Hebreos 5:10 - Chayahuita (Shahui)

¹⁰ Yosë nohuanton, Quisocristo corto huaꞌan chini chiníquën nanantërinso pochin yaꞌconin. Miriquiso pochin ninin.

Hebreos 5:10 ပူးပေါင်းရင်းမြစ်များ

Génesis 14:18

Aꞌna copirnorintaꞌ, Apran nacapirin. Inasoꞌ, Miriquiso itopi. Sarimoquë copirno yaꞌconahuaton, corto huaꞌan nimantarin. Yosë chini chiníquën nanantërinso marëꞌ sacatërin. Inaso Apran aꞌcarahuaton, huinonta oꞌshitërin. Piyapinënpitantaꞌ, aꞌcarin, oꞌshitërin, napotërin.

Salmos 110:4

Yosë chachin nani shaꞌhuitërinquën: “Caso Yosëco niꞌto, noꞌtëquën shaꞌhuitaranquën: Quëmasoꞌ noya noya corto huaꞌan acoaranquën. Miriquiso pochin nisaran. Co onporonta pipiaranhuëꞌ,” itërinquën.

Hebreos 2:17

Napoaton isoroꞌpaquë oꞌmaton, piyapi chachin nasitimarin. Co piyapi pochin nasitërinhuëꞌ naporini, co catahuainpoasoꞌ nanichitonhuëꞌ. Piyapi pochachin inantaꞌ niꞌton, noyá nohuitërinpoaꞌ. Corto huaꞌan chini chiníquën nanantërinso pochin nicaton, canpoa marëꞌ Yosë nontarin nanan anoyatinpoaso marëꞌ. Nosoroatonpoaꞌ, chiminin oshanënpoaꞌ inquitinpoaso marëꞌ. Inasoꞌ co nonpintërinpoahuëꞌ.

Hebreos 3:1

Imaramaꞌ niꞌton, Yosë anoyacancantërinquëmaꞌ. Huëntonënquë ayaꞌconinquëmaꞌ. Napoaton iyaroꞌsaꞌ Quisocristo naꞌcon yonquicoꞌ. Yosëri aꞌpaimarin nanamën aꞌchintinpoaso marëꞌ. Corto huaꞌan chini chiníquën nanantërinso pochin acorin. Ina nohuanton, imarëhuaꞌ.

Hebreos 5:11

Iráca ninopisoꞌ naꞌcon yaaꞌchintopiranquëmahuëꞌ. Co natantochináchinhuëꞌ cancantatomaꞌ, co yanatantëramahuëꞌ niꞌton, sacaiꞌ aꞌchintaꞌhuanquëmasoꞌ.

Hebreos 6:20

Quisosoꞌton nani inápaquë panantarin tapatinpoaso marëꞌ. Inaquë yaꞌhuëmiatarin. Corto huaꞌan chini chiníquën nanantërinso pochin niꞌton, canpoa marëꞌ Yosë nontarin. Miriquiso pochin ninin. Co onporontaꞌ pipiarinhuëꞌ.