Hebreos 5:6 - Chayahuita (Shahui)

⁶ Ina quëran quiricanën quëran itaantarin: “Naꞌa corto huaꞌanoꞌsaꞌ yaꞌconpirinahuëꞌ, quëmasoꞌ noya noya acoaranquën. Yaꞌipi piyapiꞌsa marëꞌ nontaranco. Miriquiso pochin nisaran. Co onporontaꞌ pipiaranhuëꞌ,” itërin.

Hebreos 5:6 ပူးပေါင်းရင်းမြစ်များ

Salmos 110:4

Yosë chachin nani shaꞌhuitërinquën: “Caso Yosëco niꞌto, noꞌtëquën shaꞌhuitaranquën: Quëmasoꞌ noya noya corto huaꞌan acoaranquën. Miriquiso pochin nisaran. Co onporonta pipiaranhuëꞌ,” itërinquën.

Hebreos 5:10

Yosë nohuanton, Quisocristo corto huaꞌan chini chiníquën nanantërinso pochin yaꞌconin. Miriquiso pochin ninin.

Hebreos 6:20

Quisosoꞌton nani inápaquë panantarin tapatinpoaso marëꞌ. Inaquë yaꞌhuëmiatarin. Corto huaꞌan chini chiníquën nanantërinso pochin niꞌton, canpoa marëꞌ Yosë nontarin. Miriquiso pochin ninin. Co onporontaꞌ pipiarinhuëꞌ.

Hebreos 7:11

Iráca Aaronꞌton corto huaꞌan yaꞌconin. Ina quëran aꞌnaya aꞌnaya Nihuiroꞌsaꞌ huënton quëran niyaꞌhuërëtëraꞌpiapi. Naporoꞌ Yosëri, pënëntërinsoꞌ nanan shaꞌhuitërin yaꞌipi israiroꞌsaꞌ imacaiso marëꞌ. Nihui corto huaꞌanoꞌsaꞌ nanan anoyatërinënpoaꞌ naporini, ¿maꞌmarëtaꞌ aꞌna corto huaꞌan Miriquiso pochin nininsoꞌ huëcacasoꞌ yaꞌhuëitonhuëꞌ?

Hebreos 7:15

Inasoꞌ isoroꞌpaquë oꞌmarin niꞌton, nasha nanan shaꞌhuitërinpoaꞌ. Corto huaꞌan pochin canpoa marëꞌ Yosë nontárin. Miriquiso pochin co onporontaꞌ pipiarinhuëꞌ. Ina yonquihuatëhuaꞌ, naporinsoꞌ noꞌtëquën anitotërinpoaꞌ.

Hebreos 7:17

Yosë quiricanën quëran naporin: “Naꞌa corto huaꞌanoꞌsaꞌ yaꞌconpirinahuëꞌ, quëmasoꞌ noya noya acoaranquën inapita yaꞌhuërëtacaso marëꞌ. Yaꞌipi piyapiꞌsa marëꞌ nontaranco. Miriquiso pochin nisaran. Co onporontaꞌ pipiaranhuëꞌ,” itërin Yosëri.

Hebreos 7:3

Aꞌshin, paꞌpin, shimashonënpita, inapita co nohuitërëhuahuëꞌ. Onporosona nasitërinsoꞌ, onpo piꞌipi quëransona chimininsoꞌ, inapita co nitotërëhuahuëꞌ. Co Yosë quiricanën quëran shaꞌhuitërinpoahuëꞌ. Piyapi marëꞌ Yosë nontárin. Co Yosëri ocoirinhuëꞌ niꞌton, piꞌpian Yosë huiꞌnin pochin niꞌnin. Nanpiárin pochin cancantërëhuaꞌ.

Hebreos 7:8

Isoroꞌpaquë corto huaꞌanoꞌsari diesmo maꞌpatopirinahuëꞌ, inapitantaꞌ piyapiꞌsaꞌ niꞌton, chiminpi antaꞌ. Miriquisoso nipirinhuëꞌ nanpiarin pochin cancantërëhuaꞌ. Yosë quiricanën nontërëhuaꞌ quëran, naporëhuaꞌ.