Hebreos 7:2 - Chayahuita (Shahui)

² Nani nontohuachina, Apraani nani maꞌsha canarin quëran diesmo Yosë marëꞌ acorinsoꞌ quëtërin. Miriquisosoꞌ nóya huaꞌan. Nininën chachin “huaꞌan noya nicacasoꞌ yonquirinsoꞌ” tapon naporin. Naporahuaton, Sarimo huaꞌan niꞌton, “huaꞌan sano cancantërinsoꞌ” tapon naporin.

Hebreos 7:2 ပူးပေါင်းရင်းမြစ်များ

Génesis 28:22

Iso naꞌpi onë pochin ahuanirahuësontaꞌ, quëma pëinën nisarin. Naporahuaton, yaꞌipi quëtëranco quëran, piꞌpian quëtáponquën. Shonca canahuato aꞌnara quëchinquën,” itërin.

2 Samuel 23:3

Israiroꞌsanpoa chinotërëhuasoꞌ, nontërinco. Yápaꞌpoyarinpoaso naporin: ‘Insosona copirno yaꞌconpachin, noyasáchin nicaton camaitapon. Ca tëꞌhuatatonco natëincoso yaꞌhuërin.

Salmos 72:7

Ina huaꞌanëntasoꞌ, sano yaꞌhuëatoi noꞌtëquën yonquiꞌi. Yoqui taꞌhuantomiataquë huarëꞌ, inapo yaꞌhuëchi.

Miqueas 5:5

Ina nohuanton yaꞌipi parti sano yaꞌhuarihua huachi. Naporoꞌ asiriaroꞌsa huëcapairahuatënënpoaꞌ, noyápiachin pëinënpoapitaquë yaꞌcontaponënpoaꞌ. Inapotohuachinënpoa canpoantaꞌ, nanirinso chachin huaꞌanoꞌsaꞌ, sontaroꞌsaꞌ, inapita aꞌpatarihuaꞌ. Asiriaroꞌsa ahuëcaiso marëꞌ napoarihuaꞌ. Inapitari asiriaroꞌsa minsërahuatona nichaꞌësarinpoaꞌ. Naporoꞌ huaꞌanoꞌsa aꞌparëhuasopitasoꞌ, inatohua huaꞌanëntaponaꞌ. Ina noꞌpa chachin Nimorotontaꞌ, iráca huaꞌanëntërin.

Mateo 1:23

“Aꞌna tahuëri nanon inaora cayoapon. Co quëmapiri sëꞌhuapirinhuëꞌ, napoapon. Quëmapiaꞌhuaya huaihuachin, Imanino itapi,” tënin. Yosë chachin oꞌmaton, yacaparinpoaꞌ, tapon naporin. Ina pochin nasitimahuachina, iráca ninopisoꞌ nanirin huachi.

Lucas 2:14

“¡Ma noyacha Yosëso paya! Inápaquë yaꞌhuaponahuëꞌ, piyapinquëmaꞌ yonquirinquëmaꞌ. Cancantatoma ina yanatëramasopitasoꞌ sano cancantaramaꞌ,” itopi anquëniroꞌsari.

Romanos 3:26

Iporaso huachi Quisocristo chachin aꞌpaimarin yaꞌhuërënamënpoaꞌ chiminacaso marëꞌ. “Quisocristo oshanënpoa marëꞌ chiminin,” topatëhuaꞌ, oshanënpoaꞌ inquitarinpoaꞌ. Noyápiachin cancan quëtarinpoaꞌ. Ina imapatëhuaꞌ, Yosë noya niꞌsarinpoaꞌ. Co canpoantaꞌ anaꞌintarinpoahuëꞌ.

Hebreos 7:1

Miriquisosoꞌ iráca yaꞌhuërin. Co cotio piyapihuëꞌ niponahuëꞌ, noya Yosë imarin. Sarimoquë yaꞌhuëpisopita huaꞌanëntërin. Naporahuaton, Yosë nohuanton, corto huaꞌan yaꞌconin. Piyapi marëꞌ Tata Yosë nontërin. Iráca Apraani nohuitërin. Inimico copirnoroꞌsaꞌ minsërahuaton, oꞌmantahuachina, Miriquisori nacapirin. Nacapirahuaton, Apraan noya nontërin. Ina quëran corto huaꞌan niꞌton, Yosë nontërin Apraan noya noya yaꞌhuëcaso marëꞌ.

Hebreos 7:3

Aꞌshin, paꞌpin, shimashonënpita, inapita co nohuitërëhuahuëꞌ. Onporosona nasitërinsoꞌ, onpo piꞌipi quëransona chimininsoꞌ, inapita co nitotërëhuahuëꞌ. Co Yosë quiricanën quëran shaꞌhuitërinpoahuëꞌ. Piyapi marëꞌ Yosë nontárin. Co Yosëri ocoirinhuëꞌ niꞌton, piꞌpian Yosë huiꞌnin pochin niꞌnin. Nanpiárin pochin cancantërëhuaꞌ.

1 Samuel 8:15

Shaꞌtëramasopita nitërinsonta shonca costaro quëran aꞌna costarora mataponquëmaꞌ. Inapita huaꞌanoꞌsa quëtacaso marëꞌ mataponquëmaꞌ.