Hebreos 9:3 - Chayahuita (Shahui)

³ Nëmëtëquë patonpisoꞌ aquëtëꞌ, aꞌna patoanantaꞌ yaꞌhuërin, noya noya patoana itopisoꞌ.

Hebreos 9:3 ပူးပေါင်းရင်းမြစ်များ

1 Reyes 6:16

Yosë chinotacaso pëi acoana, patoana nitopi. Iscon mitro naporopitërinsoꞌ. (Pancanatërinsonta nápo chachin.) Noꞌpa quëran huarëꞌ huicaꞌpaꞌ icaninsoꞌ, nonara nontë quëran pairatopi. Noya noya patoana nicacaso marëꞌ inapotopi.

1 Reyes 8:6

Ina quëran corto huaꞌanoꞌsari Yosë chinotacaso pëi acoana poꞌmoontapi. Noya noya patoana itopiquë poꞌmorahuatonaꞌ, quiropinoꞌsa anpiantëna quëran anquipisoanaquë acoonpi.

Mateo 27:51

Naporoꞌ Yosë chinotopiso pëiquë tanontën nëꞌmëtëꞌ patonpisoꞌ noshatërin. Inaora noshataton, catotë huarëꞌ ninin. Inapa quëran noꞌpaquë huarëꞌ noshatomarin. Naporahuaton, panca ocohua paꞌnin. Naꞌpiroꞌsaꞌ inaora nopaatërin.

Hebreos 6:19

Niꞌcoꞌ. Nanchaquë paꞌpachinara, aꞌna tahuëri panca ihuan nacapipi. Chiníquën coꞌsacaitërin. Naporoꞌ huaꞌna quëquën nininsoꞌ aꞌsonahuatonaꞌ, tëꞌyaitopi. Acopoiꞌ noꞌpaquë niꞌtoromahuachina, sano yanponin. Co coꞌsacairi tërantaꞌ chiꞌhuincarinhuëꞌ. Inapochachin canpoantaꞌ aꞌna tahuëri maꞌsha onporëhuaꞌ, parisitërëhuaꞌ, sëtërëhuaꞌ, naporëhuaꞌ. Inapohuatëhuaꞌ, Yosë yonquiaꞌahuaꞌ. “Inasoꞌ noꞌtëquën nontërinpoaꞌ. Nichaꞌësarinpoaꞌ. Co onporontaꞌ naniantarinpoahuëꞌ,” topatëhuaꞌ, sano cancantarihuaꞌ. Yosësoꞌ co quënanarihuarahuëꞌ, inápaquë yaꞌhuárin. Ina yonquiatëhuaꞌ, ninarëhuaꞌ.

Hebreos 9:7

Noya noya patoanaquëso nipirinhuëꞌ, co yaꞌipi yaꞌconpihuëꞌ. Aꞌnaíchin chini chiníquën nanantërinsoáchin yaꞌconin. Co ina tërantaꞌ nani tahuëri yaꞌconinhuëꞌ. Nani piꞌipiquë aꞌna tahuëriáchin yaꞌconahuaton, maꞌsha huënainën quëparin. Inaora oshanën marëꞌ quëparin. Naporahuaton, piyapiꞌsaꞌ co yonquiatonahuë oshahuanpiso marëntaꞌ quëparin.

Hebreos 9:8

Aꞌnapita piyapiꞌsasoꞌ co onporontaꞌ inaquë yaꞌconpihuëꞌ. Ina yonquihuatëhuaꞌ, Ispirito Santo anitotërinpoaꞌ. Iráca anoyatërinsoꞌ imapachinaꞌ, piyapiꞌsaꞌ co nanitopihuëꞌ Yosë nohuitacaisoꞌ, tënëhuaꞌ.