Hechos 1:13 - Chayahuita (Shahui)

¹³ Canconahuatonaꞌ, aꞌna pëiquë paꞌpi. Inapa pëꞌsatëꞌ pëiꞌ niꞌton, nanpëpi. Inaquë naporoꞌ yacapatapi. Pitro, Coansha, Santiaco, Antërisë, Pinipi, Tomasë, Partoromi, Matio, inapita yaꞌhuërapi. Aꞌnantaꞌ Santiaco. Arpio huiꞌnin inasoꞌ. Aꞌna Simontaꞌ yaꞌhuërin. Inasoꞌ copirno noꞌhuinaꞌpiroꞌsaꞌ imapirinhuëꞌ, inantaꞌ Quisoso imarin. Aꞌna Cotasëntaꞌ yaꞌhuërin. Santiaco huiꞌnin inasoꞌ.

Hechos 1:13 ပူးပေါင်းရင်းမြစ်များ

Mateo 9:9

Ina quëran Quisoso paantarahuaton, Matio quënanconin. Coriqui Noma copirno marëꞌ maꞌpatërinquë huënsëarin. Quisosori itapon: —Huëquëꞌ iyasha imaco, itërin. Itohuachina, aꞌnaroáchin huanirahuaton, imarin.

Marcos 14:15

Napotohuatamaꞌ, panca patoana inápaquë nininsoꞌ aꞌnotarinquëmaꞌ. Inaquë misa, huënsënan, inapita yaꞌhuërarin coshatacaso marëꞌ. Nani taparin huachi. Inaquë cosharoꞌ nicoꞌ canpoaꞌ capacaso marëꞌ, itërin.

Marcos 14:33

Pitro, Santiaco, Coansha, inapitaíchin amashamiachin quëparin. Naporoꞌ sëtaton, co napion cancantërin.

Marcos 2:14

Ina quëran naꞌhuëpon pochin, Nihui quënanconin. Arpio huiꞌnin inasoꞌ. (Matio itopi antaꞌ.) Coriqui Noma copirno marëꞌ maꞌpatërinquë huënsëarin. Quisosori itapon: —Huëquëꞌ iyasha imaco, itërin. Itohuachina, huanirahuaton Quisoso imasarin huachi.

Marcos 5:37

“Ama aꞌnapitasoꞌ huëꞌinasohuëꞌ,” topachina, Pitro, Santiaco, Coansha, inapitaráchin paꞌpi. Coanshasoꞌ Santiaco iin.

Marcos 9:2

Saota tahuëri quëran Quisoso motopiquë paꞌnin. Pitro, Santiaco, Coansha, inapitaráchin quëparin. Inapita nicasoiꞌ, nisha pochin yaꞌnorin.

Lucas 22:12

Napotohuatamaꞌ, panca patoana aꞌnotarinquëmaꞌ, inápaquë nininsoꞌ. Misa, huënsënan, inapita nani yaꞌhuërarin. Inaquë cosharoꞌ tapacoꞌ canpoaꞌ capaquëhuaquë, itërin Quisosori.

Juan 11:16

—Huëcoꞌ iyaroꞌsaꞌ paꞌahuaꞌ canpoantaꞌ inarëꞌquënpoaꞌ chiminacaso marëꞌ, itërincoi Tomasë, catopiaꞌhua nininsoꞌ.

Juan 14:22

—¿Onpoatontaꞌ Sinioro, quiyariachin noyá nohuitarainquën? ¿Co yaꞌipi piyapiꞌsaꞌ nohuitarinënquënhuëꞌ ti? itërin Cotasëri. Aꞌna Cotasë inasoꞌ. Co Cotasë Iscariotihuëꞌ.

Juan 18:17

Pitro yaꞌconpachina, sanapiri itërin: —Quëmantaꞌ mini Quisoso imaran, itërin. —Coꞌchi casoꞌ imarahuë paya, itërin Pitrori.

Juan 21:2

Inaquë canchisë yaꞌpicoi nisarai. Aꞌnasoꞌ Simon Pitro. Aꞌnantaꞌ Tomasë, catopiaꞌhua itopisoꞌ. Aꞌnantaꞌ Natanino, Canaquë yaꞌhuërinsoꞌ. Sipitio huiꞌninpitacointaꞌ yaꞌhuërai. Aꞌnapitantaꞌ Quisoso caꞌtanpisopita, catoyaꞌpi, inapitaroꞌcoi canchisëcoi yaꞌhuërai.

Hechos 12:17

Inaso nipirinhuëꞌ imirin quëran anquitërin ama noncarocaiso marëhuëꞌ. —Sinioro chachin anquëninën aꞌpatimarinco. Tashinan pëi quëran ocoirinco. Iya Santiaco shaꞌhuitoncoꞌ nitochin. Yaꞌipi imapisopitantaꞌ shaꞌhuitocoꞌ, itërin. Ina quëran aꞌna parti paꞌnin.

Hechos 15:13

Nani nontohuachina, Santiacontaꞌ tapon: —Natanco iyaroꞌsaꞌ.

Hechos 2:14

Shonca catoꞌ caꞌtanoꞌsaso nipirinhuëꞌ, co tëꞌhuatonaraihuëꞌ huanipi. Pitrosoꞌ aꞌninquëchin huanirahuaton, chiníquën nontërin yaꞌipi piyapiꞌsaꞌ natanacaiso marëꞌ. “Noya natanco iyaroꞌsaꞌ. Yaꞌipima Quirosarinquë yaꞌhuëramasopitantaꞌ natanco onporaisona noꞌtëquën shaꞌhuichinquëmaꞌ.

Hechos 2:38

Napotohuachinara, Pitrori itaantarin: —Yaꞌipi co noyahuëꞌ yonquiramasopita naniantatomaꞌ, Yosë chachin tahuërëtantacoꞌ. “Quisocristo imarahuë,” taꞌtomaꞌ, aporihuancoꞌ. Ina imapatamaꞌ, Yosë oshanëmaꞌ inquitarinquëmaꞌ. Ina quëran Ispirito Santo ayaꞌcoancantarinquëmaꞌ canpitantaꞌ.

Hechos 20:8

Inapa pëꞌsatëꞌ pëiquë niyontonai. Inaquë naꞌa nanparin orotarin.

Hechos 4:13

Ina natanahuatonaꞌ, cotio huaꞌanoꞌsaꞌ ninontopi. “Isopitasoꞌ topinan piyapiꞌsaꞌ. Co maistroꞌsahuëꞌ. Co naꞌcon quirica nitotaponaraihuëꞌ, co tëꞌhuatërinënpoahuëꞌ. Maꞌpitacha nitotopi paya. Quisoso caꞌtanpi niꞌton, ina pochin cancantopi,” nitopi.

Hechos 4:19

Napotopirinahuëꞌ, Pitro Coansharë chachin co yanatëtopihuëꞌ. —Yosë natëtoi, co nanitëraihuëꞌ canpita natëcaꞌhuainquëmasoꞌ. Co quiyasoꞌ nanitëraihuëꞌ taꞌtahuaisoꞌ. Niꞌnaisoꞌ shaꞌhuirápoi. Natanaisontaꞌ shaꞌhuirápoi. “Co Yosë natëcasoꞌ yaꞌhuërinhuëꞌ,” ¿tënamaꞌ ti? itopi.

1 Corintios 15:7

Santiacontaꞌ yaꞌnotërin. Naporahuaton, yaꞌipi aꞌchinacaso marëꞌ acorinsopita yaꞌnotaantarin. Ina quëran inápaquë panantarin.

Gálatas 1:19

Naporoꞌ Santiacontaꞌ nohuitërahuë. Quisocristo iin inasoꞌ. Inapitasáchin nontërahuë. Aꞌnapita caꞌtanoꞌsasoꞌ co niꞌnahuëꞌ.

Gálatas 2:9

Santiaco, Pitro, Coansha, inapitasoꞌ chini chiníquën nanantopi niꞌton, shaꞌhuitërinacoi. “Yosë naꞌcon catahuarinquën. Ina acorinquën nisha piyapiꞌsaꞌ aꞌchintacaso marëꞌ,” taꞌtonaꞌ, sëꞌquërinaco. Pirnapintaꞌ sëꞌquëpi. “Canpitasoꞌ nisha piyapiꞌsaꞌ aꞌchintocoꞌ. Quiyaso nipirinhuëꞌ cotioroꞌsaꞌ aꞌchintarai,” itohuachinacoira, “Noyahuaꞌ,” itërai.

Santiago 1:1

Ca Santiacoco ninshitaranquëmaꞌ, niꞌcoꞌ. ¿Noya canpitantaꞌ yaꞌhuaramaꞌ? Cantaꞌ isëquë noya yaꞌhuarahuë. Tata Yosë huaꞌanëntërinco niꞌton, Sinioro Quisocristoíchin natërahuë. Yaꞌipi cotioroꞌsanquëmaꞌ Quisocristo imaramasoꞌ ninshitaranquëmaꞌ. Canpitasoꞌ yanquëërahuatomaꞌ, nisha nisha parti yaꞌhuaramaꞌ. Yaꞌipi Yosë piyapinënpitanquëmaꞌ ninamasoꞌ ninshitaranquëmaꞌ.

2 Juan 1:1

Ca ansianoco iso quirica ninshitaranquëmaꞌ ¿Noya canpitantaꞌ yaꞌhuaramaꞌ? Cantaꞌ noya isëquë yaꞌhuarahuë. Yosë nohuanton, canpitantaꞌ huëntonënquë nani yaꞌconamaꞌ. Noꞌtën nanan imaramaꞌ niꞌton, tëhuënchachin nosororanquëmaꞌ. Yaꞌipi Quisoso imapisopita noya nicatënënquëmaꞌ, nosororinënquëmaꞌ. Yaꞌipinquëmaꞌ yonquiatënquëmaꞌ, ninshitaranquëmaꞌ.

Judas 1:1

Ca Cotasëco ninshitaranquëmaꞌ. Santiaco iinco casoꞌ. ¿Noyanquëmaꞌ canpitantaꞌ? Cantaꞌ noya yaꞌhuarahuë. Quisocristoíchin natërahuë. Ina acorinco pënëntaꞌhuaso marëꞌ. Quisocristo imaramasopita ninshitaranquëmaꞌ. Tata Yosë nohuanton, imaramaꞌ. Inasoꞌ naꞌcon nosororinquëmaꞌ. Quisocristo imaramaꞌ niꞌton, nóya aꞌpaiarinquëmaꞌ, nichaꞌësarinquëmaꞌ.