Hechos 10:31 - Chayahuita (Shahui)

³¹ Yaꞌnotirahuatonco, itërinco: “Cornirio, quëmasoꞌ naꞌcon Yosë nontëran, nataninquën. Saꞌahuaroꞌsaꞌ nosoroaton, maꞌsha quëtëran. Ina marëꞌ Yosë noya yonquirinquën.

Hechos 10:31 ပူးပေါင်းရင်းမြစ်များ

Daniel 9:23

Yosë nontëransoꞌ caniaritasënquën chachin, inaso aꞌpanirinquën. Inasoꞌ nosoromiatërinquën niꞌton, anitotaꞌhuanquënso marëꞌ aꞌpaimarinco. Iporasoꞌ noya huëratëhuanaton natanquë noꞌtëquën nitotamaso marëꞌ.

Lucas 1:13

Anquëniriso nipirinhuëꞌ noya nontërin. —Ama paꞌyanquësohuëꞌ. Quëmasoꞌ Sacariasënquën, nohuitëranquën. Huaꞌquiꞌ huiꞌnahuanacasoꞌ nohuantopiranhuëꞌ. Ina marëꞌ Yosë nontëransoꞌ nataninquën. Saꞌan huaꞌhuanarin. Huaihuachin, nininën cari shaꞌhuitaranquënsoꞌ acotëquëꞌ. Coansha itëquëꞌ.

Hechos 10:30

Napotohuachina, Corniriori itërin: —Nani catapini tahuëritarin, ipora pochin Yosë nontasoco, aꞌnanaya aꞌna quëmapi yaꞌnotërinco. Aꞌmorinsoꞌ huënaráchin huënaráchin niꞌnahuë.

Hechos 10:32

Napoaton Copëquë piyapiꞌsaꞌ aꞌpaquëꞌ Simon Pitro macontaꞌinaꞌ. Inasoꞌ, Simon itopisoꞌ shaꞌhuëtëꞌ tapanaꞌpi pëinënquë yacapatarin. Marë yonsanquë yaꞌhuërin,” itërinco.

Hechos 10:4

Anquëni niꞌsahuaton, paꞌpi tëꞌhuatërin. —¿Maꞌtaꞌ sinioro nohuantëran? itërin. —Quëmasoꞌ naꞌcon Yosë nontëran, nataninquën. Saꞌahuaroꞌsaꞌ nosoroaton, maꞌsha topinan quëtëran. Ina marëꞌ noya yonquirinquën.

Filipenses 4:18

Iporasoꞌ nóya iꞌhuërëtëramaco huachi. Napoaton noya yaꞌhuarahuë. Co mantaꞌ pahuantërincohuëꞌ. Iꞌhua Ipapërotito huëꞌpachina, coriqui aꞌpatëramaco niꞌton, maꞌsha yaꞌhuëtërinco. Ina marëꞌ “Yosparinquëmaꞌ,” itëranquëmaꞌ. Yosë nosoroatomaꞌ, aꞌpatiramaco. Yosë chinotacaiso marëꞌ pimóchin nininsoꞌ aꞌpëhuachinara, Yosëri noya niꞌnin. Inapochachin canpitantaꞌ coriqui aꞌpatëramaco niꞌton, Yosë noya niꞌninquëmaꞌ.

Hebreos 6:10

Yosë co topinan anaꞌintarinquëmahuëꞌ. Iráca noya ninamaꞌ. Imapisopita nosoroatomaꞌ, catahuaramaꞌ noya imacaso marëꞌ. Ipora huantaꞌ noya ninosoroaramaꞌ niꞌton, co Yosë naniantarinquëmahuëꞌ.

Apocalipsis 5:8

Nani maꞌpahuachina, maꞌsharoꞌsa pochin nininsopita isonahuatonaꞌ, Carniroaꞌhua chinotapi. Ansianoꞌsantaꞌ isonahuatonaꞌ, ina chinotapi. Aꞌnaya aꞌnaya arparoꞌsaꞌ sëꞌquëpi piꞌniatonaꞌ chinotacaiso marëꞌ. Sënaontaꞌ aꞌnaya aꞌnaya quëpapi, oro quëran nininsoꞌ. Inaquë yonarin pochin pimóchin nininsoꞌ yaꞌhuërin tomontacaso marëꞌ. Tomontërinso pochin imarëhuasopita Yosë nontërëhuaꞌ. “Nontohuatëhuaꞌ, noya nataninpoaꞌ,” taꞌtonaꞌ, Yosë chinotapi.