Hebreos 6:5 - Chayahuita (Shahui)

⁵ Yosë nanamën noya natanpi. Yosë chiníquën nanantaton catahuarinsontaꞌ nicaponaraihuëꞌ,

Hebreos 6:5 ပူးပေါင်းရင်းမြစ်များ

Salmos 34:8

Siniorosoꞌ nóya. Tënitoma nitotoco canpitantaꞌ. Ina natëtona chinotopisopitasoꞌ, ¡tëhuënchachin capa cancanchinaꞌ!

Mateo 12:32

Casoꞌ Yosë quëran quëmapico nipirahuë pinopatamaco, ina marëꞌ oshahuanpiramahuëꞌ, oshanëma marëꞌ sëtohuatamaꞌ, inquitarinquëmaꞌ. Nipirinhuëꞌ, Ispirito Santo pinopatamaꞌ, co oshanëmaꞌ inquitarinquëmahuëꞌ. Co onporontaꞌ inquitarinquëmahuëꞌ,” itërin Quisosori.

Marcos 6:20

Irotisërisoꞌ Coansha noya natanin. “Nóya quëmapi inasoꞌ. Co oshahuanhuëꞌ,” taꞌton, co nohuantërinhuëꞌ atëpatacasoꞌ. Coanshari pënënpachina, nisha nisha yonquiaponahuëꞌ, noya natanin.

Lucas 8:13

Aꞌnaquëontaꞌ naꞌpiro pochin nipi. Yosë nanamën natanahuatonaꞌ, aꞌnaroáchin paꞌyatatonaꞌ, natëpirinahuëꞌ. Co chiníquën cancantatonahuëꞌ, co natëmiatopihuëꞌ. Maꞌsha onpohuachinara, Yosë aꞌpopi.

Efesios 6:17

Sontaroꞌsaꞌ co casco huaꞌna quëran nininsoꞌ yancopihuëꞌ naporini, aꞌnaroáchin inimiconënpitari motën acochitonahuëꞌ. Inapochachin canpoantaꞌ co Yosë anoyacancantërinpoahuëꞌ naporini, co chaꞌëitërihuahuëꞌ. Yosë quiricanëntaꞌ yaꞌhuëtërinpoaꞌ. Ispirito Santo nohuanton, ninshitërinënpoaꞌ sopai minsëcaso marëꞌ. Napoaton nani tahuëri ina nontatomaꞌ, yonquicoꞌ. Sontaroꞌsari sahuëninëna quëran inimico minsëpi. Inapochachin canpoantaꞌ Yosë quiricanën quëran sopai minsëarihuaꞌ.

Hebreos 11:3

“Yosë noꞌtëquën nontërinpoaꞌ,” taꞌtëhuaꞌ, natërëhuaꞌ. Inaora yonquinën quëran yaꞌipi isoroꞌpaꞌ acorin. Co mantaꞌ yaꞌhuëpirinhuëꞌ, “Yaꞌhuëꞌin,” topachina, maꞌsha yaꞌhuërin. Yaꞌipi niꞌnëhuasopita co inaora yaꞌhuërinhuëꞌ. Yosëri nininsoꞌ. Quiricanën quëran anitotërinpoaꞌ.

Hebreos 2:5

Iráca quëran huarëꞌ Yosë yonquihuachinpoara, co nohuantërinhuëꞌ anquëniroꞌsaꞌ huaꞌanëntinpoasoꞌ. Aꞌna tahuëri nasharoꞌpaꞌ nipachin, co inapita huaꞌanëntarinënpoahuëꞌ. Ina shaꞌhuitaranquëmaꞌ.

Hebreos 4:12

Yosë nanamën chiníquën nanantërin. Yosë nanpiárin niꞌton, ipora huantaꞌ quiricanën quëran nontarinpoaꞌ. Noya natëhuatëhuaꞌ, nanamën quëran chachin catahuarinpoaꞌ noya noya imacaso marëꞌ. Coꞌsoꞌ natëhuatëhuahuëꞌ, aquë aquëtëꞌ co noyahuëꞌ cancantarihuaꞌ. Sahuëni cato quëran chachin toꞌnahuatëra, inëshin niꞌton, niahuëpatëra, aꞌnaroáchin nansë acopoquë huarëꞌ nipëꞌsharëꞌ. Inapochachin Yosë nanamënsoꞌ chini chiníquën yaꞌcoancantërinpoaꞌ. Ina yonquihuatëhuaꞌ, noꞌtëquën nitotarihuaꞌ. Yaꞌipi yonquirëhuaso chachin anitotërinpoaꞌ. Yonquinënpoaquë maꞌmarësona naporëhuasopitantaꞌ anitotarinpoaꞌ.

1 Pedro 1:25

Sinioro nanamënso nipirinhuëꞌ, yaꞌhuëmiatarin,” tënin Yosë quiricanënquë. Ina nanan chachin nani aꞌchintërainquëmaꞌ.

1 Pedro 2:3

“Siniorosoꞌ noya,” taꞌtomaꞌ, nani imaramaꞌ. Cosharoꞌ piꞌnirëso pochin piꞌpian nohuitëramaꞌ. Naꞌcon naꞌcon ina nohuitocoꞌ.

2 Pedro 2:20

Quisocristo nanamën natanpachinara, natëpirinahuëꞌ. “Chaꞌësarahuë huachi,” taꞌtonaꞌ, co noyahuëꞌ yonquirinsopita piꞌpian naniantopi. Ina quëran nisha cancantatonaꞌ, Yosë aꞌpoantapi. Co noyahuëꞌ niantahuachinara, sopairi minsërin. Ina marëꞌ naꞌcon naꞌcon Yosëri anaꞌintarin huachi.