Hebreos 6:13 - Chayahuita (Shahui)

^13-14 Apraan yonquicoꞌ. Iráca Yosëri itërin: “Casoꞌ Yosëco niꞌto, noꞌtëquën nontëranquën. Quëma naꞌcon catahuaaranquën. Ca nohuanto, aꞌna tahuëri huiꞌnan yaꞌhuëtarinquën. Naporahuaton, oshaquëran notohuaroꞌ shiparinpitantaꞌ yaꞌhuëtarinquën,” itërin. Yosësoꞌ chini chiníquën nanantërin. Co aꞌnaꞌ yaꞌhuërinhuëꞌ ina quëran chini chiníquën nanantërinsoꞌ. Napoaton: “Casoꞌ Yosëco niꞌto, noꞌtëquën nontëranquën,” itërin.

Hebreos 6:13 ပူးပေါင်းရင်းမြစ်များ

Éxodo 32:13

Piyapinënpita: Apraan, Isaco, Cacopo, inapita yonquiaton shinpita nosoroquëꞌ. ‘Caso Yosëco niꞌto, catahuaranquëmaꞌ. Shiparimapita tayora nápo naꞌapon. Iso noꞌpa chachin inapitari huaꞌanëntomiataponaꞌ,’ itëran. Ina yonquiquëꞌ,” itërin.

Isaías 45:23

Caso Yosëco niꞌto, nani shaꞌhuirahuë yaꞌipi inimiconëhuëpita minsëcaꞌhuasoꞌ. Nani shaꞌhuirahuë niꞌton, napoarahuë. Aꞌna tahuëri yaꞌipi piyapiꞌsa isonatona chinotarinaco. ‘Quëmasáchin Yosënquën,’ itatonaco chinotarinaco. Inapotatonaco: ‘Sinioroíchin noꞌtëquën yonquirin. Inaíchin chini chiníquën nanantërin,’ taponaꞌ. Yaꞌipi noꞌhuirinacosopitasoꞌ, taparo nicaponaꞌ.

Miqueas 7:20

Shimashonëhuëpita Apraan, Cacopo, inapita shaꞌhuitëran: ‘Shiparimapita nosoromiatato, co aꞌpoarahuëꞌ,’ itëran iráca. ¡Napotëranso chachin nicaton, nosorocoi!” itërahuë.

Lucas 1:73

Tata masho Apraan shaꞌhuitërinsoꞌ yonquirárin.

Gálatas 3:15

Niꞌcochi iyaroꞌsaꞌ. Iso pochin shaꞌhuichinquëmaꞌ yonquicamaso marëꞌ. Maꞌsha mapatëra, quirica quëtërinënpoꞌ. Quëtohuachinënpora, huaꞌani nininën acorahuaton, huiꞌsharin. Ina quëran co insontaꞌ nanitërinhuëꞌ canpiacasoꞌ. Co aquëtëꞌ ninshitacasoꞌ yaꞌhuërinhuëꞌ. Naporahuaton, co tapicasoꞌ yaꞌhuërinhuëꞌ. Yaꞌnan ninshitërinsoráchin yaꞌhuëmiatarin.

Gálatas 3:18

Iráca Yosëri shaꞌhuitërin. “Caora nohuanto, piyapiꞌsaꞌ nichaꞌësarahuë,” itërin. Iráca pënëntërinsoꞌ natëtëꞌ chaꞌëcasoꞌ yaꞌhuërin naporini, co inaora nohuanton Yosë nichaꞌëitonpoahuëꞌ.

Deuteronomio 1:8

Nani yaꞌipi ina noꞌpaꞌ carinquëma quëtëranquëma huaꞌanëntamaso marëꞌ. Napoaton paꞌsahuatomaꞌ, ina noꞌpaꞌ máco huachi. Iráca shimashonëmapita Apraan, Isaco, Cacopo, inapita nani shaꞌhuitërahuë: ‘Caso Sinioroco niꞌto, quëtaranquëmaꞌ, itërahuë,’ itërinpoaꞌ,” tënin Moisësë.