina chachin catahuarinquën, itërin.

Hechos 10:2

Inaso nisha piyapi niponahuëꞌ, Yosë chinotërin. Yaꞌipi pëinënquë yaꞌhuëpisopitantaꞌ Yosë chinotopi. Cotioroꞌsaꞌ maꞌsha pahuantohuachinara, nosoroaton, topinan quëtërin. Nani tahuëri Yosë nontërin.

Hechos 10:28

Nani ninontohuachinara, Pitrori itërin: —Cotioroꞌsacoi inachintëraisoꞌ, nani iyaroꞌsaꞌ nitotëramaꞌ. Co onporontaꞌ nisha piyapiroꞌsataquë niꞌtapoi paꞌnaihuëꞌ. Co inapitaroꞌcoi niyontonaihuëꞌ. “Co Yosë nohuantërinhuëꞌ,” topiraihuëꞌ. Iporaso nipirinhuëꞌ Yosë nani anitotërinco. Insosona Yosëri noya niꞌpachina, cantaꞌ noya niꞌi. Yaꞌipi piyapi napopianachin noya nicaꞌhuasoꞌ yaꞌhuërin, tënahuë.

Hechos 15:9

Yaꞌipinpoaꞌ napopianachin niꞌninpoaꞌ. Nisha piyapiꞌsantaꞌ nosororin. “Quisocristoíchin imasarahuë,” topachinara, cancanënaꞌ anoyatërin.

Hechos 9:31

Ina quëran Quisoso imapisopita noya yaꞌhuapi. Co huachi insoari tërantaꞌ aparisitërinhuëꞌ. Cotia parti, Cariria parti, Samaria parti, inaquëpita sano yaꞌhuatonaꞌ, noya noya imasapi. “Sinioro chiníquën nanantërin,” taꞌtonaꞌ, nóya natëpi. Ispirito Santori catahuarin niꞌton, aꞌnapitanta imasapi.

Romanos 2:13

Cotioroꞌsasoꞌ Moisësë pënëntërinsoꞌ natanaponaraihuëꞌ, co natëtopihuëꞌ. Napoaton co Yosëri noya niꞌninhuëꞌ. Noꞌtëquën natëpi naporini, Yosëri noya niꞌitonhuëꞌ.

Romanos 2:14

Nisha piyapiꞌsasoꞌ co Moisësë pënëntërinsoꞌ nitotopihuëꞌ. Co nitotaponaraihuëꞌ, aꞌnaquën noya nipi. Inahuara cancanëna quëran nitotopi niꞌton, napopi.

Romanos 3:22

Quisocristo imapatëhuaꞌ, Yosë noya niꞌsarinpoaꞌ. Insosona natëhuachin, anoyacancantarin. Co nisha nisha nontërinpoahuëꞌ.

1 Corintios 12:13

Ispirito Santo chachin Quisocristo huëntonënquë ayaꞌconinpoaꞌ. Cotioroꞌsahuë nipon, nisha piyapiꞌsahuë nipon, napopináchin Yosë niꞌninpoaꞌ. Aꞌnaquëmaꞌ canpitaora marëꞌ sacatëramaꞌ. Aꞌnaquëmaꞌ nani tahuëri patronëmaꞌ asacatërinënquëmaꞌ. Nisha nishanpoaꞌ nipirihuahuëꞌ, Ispirito Santo catahuarinpoaꞌ. Quisocristo imarëhuaꞌ niꞌton, huëntonënquë ayaꞌconinpoaꞌ. Aporintohuachinënpoara, aꞌna huëntoínchin ninëhuaꞌ. Yaꞌipi imarëhuasopita Ispirito Santo yaꞌcoancantërinpoaꞌ.

2 Corintios 7:1

Iyaroꞌsa naꞌcon nosororanquëmaꞌ. Ina pochin Yosë yonquirinpoa niꞌton, yaꞌipi co noyahuëꞌ yonquirëhuasopita naniantahuaꞌ. Yaꞌipi co noyahuëꞌ ninëhuasopitantaꞌ aꞌpoaꞌahuaꞌ. Yosë tëꞌhuatatëhuaꞌ, noyasáchin niahuaꞌ.

Gálatas 3:28

Yosësoꞌ co nisha nisha yonquirinpoahuëꞌ. Aꞌnaquënpoaꞌ cotio piyapinpoaꞌ, aꞌnaquëontaꞌ nisha piyapiꞌsaꞌ. Aꞌnaquëontaꞌ patronoꞌsaꞌ, aꞌnaquënsoꞌ piyapinënpita. Aꞌnaquën sanapiꞌsaꞌ, aꞌnaquënpoaꞌ quëmapinpoaꞌ nipirëhuahuëꞌ, yaꞌipinpoaꞌ Quisocristo imapatëhuaꞌ, aꞌna huëntoínchin pochin ninëhuaꞌ.

Efesios 1:6

Huiꞌnin naꞌcon nosororin. Ina imapatëhuaꞌ, canpoantaꞌ naꞌcon nosoroarinpoaꞌ. Ina yonquiatëhuaꞌ, “Ma noyacha Tata Yosësoꞌ niꞌton, inaora nohuanton, nosororinpoa paya,” tosarëhuaꞌ.

Efesios 5:21

Quisocristosoꞌ huaꞌanëmaꞌ niꞌton, ina yonquiatomaꞌ, imaramasopita capini nicatahuacoꞌ. Yaꞌipinquëmaꞌ nipënënatomaꞌ, ninatancoꞌ.

Filipenses 3:3

Yosë marcanën co nonënpoaquë niacotërëhuahuëꞌ. Cancanënpoaꞌ Yosë anoyacancantërinpoaꞌ. Cancanënpoa quëran ina chinotarëhuaꞌ. Ispirito Santo chachin catahuarinpoaꞌ noya chinotacaso marëꞌ. Co canpoara nanitërëhuahuëꞌ noya cancantacasoꞌ. Quisocristoíchin anoyacancantohuachinpoaꞌ, nichaꞌësarinpoaꞌ, tënëhuaꞌ. Napoaton canpoasoꞌ Yosë piyapinënpita ninëhuaꞌ.

Colosenses 1:6

Noya nanan chachin yaꞌipi parti aꞌchinapi. Aꞌna parti aꞌna parti piyapiꞌsaꞌ natëtatonaꞌ, noya imasapi. Canpitantaꞌ noya imasaramaꞌ. Yaꞌnan natantapomaꞌ, natëramaꞌ. “Yosë nosoroatonpoaꞌ, inaora nohuanton, nichaꞌësarinpoaꞌ,” itërinënquëmaꞌ. Napotohuachinënquëmara, “Noꞌtëquën shaꞌhuitërinpoaꞌ,” taꞌtomaꞌ, natëramaꞌ.

Colosenses 3:11

Quisocristo imapatëhuaꞌ, napopináchin Yosë niꞌninpoaꞌ. Aꞌnaquën cotioroꞌsaꞌ, aꞌnaquënso nipirinhuëꞌ cricoroꞌsaꞌ. Aꞌnaquën marca niacotopisoꞌ, aꞌnaquënso nipirinhuëꞌ co niacotopihuëꞌ. Aꞌnaquën nisha piyapiꞌsaꞌ, aꞌnaquëntaꞌ quëmaroꞌsaꞌ. Aꞌnaquën patron piyapinënpita, aꞌnaquënso nipirinhuëꞌ inahuara marëꞌ sacatopi. Nisha nisha nicarihuarahuëꞌ, napopináchin Yosë niꞌninpoaꞌ. Quisocristoíchin yonquicasoꞌ yaꞌhuërin. Ina imapatëhuaꞌ, yaꞌipinpoaꞌ yaꞌcoancantërinpoaꞌ. Co mantaꞌ pahuantarinpoahuëꞌ noya cancantacaso marëꞌ.

1 Juan 2:29

Quisocristo noyasáchin ninin, nitotërëhuaꞌ. Napoaton Yosë huëntonënquë yaꞌconpatëhuaꞌ, noya nicarihuaꞌ. Inpitasona noya nipachinaꞌ, nani Yosëri anoyacancantërin niꞌton, huiꞌnin pochin niꞌsarin, tënëhuaꞌ.