Hechos 1:26 - Chayahuita (Shahui)

²⁶ Ina quëran catoꞌ yaꞌpi nininënpita catoꞌ naꞌpitëaꞌhuayaquë ninshitopi. Yontëraꞌhuayaquë poꞌmorahuatonaꞌ, paꞌtan paꞌtantohuachinara, Matiasë nininën pipirin. Shonca aꞌnaraꞌ caꞌtanoꞌsanënpita yaꞌhuëpirinahuëꞌ, iporaso huachi shonca catoꞌ caꞌtanoꞌsanënpita yaꞌhuantapi.

Hechos 1:26 ပူးပေါင်းရင်းမြစ်များ

Levítico 16:8

Inaquë nicanatona ocoipiso pochin chiporoꞌsa nitarin. Cato naꞌpitëaꞌhuayaquë, inquënsona nicacaso ninshitapon. Aꞌnaquë: ‘Sinioronquën,’ taꞌton, ninshitarin. Aꞌnaquëso nipirinhuëꞌ: ‘Asasironquën,’ taꞌton ninshitarin.

Jonás 1:7

Huaꞌani napotohuachina, Conasënta pipiintarin. Nancha quëpanaꞌpiroꞌsasoꞌ: —Insosona naꞌinin quëran poꞌsarëhuaso nitotacaso marëꞌ, nicanarëhuaso pochin nicatëhua nitotahuaꞌ, niitopi. Inapohuachinara, Conasë naꞌininsoꞌ, nitotopi.

Marcos 6:30

Ina quëran caꞌtanoꞌsanënpita huëantarahuatonaꞌ, Quisoso shaꞌhuitiipi. “Nani aꞌchintëraꞌpiarai. Caniaꞌpiroꞌsantaꞌ anoyatërai. Noya natanpi,” itiipi.

Hechos 1:23

Ina marëꞌ catoyaꞌpi huayonpi. Aꞌnasoꞌ Matiasë. Aꞌnantaꞌ Cosi Parsapa. Costo itopi antaꞌ.

Hechos 13:19

Ina nohuanton, Canaan parti paꞌpi. Inatohuaꞌ nisha nisha piyapiroꞌsaꞌ yaꞌhuëpi, nisha nisha nananquë nonpisopita. Canchisë huënton yaꞌhuëpirinahuëꞌ, co Yosë natëpihuëꞌ niꞌton, ina nohuanton minsëpi. Inaquë chachin shimashonënpoapita yaꞌhuëpi. Yosëri catahuarin niꞌton, ina noꞌpaꞌ huaꞌanëntopi.

Hechos 2:14

Shonca catoꞌ caꞌtanoꞌsaso nipirinhuëꞌ, co tëꞌhuatonaraihuëꞌ huanipi. Pitrosoꞌ aꞌninquëchin huanirahuaton, chiníquën nontërin yaꞌipi piyapiꞌsaꞌ natanacaiso marëꞌ. “Noya natanco iyaroꞌsaꞌ. Yaꞌipima Quirosarinquë yaꞌhuëramasopitantaꞌ natanco onporaisona noꞌtëquën shaꞌhuichinquëmaꞌ.

Apocalipsis 21:14

Pairatopisoꞌ shonca catoꞌ naꞌpiquë paquëërin, panca nininsoꞌ. Aꞌnaya aꞌnaya naꞌpiquë Quisoso caꞌtanoꞌsanënpita nininënaꞌ ninshitopi. Shonca catoꞌ yaꞌhuërin niꞌton, yaꞌipi nanitopi.