Hechos 10:33 - Chayahuita (Shahui)

³³ Ina natanahuato, aꞌnaroáchin amatëranquën. Ma noyanquën niꞌton, huëꞌnan. Iporasoꞌ yaꞌipicoi niyontonai. Yosëntaꞌ niꞌsarincoi. ¿Maꞌtaꞌ ina shaꞌhuitërinquën natëcaꞌhuaiso marëꞌ? Yanatanai, itërin.

Hechos 10:33 ပူးပေါင်းရင်းမြစ်များ

Proverbios 1:5

Yonquínahuan nipisopitasoꞌ, pënëinpoaso marëꞌ ninshitopisoꞌ, paꞌyatapona natanacaisoꞌ. Inapoatonaꞌ, yonqui yonquínahuanoꞌsa nicaponaꞌ.

Mateo 18:4

Huaꞌan pochin cancantacamasoꞌ naniantatomaꞌ, huaꞌhuasha pochin sano cancantocoꞌ. Ina quëran Yosë noya noya niꞌsarinquëma huachi.

Mateo 19:30

Aꞌnaquënso ipora chiníquën nanantopirinahuëꞌ, aꞌna tahuëri topinan piyapi pochin nisapi. Aꞌnaquënso nipirinhuëꞌ ipora topinan piyapi pochin nicaponaraihuëꞌ, aꞌna tahuëri chiníquën nanantapi, itërin Quisosori.

Marcos 10:15

Tëhuënchachin carinquëmaꞌ itaranquëmaꞌ, huaꞌhuaroꞌsaꞌ aꞌnaroáchin yaimarinaco. Coꞌsoꞌ inapita pochin cancantohuatamahuëꞌ, co onporontaꞌ Yosë huaꞌanëntërinquë yaꞌconaramahuëꞌ, itërin.

Hechos 10:32

Napoaton Copëquë piyapiꞌsaꞌ aꞌpaquëꞌ Simon Pitro macontaꞌinaꞌ. Inasoꞌ, Simon itopisoꞌ shaꞌhuëtëꞌ tapanaꞌpi pëinënquë yacapatarin. Marë yonsanquë yaꞌhuërin,” itërinco.

Hechos 10:34

Itohuachina, Pitrori itërin: —Tëhuënchachin Yosëri yaꞌipi piyapiꞌsaꞌ nosororin. Co quiyasáchin nosororincoihuëꞌ. Cancanënpoaquë yonquirëhuasopita nitotaton, noꞌtëquën yonquirinpoaꞌ, tënahuë.

Hechos 28:28

Napoaton shaꞌhuichinquëmaꞌ nitotocoꞌ. Yosëri nisha piyapiꞌsaꞌ nani shaꞌhuitërin cancanënaꞌ anoyatacaso marëꞌ. Inapitasoꞌ natërapi, tënin Paono. [

1 Corintios 3:18

Ama inquëma tërantaꞌ isoroꞌparáchin yonquiatomaꞌ, ninonpintocosohuëꞌ. “Caora noya noya nitotërahuë,” co taꞌcasoꞌ yaꞌhuërinhuëꞌ. Ama ina pochin yonquicosohuëꞌ. “Caora co noꞌtëquën yonquirahuëꞌ. Catahuaco Sinioro noya yonquiꞌi,” topatamaꞌ, Yosë catahuarinquëmaꞌ noya noya yonquicasoꞌ.

Gálatas 4:14

Chiníquën caniopirahuëꞌ, co nocanamacohuëꞌ. Noya natanamaco. “Anquëni pochin Yosë nanamën aꞌchintërancoi,” itëramaco. Quisocristo noninso pochachin natanamaco.

Deuteronomio 30:13

Co marë aquëtëran yaꞌhuëarinhuëꞌ. Napoaton: ‘¡Canpoanta natëcaso marëꞌ marë aquëtëran macontarahuatona anitochinënpoaꞌ!’ Co taꞌcaso yaꞌhuërinhuëꞌ.

1 Tesalonicenses 2:13

Yosë nanamën aꞌchintohuatëinquëmara, noya natanamaꞌ. “Co piyapi yonquirinsoꞌ aꞌchintërinpoahuëꞌ. Yosë nanamën chachin aꞌchintërinpoaꞌ,” tënamaꞌ. Tëhuënchachin Yosë nanamën niꞌton, ina natëhuatamaꞌ, nanamën quëran anoyacancantarinquëmaꞌ. Ina marëꞌ nani tahuëri “Yosparinquën,” itërai Yosë.

Santiago 1:19

Napoaton iyaroꞌsaꞌ, ama topinan nonacamasoáchin yonquicosohuëꞌ. Yosë nanamën naꞌcon naꞌcon natancoꞌ. Naporahuaton, ama yanoꞌhuitocosohuëꞌ.

Santiago 1:21

Napoaton yaꞌipi co noyahuëꞌ yonquiramasopita naniantocoꞌ. Ama huachi oshahuancosohuëꞌ. Yosë nanamën nani aꞌchintërinënquëmaꞌ. “Caora Sinioro co nanitërahuëꞌ noya nicaꞌhuasoꞌ. Catahuaco,” taꞌtomaꞌ, nanamën yonquirácoꞌ. Ina yonquihuatamaꞌ, nichaꞌësarinquëmaꞌ.