Hebreos 6:16 - Chayahuita (Shahui)

¹⁶ Co piyapi yanatëhuachinpoarahuëꞌ, “Yosë niꞌsárinco, noꞌtëquën nontaranquën,” tënëhuaꞌ. Ina pochin nontohuatëhuaꞌ, natërinënpoaꞌ. “Noꞌtëquën nontërinpoaꞌ,” topi.

Hebreos 6:16 ပူးပေါင်းရင်းမြစ်များ

Génesis 14:22

Napotopirinhuëꞌ, Apranisoꞌ itapon: —Yosë chini chiníquën nanantaton, piꞌiroꞌtëꞌ, isoroꞌpaꞌ, inapita acorin. Ina niꞌsárinco niꞌton, co piꞌshi tërantaꞌ, co sapatë nonin tëranta caora marëꞌ macapohuëꞌ: “Cari, Apran amaꞌhuanahuë.” Ama tëcamaso marëhuëꞌ, co macapohuëꞌ.

Génesis 21:23

Napoaton isëquë chachin Yoscoarëꞌ taꞌton shaꞌhuitoco: Ama huiꞌnahuëpita, shihuëpita, ama ca tërantaꞌ, maꞌsha onpotancoso marëhuëꞌ, shaꞌhuitoco. Carinquënso nosoroatënquën co maꞌsha onpotëranquënhuëꞌ. Inapochachin quëmanta noya niꞌcoi. Aꞌnapita yaꞌhuëhuanoꞌsantaꞌ, noya niꞌcamaso marëꞌ Yoscoarëꞌ taꞌton shaꞌhuitoco, itërin.

Génesis 21:24

Napotohuachina Apraan tapon: —Yoscoarëꞌ co maꞌsha onpotaranquëmahuëꞌ, itërin.

Génesis 31:53

Canpo capini nanan yaꞌhuëhuachin, Yosë chachin anitochinpoꞌ, inquënposona tëhuërësoꞌ. Ina Yosë chachin quëmaquën tata masho Apraan, chinotërin. Caquën tata masho Nacoronta chinotërin. Inquënposo tëhuëhuatëꞌ, ina chachin anaꞌinchinpoꞌ, itërin. Napotohuachina, Cacoposoꞌ: “Caquën tata chinotërinso niꞌsárinco niꞌton, co napoarahuëꞌ,” tënin.

Gálatas 3:15

Niꞌcochi iyaroꞌsaꞌ. Iso pochin shaꞌhuichinquëmaꞌ yonquicamaso marëꞌ. Maꞌsha mapatëra, quirica quëtërinënpoꞌ. Quëtohuachinënpora, huaꞌani nininën acorahuaton, huiꞌsharin. Ina quëran co insontaꞌ nanitërinhuëꞌ canpiacasoꞌ. Co aquëtëꞌ ninshitacasoꞌ yaꞌhuërinhuëꞌ. Naporahuaton, co tapicasoꞌ yaꞌhuërinhuëꞌ. Yaꞌnan ninshitërinsoráchin yaꞌhuëmiatarin.

Hebreos 6:13

Apraan yonquicoꞌ. Iráca Yosëri itërin: “Casoꞌ Yosëco niꞌto, noꞌtëquën nontëranquën. Quëma naꞌcon catahuaaranquën. Ca nohuanto, aꞌna tahuëri huiꞌnan yaꞌhuëtarinquën. Naporahuaton, oshaquëran notohuaroꞌ shiparinpitantaꞌ yaꞌhuëtarinquën,” itërin. Yosësoꞌ chini chiníquën nanantërin. Co aꞌnaꞌ yaꞌhuërinhuëꞌ ina quëran chini chiníquën nanantërinsoꞌ. Napoaton: “Casoꞌ Yosëco niꞌto, noꞌtëquën nontëranquën,” itërin.