Hebreos 9:1 - Chayahuita (Shahui)

¹ Iráca anoyatërinso shaꞌhuitohuachina, Moisësë nani maꞌsha shaꞌhuitërin onporahuatonsona Yosë chinotacaiso marëꞌ. Ina marëꞌ chinotopiso pëiꞌ nipi.

Hebreos 9:1 ပူးပေါင်းရင်းမြစ်များ

Lucas 1:6

Cato chachin noya Yosë imapi. Yaꞌipi pënëntërinsoꞌ noꞌtëquën natëpi.

Romanos 9:4

Piyapinënpita nicacaiso marëꞌ Yosëri acorin. Israiro shinpita nipi. Iráca quëran huarëꞌ Yosëri nohuantërin niꞌton, huiꞌninpita pochin nicacaiso marëꞌ acorin. Huënaráchin huënaráchin aꞌpintohuachina, shimashonënpitari quënanpi. Iráca chachin piyapinënpita nicacaiso marëꞌ inapitarëꞌ anoyatërin. Naporahuaton, pënëntërinso nanan shaꞌhuitërin. Noya chinotacaiso marëntaꞌ aꞌchintërin. Naꞌcon shaꞌhuitërin nichaꞌëcaso marëꞌ.

Colosenses 2:8

Aꞌnaquënso nipirinhuëꞌ nisha aꞌchinpi. Niꞌcona oshaquëran anishacancantochinquëmaꞌ. Nonpin nanan inahuara yonquipisoꞌ aꞌchinapi. Piyapiꞌsaꞌ yonquipisoráchin imasapi. Quisocristo aꞌchininsoꞌ co imapihuëꞌ. Nisha nisha isoroꞌpaquë chiníquën nanantopisopita yonquiatonaꞌ, nisha pënëntapi. Yaocoirinënquëmaꞌ. Canpitaso nipirinhuëꞌ ama inapita natëcosohuëꞌ.

Hebreos 8:13

Nasha quëran anoyatërinso quëtërinpoa. Inasoꞌ iráca yaꞌhuërinsoꞌ yaꞌhuërëtërin. Napoaton iráca anoyatërinsosoꞌ naniantacasoꞌ yaꞌhuërin. Co huachi ina imacasoꞌ yaꞌhuërinhuëꞌ.

Hebreos 8:2

Iráca cotioroꞌsaꞌ chinotopiso pëiꞌ nipi Yosë chinotacaiso marëꞌ. Inápaquë yaꞌhuërinso chachin nonanpi. Inaquë corto huaꞌanoꞌsari piyapiꞌsa marëꞌ Yosë nontopi. Quisocristoso nipirinhuëꞌ inápaquë Yosëri acorinquë chachin canpoa marëꞌ ina nontárin. Inaquësoꞌ noya noya catahuarinpoaꞌ.

Hebreos 8:7

Iráca anoyatërinso natërëhua quëran noyápiachin cancantërëhuaꞌ naporini, co nasha quëran anoyatacaso yaꞌhuëitonhuëꞌ.

Hebreos 9:24

Iráca chinotopiso pëiꞌ, piyapiꞌsari ninin. Quisocristosoꞌ, co inaquë yaꞌconinhuëꞌ. Yosë yaꞌhuërinquë chachin pantarahuaton, canpoa marëꞌ Yosë nontárin. “Oshanënaꞌ inquitaꞌhuaso marëꞌ nani chiminahuë,” taꞌton, nontárin.