Hechos 10:1 - Chayahuita (Shahui)

¹ Sisariaquë aꞌna quëmapi yaꞌhuërin. Cornirio itopisoꞌ. Inasoꞌ capitan. “Itariaroꞌsaꞌ” itopiso sontaro huënton camairin.

Hechos 10:1 ပူးပေါင်းရင်းမြစ်များ

Mateo 27:27

Shaꞌhuitohuachina, Pirato pëinënquë quëpapi. Inaquë notohuaroꞌ sontaroꞌsaꞌ niyontonpi tëcariatonaꞌ tëhuacaiso marëꞌ.

Mateo 27:54

Quisoso chiminpachina, capitanso sontaronënpitarë chachin niꞌsapi. Ocohua paꞌninsoꞌ, naꞌpiroꞌsaꞌ nopaatërinsoꞌ, inapita niꞌsahuatonaꞌ, paꞌpi paꞌyanpi. —Tëhuënchachin iso quëmapisoꞌ, Yosë huiꞌnin, topi.

Marcos 15:16

Ina quëran sontaroꞌsari Pirato pëinënquë quëpapi. Pairaanaquë ichiyaꞌconahuatonaꞌ, yaꞌipi sontaroꞌsaꞌ amatopi.

Lucas 7:2

Inaquë aꞌna Noma capitan yaꞌhuërin. Aꞌna piyapinën chiníquën canioton, yachiminin. Huaꞌanëni noya nosororin.

Juan 18:12

Ina quëran sontaroꞌsaꞌ, capitan, cotio ponisiaroꞌsaꞌ, inapita huëꞌsahuatonaꞌ, Quisoso mapi. Masahuatonaꞌ, tanpaquën noyá tonporahuatonaꞌ,

Juan 18:3

Corto huaꞌanoꞌsaꞌ, parisioroꞌsaꞌ, inapita nani shaꞌhuitonin. Natanahuatonaꞌ, sontaroꞌsaꞌ, ponisiaroꞌsaꞌ, inapita aꞌpapi Quisoso macacaiso marëꞌ. Nansa, sahuëni, inapita quëpapi. Tashiꞌ niꞌton, nanparin, yonarin, inapitantaꞌ quëpapi. Cotasëri quëchitërahuaton, aꞌnotërin.

Hechos 10:24

Ina tashiraya Sisariaquë canconpi. Inaquë Corniriori ninararin quënanconpi. Quëmopinënpita, nipayarinsopita, inapita amatohuachina, nani niyontonpi natanacaiso marëꞌ.

Hechos 21:31

Paono yatëparapisoꞌ, capitan huaꞌansoꞌ natantërin. Yaꞌipi Quirosarinquë yaꞌhuëpisopita yaniahuërapi, natantërin.

Hechos 21:8

Tahuëririnquë pipiantarahuatoi, Sisariaquë canconai. Inaquë nonshirahuatoi, Pinipi pëinënquë yacapatonai. Inasoꞌ iráca Quirosarinquë acopi caꞌtanoꞌsaꞌ catahuacaso marëꞌ. Canchisëyaꞌpi acohuachinara, inantaꞌ acopi. Iporaso huachi noya nanan shaꞌhuirárin.

Hechos 22:25

Inaquë quëparahuatonaꞌ, tonpopi huihuicaiso marëꞌ. Tonpopirinahuëꞌ, capitan inaquë huaniarin niꞌton, Paonori itapon: —Casoꞌ Noma piyapico nipirahuëꞌ, yahuihuiramaco. Co napotamacoso yaꞌhuërinhuëꞌ. Co coisë nitotopirinhuëꞌ, ¿yahuihuiramaco ti? itërin Paonori.

Hechos 23:23

Ina quëran catoꞌ capitanoꞌsaꞌ amatërin. —Apira maꞌsha tapacoꞌ Sisariaquë pacacamaso marëꞌ. Cato pasa sontaroꞌsaꞌ shaꞌhuitonquëꞌ paꞌinaꞌ. Cahuarioquë paꞌnaꞌpiroꞌsantaꞌ canchisë shonca quëpaquëꞌ. Nansahuanoꞌsaꞌ cato pasa quëpaquëꞌ. Yaꞌipi tapatëquëꞌ yayonotashirahuasoꞌ pacacamaquëmaꞌ.

Hechos 23:33

Sisariaquë canconahuatonaꞌ, quirica huaꞌan quëtonpi. Paonontaꞌ yoꞌconpi.

Hechos 25:1

Nasha huaꞌan canquirin huachi, Pisto itopisoꞌ. Sisariaquë huëcaton, cara tahuëri iꞌhuatërin. Ina quëran Quirosarinquë paꞌnin.

Hechos 25:13

Huaꞌquimiáchin quëran aꞌna huaꞌan chiníquën nanantërinsoꞌ canquirin, Acripa itopisoꞌ. Sisariaquë huëꞌnin Pisto nicapon. Aꞌna sanapintaꞌ huëꞌnin, Pirinisa itopisoꞌ.

Hechos 27:1

Ina quëran Pisto yaaꞌparincoi. Aꞌnapita apiroꞌsantaꞌ yaaꞌparin. Noma copirno Itaria parti yaꞌhuërin niꞌton, Noma sontaroꞌsaꞌ capitan Orio itopisoꞌ nontërin inatohuaꞌ quëpacaiso marëꞌ. “Paono, apiroꞌsaꞌ, inapita quëpacoꞌ,” itohuachina, “Noyahuaꞌ. Quëpaꞌi nipachin,” tënin.

Hechos 27:31

Napohuachinara, Paonori nicaton, capitan, sontaroꞌsaꞌ, inapita itapon: —Isopita taꞌahuachinaꞌ, co canpitantaꞌ chaꞌëpomahuëꞌ, itërin.

Hechos 27:43

Capitanso nipirinhuëꞌ nohuantërin Paono chaꞌëcasoꞌ. Napoaton “Ama tëpacosohuëꞌ. Yaꞌipinpoaꞌ paꞌahuaꞌ. Nitoyonpatamaꞌ, canpitaꞌton niitatomaꞌ, yonsaiquë pacoꞌ.

Hechos 8:40

Pinipiso nipirinhuëꞌ, Asotoquëꞌpa yaꞌnochanin. Ina quëran paꞌsahuaton, ninanoroꞌsaquë noya nanan shaꞌhuitëraꞌpiarin. Sisariaquë huarëꞌ shaꞌhuiraꞌpiarin.