Hechos 1:3 - Chayahuita (Shahui)

³ Quisososoꞌ tëhuënchachin chiminpirinhuëꞌ, nanpiantarin. Ina piquëran catapini shonca tahuëri isoroꞌpaquë yaꞌhuëantarin. Caꞌtanoꞌsanënpita yaꞌnotëraꞌpiarin nanpiantarinsoꞌ natëcaiso marëꞌ. Yosë huaꞌanëntërinsoꞌ aꞌchintaantarin.

Hechos 1:3 ပူးပေါင်းရင်းမြစ်များ

1 Reyes 19:8

Napotohuachina, caantarin, oꞌoantarin, naporin. Inaporahuaton, catapini shonca tahuëri tashirë chachin iratërin. Paꞌsápaton Oripi motopiꞌpaꞌ huarëꞌ canconin. Ina motopisoꞌ, Sinioro motopinën itopi antaꞌ.

Mateo 21:43

Napoaton itaranquëmaꞌ, Yosë yahuaꞌanëntopirinquëmahuëꞌ, co nohuantëramahuëꞌ niꞌton, aꞌpoarinquëmaꞌ. Nisha piyapiroꞌsaꞌ piyapinënpita pochin niꞌsarin. Inapitasoꞌ noya natëapi. [

Mateo 28:9

Paꞌsapirinahuëꞌ, aꞌnanaya iraquë chachin Quisosori yaꞌnotërin. —Huëꞌcama imoyaroꞌsaꞌ, itërin. Ina nohuitatonaꞌ, yaꞌcarionpi. Monshorahuatonaꞌ, nantën iporantërahuatonaꞌ, chinotopi.

Mateo 3:2

—Yosë huaꞌanëntiinpoasoꞌ tahuëri nani yaꞌcariarinpoaꞌ. Napoaton co noyahuëꞌ yonquiramasopita naniantatomaꞌ, Yosë chachin tahuërëtantaco huachi, itarin. Nani tahuëri ina pochin pënënárin.

Mateo 4:2

Catapini shonca tahuëri tashirë chachin inaquë yaꞌhuaponahuëꞌ, co mantaꞌ caꞌninhuëꞌ. Ina piquëran tanarin huachi.

Marcos 16:19

Nani caꞌtanoꞌsanënpita nontohuachina, inápaquë Sinioro Quisoso panantarin. Yosëri quëpantarahuaton, inchinanën quëran ahuënsërin.

Juan 20:26

Posa tahuëri quëran niyontoantahuatoira, Tomasëntaꞌ inaquë nisarin. Naquëranchin yaꞌcoana noya oncotaantapiraihuëꞌ. Quisoso aꞌnaroáchin huancánachin yaꞌnoantarahuaton: —Tashita iyaroꞌsaꞌ. Sano cancantocoꞌ, itërincoi.

Juan 21:1

Ina quëran Tipiriasë sonoꞌ yonsanquë Quisoso yaꞌnotantarincoi. Niꞌnaisoꞌ shaꞌhuichinquëmaꞌ.

Juan 21:14

Nanpiantarin piquëran nani cararoꞌ caꞌtanoꞌsanënpitacoi quënanai.

Hechos 13:31

Nanpiantarahuaton, aꞌna yoqui miria pochin yaꞌhuantarahuaton, caꞌtanoꞌsanënpita yaꞌnotëraꞌpiarin. Coꞌhuara chimiyantërasohuëꞌ, naꞌa Caririaquë yaꞌhuëpisopitari caꞌtanpi. Quirosarinquë huarëꞌ imapi. Quisoso nanpiantahuachina, inapitarintaꞌ quënanpi. Quënanahuatonaꞌ, yaꞌipi piyapi shaꞌhuitapi: ‘Nanpiantarin mini. Quiyari niꞌnai,’ tosapi.

Hechos 19:8

Huaꞌquiꞌ inaquë Paono yaꞌhuërin. Cara yoqui pochin cotioroꞌsaꞌ aꞌchintárin. Nani simana niyontonpiso pëiquë paꞌnin. Co tëꞌhuatonhuëꞌ, aꞌchintárin. “Yosë yahuaꞌanëntërinquëmaꞌ. Ina marëꞌ Quisoso aꞌpaimarin. Ina imacoꞌ,” itarin.

Hechos 28:23

Aꞌna tahuëri huënantahuatoi, shaꞌhuitocoi nitochii, itopi. —Noya iyaroꞌsapaꞌ. Naporoꞌ tahuëri huënantacoꞌ yaꞌipinquëmaꞌ shaꞌhuichinquëmaꞌ, itohuachina, paꞌpi. Ina quëran tahuëri nanihuachina, naꞌayaꞌpi huëꞌpi. Paono yaꞌhuërinquë niyontonpi natanacaiso marëꞌ. Tashiramiachin huëꞌpi. Huëꞌpachinara, Paonori aꞌchintárin. —Yosë yahuaꞌanëntërinpoaꞌ. Naꞌcon nohuantërin huëntonënquë chachin ayaꞌcoinpoasoꞌ. Ina marëꞌ huiꞌnin aꞌpaimarin. Inasoꞌ Quisoso itopi. Quiricanën quëran ina naꞌcon ninopi. Moisësë pënëntërinsoꞌ ninshitaton, ninorin. Pënëntonaꞌpiroꞌsantaꞌ ninopi, itërin. Quiricanën quëran naꞌcon aꞌchintërin. Aꞌchintaton, chiníquën pënënin Quisoso natëcaiso marëꞌ. Aꞌchintochináchin iꞌhuatërin.

Hechos 28:31

“Yosë huaꞌanëntërinquë yaꞌconcoꞌ canpitantaꞌ,” itërin. Sinioro Quisocristo naporinsoꞌ aꞌchintárin. Co tëꞌhuatonhuëꞌ, naꞌcon aꞌchinin. Aꞌchinpirinhuëꞌ, co insoari tërantaꞌ atonirinhuëꞌ niꞌton, Quisoso nanamën nahuinin. Nani ninshitëranquën huachi.

Hechos 8:12

Nipirinhuëꞌ, Pinipiri noya nanan shaꞌhuitohuachina, noya natanpi. “Yosë yahuaꞌanëntërinpoaꞌ. Quisocristo inápa quëran aꞌpaimarin nichaꞌëinpoaso marëꞌ. Ina imacoꞌ canpitantaꞌ,” itohuachina, natëpi. Ina quëran quëmapiꞌsaꞌ sanapiꞌsarë chachin aporihuanpi.

Romanos 14:17

Yosë noya huaꞌanëntërinpoaꞌ. Ina imapatëhuaꞌ, noya nisarëhuaꞌ. Asanocancanarinpoaꞌ niꞌton, co ninoꞌhuicasoꞌ yaꞌhuërinhuëꞌ. Yosësoꞌ, caꞌnëhuasoꞌ, oꞌorëhuasoꞌ, inapita co onpopinchin yonquirinhuëꞌ. Ispirito Santo catahuarinpoaꞌ noya cancantahuasoꞌ. Catahuahuachinpoaꞌ, capa cancantarihuaꞌ.

Deuteronomio 9:18

Naquëranchin Moisësëri israiroꞌsa nontaantarin: “Inapoatoma oshahuanamaso marëꞌ, naquëranchin isonahuato Sinioro nontërahuë. Iꞌhua naporahuëso chachin, catapini shonca tahuëri tashirë chachin co manta coshatërahuëꞌ, co manta oꞌorahuëꞌ. Panca tëhuëatoma Sinioro anoꞌhuitopiramahuëꞌ, canpita marëꞌ ina nontërahuë.

Deuteronomio 9:9

Caso naꞌpitëaꞌhuaroꞌsa maꞌpataꞌhuaso marëꞌ inatohua paantarahuë. Ina naꞌpitëaꞌhuaroꞌsaquë Siniororëꞌquënpoa anoyatërëhuaso ninshitërin. Ina maꞌpacaꞌhuaso marëꞌ catapini shonca tahuëri tashirë chachin co manta coshatërahuëꞌ, co manta oꞌorahuëꞌ, naporahuë.

Colosenses 1:13

Iráca sopai camairinpoaꞌ. Ina natëtëhuaꞌ, tashi pochin cancantopirëhuahuëꞌ, nani Yosë nichaꞌërinpoaꞌ. Co huachi sopai natëcasoꞌ yaꞌhuërinhuëꞌ. Yosë nohuanton, huiꞌnin huaꞌanëntërinpoaꞌ. Huiꞌnin naꞌcon nosoropirinhuëꞌ, isoroꞌpaquë aꞌpaimarin.

1 Tesalonicenses 2:12

Achinicancanainquëmaꞌ. “Yosë imaramaꞌ niꞌton, noyasáchin nicoꞌ Yosë noya niꞌinquëmaꞌ,” itërainquëmaꞌ. Ina acorinquëmaꞌ huaꞌanëntërinquë yaꞌconacamasoꞌ. Aꞌna tahuëri yaꞌhuërinꞌpaꞌ quëpantahuachinquëmaꞌ, noya noya yaꞌhuëcontaramaꞌ.

1 Juan 1:1

Iso quirica aꞌpataranquëmaꞌ, niꞌcoꞌ. ¿Noyanquëmaꞌ canpitantaꞌ? Quiyantaꞌ isëquë noya yaꞌhuarai. Quisocristo noya noya nohuitacamaso marëꞌ ninshitaranquëmaꞌ. Iráca coꞌhuara isoroꞌpaꞌ yaꞌhuëyátërasohuëꞌ, inápaquë yaꞌhuërin. Ina quëran oꞌmarahuaton, aꞌchintërincoi, natanai. Quiyasoꞌ niꞌnai. Nirayarai. Nonën chachin yaꞌhuëtërin, sëꞌhuarai. Inasáchin Yosë yonquirinsoꞌ anitotërinpoaꞌ. Ina nohuitohuatëhuaꞌ, nóya nanpimiatarihuaꞌ.