Hechos 1:21 - Chayahuita (Shahui)

^21-22 Napoaton iyaroꞌsaꞌ aꞌna quëmapi acoantaꞌahuaꞌ Cotasë yaꞌhuërëtacaso marëꞌ. Iráca Coansha aporintasoꞌ, Sinioro Quisoso caniaririn aꞌchinacasoꞌ. Naporoꞌ naꞌa miachincoi Quisoso imarai. Nani tahuëri caꞌtanai. Inápaquë panantaquë huarëꞌ caꞌtanai. Aꞌnaraꞌ Quisoso caꞌtaninso chachin acoantaꞌahuaꞌ. ‘Quisoso nanpiantarin. Cantaꞌ niꞌnahuë,’ taꞌcaso marëꞌ acoaꞌahuaꞌ,” tënin.

Hechos 1:21 ပူးပေါင်းရင်းမြစ်များ

2 Samuel 5:2

Saonoꞌton copirnonënpoa yaꞌconin. Napoaponahuëꞌ, naporo quëran huarëꞌ quëmari Israiro sontaroꞌsa camairan. Ahuëtacaiso marëꞌ quëpahuatana, quëmari chachin quëantaran. Naporahuaton Sinioro chachintaꞌ, nani shaꞌhuitërinquën copirnonëhuëi nicamaso marëꞌ. Ohuicaroꞌsa huaꞌanëni aꞌpairinso pochin nitancoiso marëꞌ nani acorinquën,” itopi.

Lucas 1:2

Caꞌtanoꞌsanënpitasoꞌ iráca quëran huarëꞌ imatonaꞌ, naporinsoꞌ niꞌpi. Nani yaꞌipi noꞌtëquën shaꞌhuitërinacoi.

Lucas 24:3

Naꞌpi naninquë yaꞌconpirinahuëꞌ, Sinioro Quisoso nonën co quënanpihuëꞌ.

Juan 15:27

Canpitantaꞌ aꞌchinaramaꞌ aꞌnapitantaꞌ nohuitinacoso marëꞌ. Yaꞌnan aꞌchinahuë quëran huarëꞌ nohuitëramaco niꞌton, naporahuësoꞌ shaꞌhuitaramaꞌ.

Deuteronomio 31:2

“Nani caso pasa cato shonca piꞌipitërahuë. Co huachi nanitërahuëꞌ áquë paꞌsápaꞌhuasoꞌ. Naporahuaton Sinioro chachin nani shaꞌhuitërinco: ‘Quëmasoꞌ co Cortaniiꞌ pëntontaranhuëꞌ,’ itërinco.