Hebreos 6:7 - Chayahuita (Shahui)

⁷ Niꞌcoꞌ. Yaꞌpirin shaꞌpatëra, oꞌnan yaꞌhuëhuachina, papotërin. Huaꞌanënsoꞌ inaquë sacatarin. Noya nitohuachina, noya cancantërin. “Yosë nohuanton, noya papotërin,” tënin.

Hebreos 6:7 ပူးပေါင်းရင်းမြစ်များ

Génesis 1:11

Yosë taantarin: “¡Nisha nisha sharoꞌsa papoinaꞌ! Nisha nisha panpatororoꞌsanta nisha nisha yaꞌpirihuanpisoꞌ, papoinaꞌ. ¡Nisha nisha nararoꞌsanta nisha nisha nitopisopita noꞌpaquë papoinaꞌ!” tënin. Topachina, inachachin yaꞌhuërin huachi.

Génesis 27:27

Cacopori paꞌpin apinocaso marëꞌ yaꞌcaritohuachina, Isacori aꞌmorinso huëꞌëropinën imërin. Naporoꞌ noya yaꞌhuëcaso marëꞌ iso pochin shaꞌhuitërin: “Naporin taꞌa, ina pochin mini huëꞌëropitëran. Siniorori catahuahuachina imin noya noyatërin. Napohuachina pimoanahuaninso pochin quëmanta huëꞌëropitëran.

Salmos 126:6

Shaꞌtamarëꞌ yaꞌpirin quëpatëhua naꞌnëpirëhuahuëꞌ, capa cancantatëhua cantarëꞌnachin huënantarihuaꞌ. Trico tonporoꞌsa ipo ipotahuatëhuaꞌ, huënantarihuaꞌ.

Isaías 44:3

Ca nohuanton inotëroquë naꞌcon iꞌ yaꞌhuëapon. Yaniroquëntaꞌ, iꞌshanaroꞌsa yaꞌhuëapon. Canpita quëran pipipisopitanta ispiritonëhuë ayaꞌcoancantarahuë. Inapotahuato naꞌcon catahuaarahuë.

Ezequiel 34:26

Huaꞌanëntaꞌhuaso marëꞌ motopi acorahuësoꞌ tahuirinquë, ohuicanëhuëpita acoarahuë. Cari chachin catahuaarahuë niꞌton, nohuantasoi chachin oꞌnan yaꞌhuëtaponaꞌ.

Malaquías 3:10

Nani maꞌsha yaꞌhuëtërinquëma quëran diesmo ocoirahuatomaꞌ, chinotëramacoso pëiquë quëcoꞌ. Inaquë maꞌsha tapatërinacosopita yaꞌhuërin niꞌton, quëcoꞌ. Inapohuatamaꞌ, corto huaꞌanoꞌsaꞌ, Nihuiroꞌsaꞌ, inapita cosharo yaꞌhuëtapi. Inta inapoatoma tënirico. Napohuatamaꞌ, noya noya catahuararanquëmaꞌ. Piꞌiroꞌtë huintananënpita iꞌsoatahuato, notohuaroꞌ maꞌsha noya nininsopita aꞌpatimatë pochin nitaranquëmaꞌ.

Mateo 7:8

Tëhuënchachin maꞌsha nitohuatamaꞌ, quëtarinquëmaꞌ. Huaꞌquiꞌ maꞌsha yonípatamaꞌ, quënanaramaꞌ. Yaꞌcoana piꞌnirëso pochin nipatamaꞌ, iꞌsoatarinquëmaꞌ.

2 Timoteo 2:6

Iminquë chiníquën sacatërinso pochin Yosë marëꞌ chiníquën sacatacasoꞌ yaꞌhuërin. Shaꞌtonaꞌpi noya sacatohuachina, cosharoꞌ yaꞌhuëtërin. Cayahuachina, inariꞌton manin.

Santiago 5:7

Napoaton iyaroꞌsaꞌ aparisitohuachinënquëmaꞌ, noya ahuantocoꞌ. Aꞌna tahuëri Sinioro oꞌmantararin. Naporoꞌ yaꞌipiya noꞌtëquën anaꞌintarin. Niꞌcoꞌ. Shaꞌtohuatëra, co aꞌnaroáchin manëhuëꞌ. Oꞌnanpachina, oshaquëran papotarin. Oꞌnaantahuachina, cayarin. “Oshaquëran cayahuachin, mapatëhuaꞌ caꞌsarëhuaꞌ,” taꞌton huaꞌanëni ninararin.