Hechos 1:9 - Chayahuita (Shahui)

⁹ Ina topachina, Yosëri inápaquë quëpantarin. Caꞌtanoꞌsanënpitari nicasoiꞌ, inápaquë pantarin. Nëꞌpërápirinahuëꞌ, chitorori imotërin. Co huachi quënanpihuëꞌ.

Hechos 1:9 ပူးပေါင်းရင်းမြစ်များ

Éxodo 19:9

Nani shaꞌhuitohuachina, Siniorori itapon: —Natanquë shaꞌhuichinquën: Nontaranquënsoꞌ piyapiꞌsari natanacaiso marëꞌ chitoro yaráchin nininquë yaꞌnotaranquën. Ina natanpachinaꞌ, natëmiataponën huachi, itërin. Itohuachina, naquëranchin Moisësëri israiroꞌsa aꞌpanitopisoꞌ, Sinioro shaꞌhuitaantarin.

Éxodo 34:5

Nani pomosontahuachina, Sinioroso chitoroquë yaporitiimarin. Inaquë Moisësërëꞌ niquënanpi. Naporo Siniorosoꞌ, onpopinsona nininso shaꞌhuirarin.

Daniel 7:13

Huëꞌëhuëquë inapita nicasoco, aꞌnanaya, aꞌnara quëmapi chitoro huáncana oꞌmararin. Oꞌmarahuaton Ansiano huënsëarinso yaꞌcariꞌ, paꞌnin. Ina quëran ayaꞌcaritopi huachi.

Marcos 16:19

Nani caꞌtanoꞌsanënpita nontohuachina, inápaquë Sinioro Quisoso panantarin. Yosëri quëpantarahuaton, inchinanën quëran ahuënsërin.

Lucas 21:27

Ina quëran niꞌsarinaco. Yosë quëran quëmapico niꞌto, chitoroꞌ huancana oꞌmantararahuë. Chiníquën nanantato, oꞌmantararahuë. Huënaráchin huënaráchin yaꞌnoarahuë.

Juan 6:62

Yosë quëran quëmapico niꞌto, aꞌna tahuëri Yosë yaꞌhuërinꞌpaꞌ panantararahuë. Ina niꞌpatamaꞌ ¿maꞌtaꞌ yonquiaramaꞌ?

Hechos 1:11

—¿Maꞌmarëtaꞌ caririaroꞌsanquëmaꞌ inápaquë nëꞌpëtëramaꞌ? Quisoso nani pantarin. Yosëri inápaquë quëpantapirinhuëꞌ, ina chachin oꞌmantararin. Inápaquë paꞌninso pochachin aꞌna tahuëri oꞌmantararin, itërin.

Hechos 1:2

Yaꞌipi inápaquë panantaquë huarëꞌ naporinsoꞌ ninshitëranquën noꞌtëquën nitotamaso marëꞌ. Iporasoꞌ naquëranchin ninshitantaranquën. Coꞌhuara Quisoso inápaquë pantayátëraponhuëꞌ, caꞌtanoꞌsanënpita huayoninsoꞌ shaꞌhuitërin paatonaꞌ aꞌchinacaiso marëꞌ. Ispirito Santo nohuanton, shaꞌhuitërin. Inapita napopisontaꞌ nitochin, taꞌto, ninshitantaranquën.

1 Tesalonicenses 4:17

Ina quëran aꞌnaroáchin nanpirëhuasopitarëꞌquënpoaꞌ chitoroꞌ yaꞌhuërinquë quëpantarinpoaꞌ. Inaquë Sinioro nacapiarihuaꞌ. Inarëꞌquënpoaꞌ yaꞌhuëmiatarihuaꞌ.

1 Timoteo 3:16

Iráca co Yosë nohuitopirëhuahuëꞌ, iporasoꞌ Quisocristo anohuitërinpoaꞌ: “Ma noyacha inaso paya,” tënëhuaꞌ. Yosë huiꞌnin isoroꞌpaquë oꞌmaton, piyapi chachin nasitimarin. Ispirito Santo chachin anitotërinpoaꞌ Yosë huiꞌnin nininsoꞌ. Nanpiantahuachina, anquëniroꞌsarintaꞌ quënanpi. Imapisopitari yaꞌipi parti paatonaꞌ, nanamën shaꞌhuiraꞌpiapi. Naꞌa piyapiꞌsaꞌ natëpi. Iporasoꞌ Yosëꞌpaꞌ noya yaꞌhuërin. Inatohuaꞌ Yosëri quëpantarin.

Apocalipsis 1:7

Niꞌcochi. Quisocristo oꞌmantararin. Aꞌna tahuëri chitororë chachin oꞌmantararin. Naporoꞌ yaꞌipi piyapiꞌsari niꞌsapi. Iráca ohuanpisopitarintaꞌ niꞌsapi. Nisha nisha piyapiꞌsaꞌ sëtatonaꞌ, naꞌnërapi. “¿Onpoatëhuacha co natërëhuahuë paya?” tosapi. Tëhuënchachin naporapi. Amen.

Apocalipsis 11:12

Naporoꞌ inápa quëran nontërinsoꞌ natanapi. —¡Isëquë huëntaco huachi! itarin. Napotohuachina, inimiconënpitari nicasoiꞌ, catoyaꞌpisoꞌ inápaquë paantapi. Chitororë chachin paantapi.

Apocalipsis 14:4

Noyápiachin cancantapi. Co piꞌpisha tërantaꞌ monshihuanaꞌpi pochin cancantopihuëꞌ. Yosëíchin yonquiapi. Insëquësona Carniroaꞌhua paꞌpachin, imasapi. Isoroꞌpaquë yaꞌhuëpirinahuëꞌ, nani Yosëri nichaꞌërin. Yaꞌnan cayarinso macatëꞌ Yosë quëtërëso pochin nicatonaꞌ, inasáchin chinotapi. Nani tahuëri Carniroaꞌhuantaꞌ chinotapi.