Hechos 10:14 - Chayahuita (Shahui)

¹⁴ —Inca Sinioro. Sopai inapitasoꞌ. Co onporontaꞌ ina pochin caꞌchinahuëꞌ. Iráca Moisësë pënënincoi ama ina pochin capacaꞌhuaiso marëhuëꞌ, itërin Pitrori.

Hechos 10:14 ပူးပေါင်းရင်းမြစ်များ

Génesis 19:18

Notoriso nipirinhuëꞌ, itapon: —¡Co Siniororoꞌsa topirahuëꞌ! Tëhuënchachin canpitasoꞌ, naꞌcon catahuaramaco huachi. Noyanquëma niꞌton, nichaꞌëramaco. Napoaponahuëꞌ, motopiroꞌsa parti taꞌacaꞌhuasoꞌ, co nanitarahuëꞌ. Huancopi niꞌsoiꞌ, ayaroꞌ icantatoncoi tiquihuachincoi.

Éxodo 10:11

Napopiramahuëꞌ, co yaꞌipinquëma pacamaso yaꞌhuërinhuëꞌ. Tëhuënchachin Yosë yachinotohuatamaꞌ, quëmapimasáchin pacoꞌ, itërin. Itahuaton, piyapinënpita camairin Moisësë, Aaron, inapita iquianan quëran aꞌpacaisoꞌ.

Daniel 1:8

Naniriso napoaponahuëꞌ, co nohuantërinhuëꞌ copirno caꞌninsoꞌ capacasoꞌ. Co huino oꞌorinso tërantaꞌ, oꞌocaso nohuantërinhuëꞌ. Amiconënpitantaꞌ, ina pochachin yonquipi. Napoaton Nanirisoꞌ: “Ama nëꞌhuëtërinso pochin Yosë nicaincoiso marëhuëꞌ, co nohuantëraihuëꞌ iso cosharo capacaꞌhuaisoꞌ. Huinontaꞌ, co nayaraihuëꞌ,” itërin huaꞌan nontaton.

Mateo 15:11

Coshatërëso marëꞌ co oshahuanëhuëꞌ. Cancanënpoa quëran yonquirëso marëꞌ oshahuanëhuasoꞌ. Tëhuënchachin co noyahuëꞌ nonpatëra, oshahuanëꞌ, itërin.

Mateo 16:22

Ina natanahuaton, aꞌnaroáchin Pitrori amasha quëparahuaton, chiníquën pënënin: —¡Ama Sinioro napoquësohuëꞌ! Ama Yosë nohuanchinsohuëꞌ, itopirinhuëꞌ,

Mateo 25:9

‘Coꞌchi nanitëraihuëꞌ taꞌpantaꞌhuainquëmaso paya. Inapohuatoi, co huachi quiyantaꞌ orotarinhuëꞌ. Yaꞌipinpoaꞌ tacopianarihuaꞌ. Manóton paatomaꞌ, paꞌanconcoꞌ,’ itopi.

Mateo 8:2

Paꞌsapirinahuëꞌ, aꞌna caniaꞌpi huëꞌnin, chana caniori maninsoꞌ. Nacapirahuaton, Quisoso nantëntaquë isonin quëran, itapon: —Nohuantohuatan Sinioro, quëma nanitëran anoyatancosoꞌ. Anoyatoco topirahuëꞌ, itërin.

Marcos 7:2

Quisoso caꞌtanoꞌsanënpita coshatasoiꞌ, quënanquipi. Aꞌnaquën co niopoimirataponaraihuëꞌ coshatapi. Parisioroꞌsasoꞌ coꞌhuara coshachatëraponahuëꞌ, piꞌpian iꞌshaquë niopoimiratopi. Yaꞌipi cotioroꞌsaꞌ ina pochin yonquipi. “Co inapohuatëhuahuëꞌ, oshahuanarihuaꞌ,” tëcatonaꞌ napopi. Shimashonënaꞌ inachintopisoꞌ niꞌton, inapopi.

Lucas 1:60

Aꞌshinso nipirinhuëꞌ, co nohuantërinhuëꞌ. —Coansha itarai, tënin.

Juan 4:11

—Quëmasoꞌ co mantaꞌ yaꞌhuëtërinquënhuëꞌ iꞌsha macamasoꞌ. Iꞌshasoꞌ acopoꞌ yaꞌhuërin. ¿Onporahuatoncha nanpirin iꞌsha manëꞌponquënya?

Hechos 10:13

Ina quëran noninsoꞌ natanin. “Huanirahuaton Pitro, tëpaton caꞌquëꞌ,” itërin.

Hechos 10:28

Nani ninontohuachinara, Pitrori itërin: —Cotioroꞌsacoi inachintëraisoꞌ, nani iyaroꞌsaꞌ nitotëramaꞌ. Co onporontaꞌ nisha piyapiroꞌsataquë niꞌtapoi paꞌnaihuëꞌ. Co inapitaroꞌcoi niyontonaihuëꞌ. “Co Yosë nohuantërinhuëꞌ,” topiraihuëꞌ. Iporaso nipirinhuëꞌ Yosë nani anitotërinco. Insosona Yosëri noya niꞌpachina, cantaꞌ noya niꞌi. Yaꞌipi piyapi napopianachin noya nicaꞌhuasoꞌ yaꞌhuërin, tënahuë.

Hechos 22:8

‘¿Inquëntaꞌ quëmasoꞌ Sinioro?’ itërahuë. ‘Ca Quisosoco, Nasaritoquë yaꞌhuërahuësoꞌ. Aparisitaranco,’ itërinco.

Hechos 9:5

“¿Inquëntaꞌ quëmasoꞌ, Sinioro?” itërin Saonori. “Ca Quisosoco, aparisitarancosoꞌ.