Hechos 10:3 - Chayahuita (Shahui)

³ Piꞌi tëhuërënahuasoꞌ, co huëꞌëponahuëꞌ, huaꞌnarëso pochin aꞌninquëchin quënanin. Yosë anquëninëni huëcapaimarahuaton: “¡Cornirio!” itërin.

Hechos 10:3 ပူးပေါင်းရင်းမြစ်များ

Éxodo 33:17

—Natëranco niꞌton, nosororanquën. Napoaton caꞌtanaranquëmaꞌ, itërin Yosëri.

Isaías 45:4

Piyapinëhuë Cacopo itopisoꞌ nosoroato napoarahuë. Israiroꞌsanta huayonahuë niꞌton, piyapinëhuëpita. Inapita nosoroato nininën quëran nohuitaranquën. Ca nohuanton copirno acoatënënquën noya noya niꞌsarinën. Quëmasoꞌ co nohuitopirancohuëꞌ, napotëranquën.

Mateo 27:46

Naporoꞌ Quisoso chiníquën nonin. Iri, Iri, ¿nama sapacatani? tënin. Inaora nananquë nonaton, naporin. “¿Onpoatontaꞌ Tata patëranco?” tapon naporin.

Lucas 1:11

Naporoꞌ acohuana Sinioro anquëninëni yaꞌnotimarin. Misaꞌhuaya inchinan quëran huanitimarin.

Lucas 2:13

Ina quëran aꞌnaroáchin naꞌa anquëniroꞌsari yaꞌnotantapi. Yosë chinotatonaꞌ, itaponaꞌ:

Hechos 10:17

Pitrosoꞌ yonquirárin. “Yosë nohuanton huaꞌnarëso pochin quënanahuë. ¿Maꞌtaꞌ tapon ina pochin aꞌnotërinco nica?” tënin yonquiaton. Naporoꞌ Corniriori aꞌparinsopita canquirapi. Natantiirahuatonaꞌ, Simon pëinën yaꞌcoananënquë canquipi.

Hechos 10:19

Pitroso nipirinhuëꞌ co nataninhuëꞌ. Huaꞌnarëso pochin niꞌninsoꞌ yonquirárin. Yonquiasoꞌ, Ispirito Santori itërin: “Apira cara quëmapi yonisarinquën.

Hechos 10:30

Napotohuachina, Corniriori itërin: —Nani catapini tahuëritarin, ipora pochin Yosë nontasoco, aꞌnanaya aꞌna quëmapi yaꞌnotërinco. Aꞌmorinsoꞌ huënaráchin huënaráchin niꞌnahuë.

Hechos 10:9

Tahuëririnquë yacamotëriahuasoꞌ, ninanoquë yaꞌcaritopi huachi. Naporoꞌ Pitro inapa paꞌcotëquë paꞌnin Yosë nontacaso marëꞌ.

Hechos 11:13

Yaꞌconpatoira, Cornirio itërincoi: “Pëinëhuëquë Yosë nontasoco, anquëni yaꞌnotirinco, niꞌnahuë. ‘Copëquë piyapiꞌsaꞌ aꞌpaquëꞌ Simon Pitro macontaꞌinaꞌ.

Hechos 27:23

Casoꞌ Yosë natërahuë. Inasáchin imarahuë. Ina nohuanton, achin tashiꞌ anquëninën yaꞌnotimarinco.

Hechos 3:1

Aꞌna tahuëri piꞌi tëhuërënahuasoꞌ, Pitro paꞌsarin Yosë chinotopiso pëiquë. Naporoꞌ ora niyontonatonaꞌ, Yosë nontopi. Coansharëꞌ paꞌsapirinhuëꞌ.

Hechos 5:19

Yono tashiꞌ Sinioro anquëninën huëꞌsahuaton, yaꞌcoana iꞌsoatiirin. Caꞌtanoꞌsaꞌ aipiran quëparahuaton, shaꞌhuitërin:

Hechos 9:10

Ina ninanoquë chachin aꞌna quëmapi yaꞌhuërin, Quisoso imarinsoꞌ. Ananiasë itopi. Yosë nohuanton, co huëꞌëponahuëꞌ, huaꞌnarëso pochin niꞌnin. Nontërinsontaꞌ natanin. “Ananiasë, ¿yaꞌhuaran?” itërin Quisosori. “Yaꞌhuarahuë Sinioro,” itërin inarintaꞌ.

Hechos 9:4

Noꞌpaquë anotahuaton, inápa quëran nontërinsoꞌ natanin. “Saono, Saono, ¿onpoatontaꞌ aparisitaranco?” itërin.

Hebreos 1:14

Inapitasoꞌ inpriatonënpita pochin niꞌton, Yosëri camairin. Aꞌpaimarin imarëhuasopita catahuainpoaso marëꞌ. Yosë chachin nichaꞌësarinpoaꞌ. Nani ina nitotëramaꞌ.

Hebreos 1:4

Yosë huiꞌnin niꞌton, anquëniroꞌsa quëran chini chiníquën nanantërin inasoꞌ. Yosëri acorin niꞌton, inasoꞌ noya noya.